Levitikus 8:14 - Bible Ni Thothup

¹⁴ Ma aram me fek Moses fare fak e garbaw ni pumo’on nib maligach ni fan ko denen, me tay Aron nge fapi pumo’on ni fak pa’rad nga daken lolgen fare gamanman.

Levitikus 8:14 Σταυροειδείς Αναφορές

Psalms 66:15

Bay gu pi’ e saf ni ngan urfiy u daken e altar; bay gu maligach ko garbaw nge kaming, ma ath riy e bay i taw ngalan nga lanelang.

Isaiah 53:10

Be ga’ar SOMOL, “I gag e gu turguy ni nge gafgow; yam’ ni tay e ba maligach ni fan e nggu n’ag fan e denen ko girdi’. Ere bayi guy e pi’in owchen; bayi par nib n’uw nap’an, ma tin kem’ay i leamnag rog e bayi yan i aw nga rogon u daken.

Ezekiel 43:19

Fapi prist ni girdi’en fare ganong rok Levi nrabad ku Zadok e kemus ni yad e picha’ ni yad ra yib nga p’eowcheg ngar pigpiggad ngog. I Gag SOMOL ni Th’abi Tolang e gu be ta’chiylen e ran’ey. Ga ra pi’ ba fak e garbaw ni pumo’on ngorad ni ngan pi’ nib maligach ni fan ko denen.

Ezekiel 43:20

Gur e ga ra fek boch u racha’en ngam thiy nga taban fapi gagey u tabthungen e thal ni daken fare altar, nge tabthungen e thal ni lukngun fare altar, nge ga’ngin yang i mirichren. Irera’ rogon i machalbognag fare altar ni nge tabgul.

Ezekiel 44:27

ma aram e nge yan ko thal ni langgin e yoror ko Tempel nge pi’ e maligach nma be’ech nagey ya nge yag ni nge pigpig u lan e a Tempel bayay. I Gag fare SOMOL ni Th’abi Tolang e gu be non.

Levitikus 1:4

Facha’ e nge tay pa’ nga daken lolgen fare gamanman, ma aram e ra magan’ SOMOL ngay ni nge mang bayul ko denen rok fa’anem.

Levitikus 16:21

Ma nge tay pa’ nruw raba’ nga daken lolugen me weliy urngin e kireb, nge denen, nge togopluw ni be tay yu Israel, ni aram e ke chuweg u dakenrad ke tay nga daken lolugen e re kaming nem. Ma aram e ngan tuluf fare kaming i yan ngalan e ted ni desert ni be’ ni kan duwgiliy e ir e nge tuluf e re kaming nem.

Levitikus 16:6

Som’on e nge pi’ Aron ba garbaw ni pumo’on nge mang maligach ni nge chuweg e denen rok nge denen ko girdi’ nu tabinaw rok.

Levitikus 4:15

ma pi’in yad ma yog e thin rorad e ngar ted pa’rad nga daken lolgen fare gamanman, min li’ ngem’ u rom.

Levitikus 8:2

“Mu fek Aron nge pifak ni pumo’on nga langan e mab ko fare Tent u p’eowcheg mag fek fapi madan e prist i yib, nge fare gapgep ni fen e mathiy, nge ba fak e garbaw ni pumo’on ni fan ko maligach ko denen, nge fa gali pifak e saf ni pumo’on, nge fare dug i flowa ndariy e is riy.

Numbers 8:12

Me tay e pi Levite rifrifen pa’rad nga daken lolugen fa gal garbaw ni pumo’on; reb e ngan pi’ nib maligach ni fan ko denen ma reb e nge mang ba maligach ni mo’oruf, ni aram bangbengin ni nge machalbog e pi Levite.

Roma 8:3

I Got e ke rin’ e n’en nde yag ni nge rin’ e Motochiyel ni fan ngodad ni bochan e gadad bme’ewaer nrogon e girdi’. Ke l’oeg Fak ke yib ni bay downgin ni bod rogon e dowef rodad nrayag ni nge denen, mu fithik’ e re dowef nem ni pi’ ni maligach e gechignag Got e denen riy.

2 Korinth 5:21

Kristus e dariy e denen ni ngongliy, machane me fek Got e denen rodad nge tay nga daken, ni fan e ngad ta’ab girdi’gad ngak nge yag nda mat’awgad ni bod rogon Got.

1 Peter 3:18

Ya Kristus e ir e yim’ ni fan ko denen, nri ta’ab yay me mus, ni ir be’ nib mat’aw me yim’ ni fan ngak e girdi’ nde mat’aw, ni fan e nge yag ni fekmed i yan ngak Got. Ya nli’ ngem’ e dowef rok, machane min faseg ni dabki yim’;