Levitikus 9:4 - Bible Ni Thothup

⁴ nge ba garbaw ni pumo’on nge ba saf ni pumo’on ni nge mang maligach nma gapaseg thilin Got nge girdi’. Ngar pi’ed ngak SOMOL nib mu’un ko grain ni ngan ognag ni kan athkuy e gapgep ngay. Thingar rin’ed e ran’ey ni bochan e SOMOL e bay i m’ug ngorad e daba’.”

Levitikus 9:4 Σταυροειδείς Αναφορές

Exodus 16:10

Ma nap’an ni be non Aron ngak e girdi’ nu Israel ni gubin, miyad changar nga daken e ted ni desert miyad guy ram’en e muluplup’ rok SOMOL nike m’ug u fithik’ bangi manileng.

Exodus 19:11

nge langlath ma kar mu’gad. Rofen nem e gag SOMOL e bay gub nga but’ nga daken e Burey ni Sinai, mu rom e bayi guyeg e girdi’ ni gubin riy.

Exodus 24:16

Me yib ram’en SOMOL nga daken e burey ni Sinai, me ing fare gi manileng e re burey nem ni nel’ e rran. Me chirofen ni medlip e rran ngay me non SOMOL ngak Moses u lukngun fa gi manileng.

Exodus 29:43

U rom e bay gu mada’nag e girdi’ nu Israel ngay, ma fare ram’en e maluplup ko gin gu bay riy e ra thothupnag e gin’em.

Ezekiel 43:2

mu rom e gguy riy fare ra’en e maluplup’ u tagil’ Got rok yu Israel nike yib ko ngek. Ma lungun SOMOL e bod lingan e day ni be chub, ma fayleng e gal ra’en nib maluplup’.

Ezekiel 43:27

Nap’an nra m’ay fare wik, ma fapi prist e ngar pi’ed u daken fare altar e maligach ni mo’oruf nge maligach ni nge gapaseg thilin Got nge girdi’. Ma aram e bay i felan’ug ngomed ni gimed gubin. I Gag fare SOMOL ni Th’abi Tolang e kugog e pi thin ney.”

Levitikus 2:1

Ra nge pi’ bigimed ba maligach ni grain ngak SOMOL, ma sam’on e thangri bilig nge yib ni flour. Me tay e gapgep ni olive nge incense nga daken

Levitikus 3:1

Fa’anra nge pi’ be’ bmaligach ni fan e nge gapas thilin Got nge girdi’, ma nge pi’ ba garbaw ni demturug ko bpin fa pumo’on ndariy bochyang u downgin nib kireb.

Levitikus 9:23

Me yan Moses nge Aron nga langgin fare Tent u p’eowchen SOMOL, ma nap’an nra sulow nga wean mar yibileyew fapi girdi’ ni nge fel’ wa’athrad, me m’ug e maluplup rok SOMOL ngak e girdi’ ni gubin.

Levitikus 9:3

Ma gog ko girdi’ nu Israel, ngar feked ba kaming ni pumo’on i yib ni nge mang maligach ni fen e denen, nge ba fak e garbaw ni pumo’on nge ba fak e saf ni pumo’on ni ta’reb e duw rorow ma dariy bochiyang u dowrow nib kireb ni fen e maligach ni mo’oruf,

Levitikus 9:5

Miyad fek i yib nga mit fare Tent urngin e tin keyog Moses, me mu’ulung piyu Israel ngaram ni ngar liyorgad ngak SOMOL.

Levitikus 9:6

Me ga’ar Moses, “I SOMOL e keyog ngomed ni ngam rin’ed oren e pin’ey, ya nge yag ni m’ug e maluplup’ rok ngomed.”

Numbers 14:10

Ma be yan yu Israel ni ngar malang niged yow ngar m’ow, ma yigi gin e girdi’ ma ke m’ug ram’en SOMOL nib mluplup’ u daken fare Tent ni be dag ni bay u rom.

Numbers 16:19

Ma aram me kunuy Korah gubin e girdi’ nu Israel nga ta’bang, ngar sak’iygad ni yad ba sap ngak Moses nge Aron ni yow bay u langan e mab ko fare Tent. Miyad gin ma ke mat muluplup’en SOMOL nga dakenrad ni yad gubin,