Levitikus 8:25 - Bible Ni Thothup

²⁵ Me fek pachan fare gamanman ni go’ mam, nge urngin e mam nib ing gil’iggan, nge gin th’abi fel ko ad riy, nge fa gali bu’oy riy ni kabay e mam nib ing, nge ba’ ni mat’aw i ay.

Levitikus 8:25 Σταυροειδείς Αναφορές

Exodus 12:9

Dab ni longuy ni k’akling fa nlith ko ran, machane yira longuy ni kan urfiy ni polo’, nib mu’un lolugen nge ay nge urngin ban’en ni bay u fithik’ i downgin ngay.

Exodus 29:13

Me migid mag fek gubin yang e mam nib ing gil’iggan fare gamanman, nge gin th’abi fel’ ko ad riy, nge fagal bu’oy nib mu’un e mam riy ngay, mag urfiy e pin’ey u daken e altar nib maligach ngog.

Proverbs 23:26

Fakag, mu uthum e lim ngog, ma ga folwok rog.

Isaiah 53:10

Be ga’ar SOMOL, “I gag e gu turguy ni nge gafgow; yam’ ni tay e ba maligach ni fan e nggu n’ag fan e denen ko girdi’. Ere bayi guy e pi’in owchen; bayi par nib n’uw nap’an, ma tin kem’ay i leamnag rog e bayi yan i aw nga rogon u daken.

Levitikus 3:9

miyad pi’ e yungin ba’aray ko fare gamanman ni ba ggan ni maligach ngak SOMOL: urnging e mam riy nib mu’un e tin nth’ab u lan keru’ nib migid ko niw u keru’, nge gubin e mam nib ing gil’iggan,

Levitikus 8:24

Ma aram me fek pifak Aron ni pumo’on nga m’on nge thiy boch e racha’ nga ba’ ni mat’aw i yuwan telrad, nge bugul ni ga’ u ba’ ni mat’aw i pa’rad, nge bugul ni ga’ u ayrad u ba’ ni mat’aw. Ngemu’ me pag Moses e tin ke aw ko fapi racha’ nga downgin fa aningeg i tabthung ko fare altar.

Levitikus 8:26

Me fek reb e flowa ni lof u lan fare dug ni bay fapi flowa riy nlith ndariy e is riy ni kan mu’ i pi’ ngak SOMOL, ni reb e lof ni kan lith ni bay e gapgep riy, nge ba kek nib gilgith, me tay nga daken fapi mam nge fa ba’ ni mat’aw i ay.