Luke 1:17 - Bible Ni Thothup

¹⁷ Ma bayi yan ni ir e mol’og rok Got, nib gel ma ba gel gelngin e thin rok ni bod Elijah ni profet. Ma bayi fulweg e matam nge bitir nga ta’bang; ma bayi fulweg e girdi’ ndakurir folgad nga kanawo’en e leam nma tay e pi’in nib mat’aw; ma bayi ngongliy rogon girdi’en Somol ngar pired ni yad be sonnag Somol.”

Luke 1:17 Σταυροειδείς Αναφορές

1 Kings 17:1

Elijah ni fare profet ni be’ u Tishbe u lan yu Gilead e ga’ar ngak Ahab ni Pilung nu Israel, “U fithingan SOMOL ni fare Got nu Israel ni be par nib fos, ni gag e tapigpig rok, e nggog ngom ni bayi par ndakuriy e wa’angachal nge n’uw u lan l’agruw fa dalip e duw, nge mada’ ko ngiyal’ ni bay fin gog.”

1 Kings 18:18

Me ga’ar Elijah, “Gathi gag e kug gafgownag yu Israel, ya gur, ni gur nge chitamam. Dakumur folgow ko thin rok SOMOL ma gimew be tayfan fapi liyos ni ya’an Baal.

1 Kings 21:20

Ma fa’ani guy Ahab Elijah me ga’ar, “To’ogor rog, kam piri’egeg.” Me ga’ar Elijah, “Er rogon, kug piri’egem. Kam par ni tin nib kireb u p’eowchen SOMOL e ga be ngongliy.

2 Kings 1:16

me ga’ar ngak, “Ba’aray e n’en ni be yog SOMOL: ‘Bochan e kam l’oeg e pi tamal’og ni ngranod ra fithed laniyan’ Baalzebub, ni fare got nu Ekron — ni gowa dariy e got u lan yu Israel ni ngam fith lanyan’ — dab kum fos; bay mum’!’”

1 Kronicles 29:18

SOMOL ni Got rok e pi chitamngimad i Abraham, Isaak, nge Jakob, mu tay e biney e tafinay ni bfel’ ni gubin ngiyal’ u lan gumircha’en e girdi’ rom ma ga tayrad ni gubin ngiyal’ ni yad ba yul’yul’ ngom.

2 Kronicles 29:36

Me felfelan’ Hezekiah ni Pilung nge girdi’ ni bochan e ke ayuwegrad Got ke yag ni ngar rin’ed e pin’ey ni papey.

Psalms 10:17

SOMOL, bay mmotoyil ko meybil rok e pi’in ba sobut’; bay mpi’ e athamgil nga lanin’rad.

Psalms 111:10

Dogwen SOMOL e ireram tabolngin e gonop; gubin e pi’in ma folwok rok e ra pi’ e tamilangan’ ngorad. Ir e ngan pining e sorok ngak ni dariy n’umngin nap’an.

Psalms 78:8

Dab ra boded e pi chitamangirad kakrom, ni bogi girdi’ ni yad ba tatogopluw ma darir folgad, ni de muyluy e pagan’ rorad ngak Got, ma darir pired ni yad ba yul’yul’ ngak.

Isaiah 29:24

Girdi’ ni balyang e bay ra nanged fan ban’en, ma gubin e pi’in gubin ngiyal’ ma yad be gun’gun’ e yad ra felfelan’ ni ngar filed ban’en.”

Amos 4:12

“Ere gimed e girdi’ nu Israel, aram e nggu gechig nagmed. Ma nggu rin’ e ran’ey, ere ngam fal’eged rogomed ya ngam mada’ niged wenegan e pufthin rog!”

Matthew 11:14

fa’anra bm’agan’med ngay ni nge michan’med ko thin ni kan pi’ ngorad kar feked i yib, me ere John e ir Elijah, ni ir e ni yi’iynag murung’agen e wub ni bayi tay.

Matthew 14:4

Ya yigi i yog John nma tawfe ngak Herod ni ga’ar, “De mat’aw ni kam leengiy e re pin nir!”

