Luke 1:49 - Bible Ni Thothup

⁴⁹ ni bochan e pin’en ni yira ngat ngay nike rin’ Got ngog, ni Got nib Th’abi Gel Gelngin. Ma fithingan e ba thothup;

Luke 1:49 Σταυροειδείς Αναφορές

Genesis 17:1

Nap’an ni mereb i ragay nge merab e duw yangren Abram, me yib i m’ug SOMOL ngak me ga’ar ngak, “I gag Got ni Gubin ma Rayag Rog. Mu par ni ga be fol rog u n’umngin nap’an e yafos rom ngam par ni dariy thibngim.

Psalms 111:9

Got e ke pithig e girdi’ rok, ma ke ngongliy ba m’ag u thilrad ni manemus. Ir e ba thothup ma ba gel gelngin.

Psalms 24:8

I mini’ e re pilung ni ga’ nem? Ir SOMOL, ni fa’anem nrib gel, I ir fare SOMOL, nma gel ko mael!

Psalms 99:3

Gubin e girdi’ ni bayi pining e sorok nga fithingan nib rir ma ba gilbugwan. Ir e ba thothup!

Psalms 99:9

Mu pininged e sorok ngak SOMOL ni Got rodad, mi gimed liyor ngak ko fare burey rok nib thothup! I SOMOL ni Got rodad e ba thothup.

Exodus 15:11

“SOMOL, i mini’ u fithik’ e pi got e bod gur? I mini’ e bod gur nri gab thothup? I mini’ e rayag ni ngongliy e pi maang’ang me maruwel ni bod gur?

Isaiah 1:24

Ere chiney e ngam telmed ko tin nge yog SOMOL ni Gubin ma Rayag Rok, ni ir fare Got rok yu Israel nrib gel gelngin, be ga’ar, “Bay gu fulweg taban ngomed gimed e pi to’ogor rog, nge dab ku mu k’arnged e damumuw rog nga dakenmed.

Isaiah 57:15

“I gag fare Got nib tolang ma ba thothup, ni gu ma par ni gu fos ni urun. Gu ma par u bang nib tolang ma ba thothup, ma kug ma par ko girdi’ nib sobut’an’ ma kar pi’ed keru’rad ko kireb rorad, ya nge yag ni gu fulweg e pagan’ nge lagan’ ngorad.

Isaiah 6:3

Ma yad be non nra bagayad ma be ga’ar ngak bagayad: “Ba thothup, ba thothup, ba thothup! I SOMOL ni Gubin ma Rayag Rok e ba thothup! Rogon feni sorok e ke sugnag e fayleng.”

Isaiah 63:1

“Mini’ e cha’nem ni be yib u Bozrah ko binaw nu Edom? Mini’ e cha’nem nike yin’ e mad ni row nrib gamog, ni be yib ni bay gelngin nib gel?” Ir SOMOL ni bay gelngin nira ayuw, nike yib ni nge yog nike gel.

Jeremiah 10:6

SOMOL, dariy be’ ni bod gur; I gur e th’abi gel gelngim, ma fithingam e ba mathangeluwol ma ba gel gelngin.

Jeremiah 20:11

Machane gur SOMOL e ga bay u ba’ rog ni gab gel ma gubin mrayag rom, ma pi’in yad be gafgow nigeg e bay ra parawgad. Bay ra pir’ed nike m’ayfarad ni manemus, ya dabiyag ni nge yan i aw nga rogon e tin yad be leamnag. Tamra’ ni yad ra tay e dariy n’umngin nap’an ma dab ni pag talin.

Mark 5:13

Ma aram me pagrad. Me chuw fapi mo’onyan’ u fithik’ i downgin fa’anem mranod ra yinggad ngak fapi babiy. Ma fare ran’ i babiy ni gonap’an e yad l’agruw i biyu’ e ra milgad ngranod ra mulgad u taban bangi war ngalan fare lipath ngar limochgad.

Luke 1:48

Ya ke leam nigeg, i gag e re tapigpig rok ni gub sobut’! Ma chiney i yan ngaram e bay i yog e girdi’ ko urngin e mfen nike fal’eg Got wa’athag,

Luke 1:50

ma runguy urngin e pi’in bay madgun u wun’rad u reb e mfen nga reb.

Efesus 3:20

Ya ir e rayag rok ni nge maruwel nge pag rogon ko tin kad wenig niged ngak, ara ke taw e leam rodad ngay, ni ra muruwliy u daken fare n’en ni gelngin ni ku ir e be maruwel u fithik’dad.

Revelation 15:4

Somol, i mini’ e dabi yib madgum ngak? Mini’ e en nra siyeg ni nge dabi weliy murung’agem nib sorom? Ya kemus ni go’ gur e gab thothup. Ya urngin e nam ni bay rabad ngar ted fam miyad siro’ ngom u p’eowchem, ya ngongol rom nib mat’aw e urngin e girdi’ ni kar guyed.”

Revelation 4:8

Ra bagayad fa aningeg i n’em ni yad ba fos ma nel’ pon, ma kayigi fach lan owcherad u lan porad ngu wuru’ i porad. Darir talgad ko tang ni rran nge neap’ ni be lungurad: “Ba thothup, ba thothup, ba thothup Somol ni Got ni Gubin ma Rayag Rok, ni ir e immoy, me ir e bay, me ir e bay yib.”

1 Samuel 2:2

“Dariy be’ nib thothup ni bod rogon SOMOL; dariy be’ ni bod Ir, dariy be’ nma yoror rodad ni bod e Got rodad.