Levitikus 9:22 - Bible Ni Thothup

²² Nap’an ni mu’ Aron i pi’ fapi maligach ni urngin, me chibiy pa’ ngalang nga daken fapi girdi’ me yibilayrad ni nge fel’ wa’athrad, ngemu’ me sul nga but’ ko fare altar.

Levitikus 9:22 Σταυροειδείς Αναφορές

1 Kings 8:55

Me meybil ngak Got ni ba ga’ laman nike yibilay urngin e girdi’ nike mu’ulung ngaram ni ga’ar,

1 Kronicles 23:13

Bin nganni’ e pagel ni fak e Amram ni ir e chitamngin Aron nge Moses. (Aron nge pi’in owchen e ni falrad ngabang ni nge milfan fa pin’en nib thothup ngorad ni manemus, ngu’ur urfiyed e pi incense ko ngiyal’ ni yibe liyor ngak SOMOL, ma yad be pigpig ngak, ma yad be fel’eg wa’athan e girdi’ nga fithingan.

2 Kronicles 6:3

Ngiyal’ ni ba’aram nib sak’iy ga’ngin yu Israel u rom. Me cheal e en ni pilung u luwan nge sap ngorad me ning ngak Got ni nge fal’eg wa’athrad.

Psalms 72:17

Mang e yigi par fithingan e en pilung ni dab ni pag talin; mang e yigi par buguwan nn’umngin nap’an ni bay e yal’. Mang e yigi urngin e nam me ning ngak Got ni nge fal’eg wa’athrad ni bod nike fal’eg wa’athan e en ni pilung.

Exodus 39:43

Me fal’eg Moses i yaliy gubin fa pin’em ni kar ngongliyed me guy ni kar ngongliyed ni karikan rogon ni yog SOMOL. Ma aram me fal’eg Moses wa’athrad.

Numbers 6:22

Me yog SOMOL ngak Moses

Mark 10:16

Me kunuy Jesus fapi bitir ngak me tay pa’ nga dakenrad, ni aram e ke yibilayrad.

Luke 24:50

Ma aram me fekrad nga wuru’ e binaw ngranod ra mada’gad nga Bethany, me tining pa’ nga dakenrad me yibiliyrad ngak Got.

Acts 3:26

Ma aram me duwgiliy Got ni gimed e som’on ni nge l’oeg e Tapigpig rok nge yib ngomed, nge ayuwegmed ni aram e nge ngongliymed ni gimed gubin ngam pi’ed keru’med ko kireb ni gimed be rin’.”

Deuteronomy 10:8

Ngiyal’nem e turguy SOMOL ni pumo’on ko ganong rok Levi e nge milfan fare kahol ko m’ag ngorad, ma ngu’ur pigpiggad ngak ni prist, ma yad e ngu’ur fal’eged wa’athan e girdi’ nga fithingan SOMOL. Pin’ey e ka yad be rin’.

Deuteronomy 21:5

Ma fapi prist ni pifak Levi e ku yad ra un ngaram, ni bochan e yad ma turguy urngin e yupa’ i oloboch nni rin’ u fithik’ e yargel. I SOMOL ni Got romed e ke mel’egrad ni ngar pigpiggad ngak ma yad be maybilnag e girdi’ nga fithingan ni nge fal’eg wa’atharad.

1 Peter 3:9

Dab mu puluw niged e tagan, ara mpuluw niged e thin nib kireb; machane ngam fulweged taban nga ban’en ni bfel’, ya ban’en ni bfel’ e ke yog Got ni nge pi’ ngomed ko ngiyal’ ni fa’ani piningmed.