Levitikus 9:9 - Bible Ni Thothup

⁹ Me fek fapi pumo’on ni fak Aron e racha’ riy i yib ngak, me lithag buguli pa’ nga fithik’ nge thiy boch riy ko fapi gagey u tabthungen fare altar, me pu’og e tin ke aw riy nga enggin fare altar.

Levitikus 9:9 Σταυροειδείς Αναφορές

Ezekiel 43:15

Thal ney ni th’abi p’ebgul, ni ireram fa gin’en ni yima urfiy e maligach u daken e ku medlip e fit tolangin. Fapi nochi gagey ko fa aningeg i tabthung e ir e bm’ug ngalang u daken, ga’ngin yang p’ebgul.

Ezekiel 43:20

Gur e ga ra fek boch u racha’en ngam thiy nga taban fapi gagey u tabthungen e thal ni daken fare altar, nge tabthungen e thal ni lukngun fare altar, nge ga’ngin yang i mirichren. Irera’ rogon i machalbognag fare altar ni nge tabgul.

Levitikus 16:18

ma thingari yan ko fare altar ni fen e maligach ni mo’oruf nge machalbognag. Thangri fek boch racha’en fare garbaw ni pumo’on nge boch racha’en fare kaming nge thiy ko fa aningeg i gagey ko tabthung ko fare altar.

Levitikus 4:25

Me lithag fare prist buguli pa’ nga fithik’ e racha’ ko fare gamanman, nge tay nga daken fapi gagey ni bay u tabthungen fare altar, me pu’og e tin ke aw ko fapi racha’ nga enggin fare altar.

Levitikus 4:30

Me lithag fare prist buguli pa’ nga fithik’ e racha’ ko fare gamanman, nge tay ko fapi gagey u tabthungen fare altar, me pu’og e tin ke aw nga enggin fare altar.

Levitikus 8:15

Me li’ Moses fare gamanman nge yim’ me fek boch i racha’en nga bugili pa’ nge thiy ko fapi gagey u tabthungen fare altar, ni aram e be ognag ngak SOMOL. Me pu’og e tin ke aw ko fapi racha’ nga enggin fare altar, aram rogon ni machalbognag me pi’ ngak SOMOL.

Levitikus 9:10

Me urfiy u daken fare altar e mam, nge fa gal bu’oy riy, nge gin nth’abi fel’ ko ad riy, nri bod rogon ni yog SOMOL.

Levitikus 9:12

Ma aram me li’ fare gamanman ni maligach ni mo’oruf. Me fek fapi pumo’on ni fak e racha’ riy i yib ngak, me pag nga dow fa aningeg i tabthung ko fare altar.

Levitikus 9:18

Me li’ nge yim’ fare garbaw ni pumo’on nge fare saf ni pumo’on nib maligach nma gapaseg thilin Got nge girdi’. Me fek fapi pumo’on ni fak e racha’ riy i yib ngak, me pag nga downgin fare altar ni ga’ngin yang.

Hebrews 2:10

Got ni ir e sunumiy urngin ban’en ma be ayuweg ni gubin be par ni bfel’ rogon, e rib mat’aw ni muruwliy nge yan Jesus u fithik’ e gafgow nge yan i par ngarogon ni be finey Got, ni fan e nge yag ni fek Jesus pifak Got ni pire’ i yan nge thapegrad ngak Got ngar uned ngak ko fla’ab ni bay rok. Ya Jesus e ir e pow’iyrad ngar thapgad ngak Got.