Levitikus 8:36 - Bible Ni Thothup

³⁶ Ere Aron nge pi pumo’on ni fak e rrin’ed urngin e tin keyog SOMOL u daken Moses ni ngan rin’.

Levitikus 8:36 Σταυροειδείς Αναφορές

Exodus 39:43

Me fal’eg Moses i yaliy gubin fa pin’em ni kar ngongliyed me guy ni kar ngongliyed ni karikan rogon ni yog SOMOL. Ma aram me fal’eg Moses wa’athrad.

Exodus 40:16

I Moses e rin’ urngin e tin ni yog SOMOL ni nge rin’.

Levitikus 8:35

Thingar mu pired u langan e mab ko fare Tent ni rran nge nep ni medlip e rran, ni gimed be rin’ e tin ni yog SOMOL. Ya fa’anra dangay, ma gimed ra yim’. Irera’ e n’en ni yog SOMOL ngog ni nggu rin’.”

Levitikus 8:9

Me tay fare turban nga lolgen, ma gin migid nga peri’ fare turban e tay fare madelia nib gol ngay, ni pow riy ni kemang tirok Got, nri bod rogon ni yog SOMOL ngak ni nge rin’.

Levitikus 9:1

Tomuren e rofen ni lebug fare mathiy ni bangbangen fapi prist ni yibe yiblayrad me pining Moses Aron nge fapi pumo’on ni fak nge pi’in ma yog e thin nu Israel.

Deuteronomy 12:32

“Mu rin’ed urngin e tin kugog ngomed ni ngam rin’ed; ndab mon’ed ban’en ngay ara mu chuweged reb riy.

Deuteronomy 4:2

Dab mu puthuyed ban’en ko tin nggu taychilen ngomed ni ngu’um rin’ed, ma dab mu lufed ban’en riy. Ngu’um folgad ko thin rok SOMOL ni Got romed ni fa’an ku gu pi’ ngomed.

1 Samuel 15:22

Me ga’ar Samuel, “Mang e ba’adag SOMOL? Fol fa tin ni ngan pi’ ngak ara maligach? Kabfel’ ni ngan fol rok ko bin ni nga ni pi’ e bin th’abi fel’ e saf ngak ni maligach.