Matthew 3:3

I John e ireram fa’anem ni weliy Isaiah ni profet murung’agen ni fa’ani ga’ar: “Be tolul be’ u daken e ted ni be ga’ar: ‘Mu fal’eged rogon kanawo’en Somol, mu yal’uweged e kanawo’ ni ngeb riy!’ ”

Matthew 3:4

Mad rok John e ni ngongliy nga bunu’en e kamel; ma ke leed nga keru’ e gamanman; ma ggan rok e asman’ing nge honey ni be pir’eg u fithik’ e pan.

Luke 1:16

Ya bayi fulweg bo’or e girdi’ nu Israel ngak Somol ni Got rorad.

Luke 1:76

I gur, fakag, e bay nognem ni gur ba profet rok Got, ni Got ni Th’abi Tolang. Bay mm’on rok Somol ngam ngongliy e kanawo’ rok,

John 1:13

Dar manged pifak Got ni bod rogon nra sumgad ko girdi’, nni gargelegrad nib girdi’ e chitamangirad; machane Got e ir e en ni Chitamangirad.

John 1:34

Me ga’ar John, “Kug guy, ere gu be yog ngomed ni ir fa’anem ni Fak Got ir.”

John 3:28

Gimed e pi girdi’ nir e gimed e mich rog ni fa’an gog ni lungug, ‘Gathi gag fare Messiah, machane ka nol’oegeg ni gu be m’on rok.’

Acts 10:33

Ere ka chingiyal’ nem mu gol’oeg e thin nge yib ngom, ere kam magaer ni ka mub. Chiney e gamad gubin ni gamad ba’aray u p’eowchen Got, ni gamad be son ni nggu rung’aged e tin ke yog Somol ngom ni ngam weliy.”

Roma 9:23

Ma ku be finey ni nge dag e fla’ab rok ni ba ga’ nike pu’og nga dakendad e pi’in be runguydad, ni pi arodad nike ngongliy rogorad ni nge yag e fla’ab rok ngorad.

Kolose 1:12

Mu um pinined e magaer u fithik’ e felfelan’ ngak e en ni Chitamangiy ni ir e ke ngongliymed kam pired nrayag ni nge yag e f’oth ngomed u urngin ban’en ko tin ke tay Got ni fan ngak e tirok’ e girdi’ ko gin nsuwon nrib tamilang.

2 Timothy 2:21

Fa’anra fal’eg be’ rogon nge gilaf nga orel ko pi kireb ney ni gubin, ma yira fek ngan maruwel ngak ni fan nga boch ban’en ni bfel’, ni bochan e ke pi’ ir nga pa’ e Masta rok ma ba ga’ fan ngak e Masta rok, ma ke par nra bung ni ngan maruwel ngak ni fan nga urngin e maruwel ni bfel’.

1 Peter 2:9

Machane gimed girdi’en fare nam nike mel’egmed Got, ni gimed e pi prist rok e en ni Pilung, ma gimed fare nam ni gimed ba thothup, ni gimed girdi’en Got, ni mel’egmed Got ni ngam wereged murung’agen e n’en nrib fel’ nike ngongliy Got, ni ir e piningmed u fithik’ e lumor ngambad nga fithik’ e tamilang rok nrib fel’.

1 John 2:28

Er rogon, pifakag, mpired u fithik’ Kristus, nge dab da tamdaggad ko ngiyal’ nra yib i m’ug riy me siy da mithgad rok ni bochan e tamra’ rodad ngak ko fare Rran nra yib riy.

Revelation 20:4

Ma aram mu gguy tagil’iy nge pi’in ni kar pired nga daken ni ka ni pi’ mat’awrad ni ngar pufthingad. Ma ku gguy e pi’in nli’rad ngarm’ad ni bochan e ur weliyed fapi thin nib riyul’ ni yib i yog Jesus ngan nang nge fare thin rok Got. Ma dar ted fan ma dar meybilgad ngak fare gamanman ara nga ya’an nni ngongliy ni liyos, fa reb e ntay e pow ko fare gamanman nga daken peri’rad ara rifrif u pa’rad. Ra fosgad mu ur pired rok Kristus ni kar manged pilung ma yad be gagiyeg ni reb e biyu’ e duw.

1 Samuel 7:5

Ma aram me pining Samuel gubin piyu Israel ni ngar mu’ulunggad nga Mizpah, ni be ga’ar ngorad, “U rom e nggu meybil nagmed riy ngak SOMOL.”