Levitikus 7:7 - Bible Ni Thothup

⁷ Bay ta’reb e gafal ni ir e ngan fana’ ko fa gal maligach ni aram e maligach ko denen nge maligach ko mthang malfith: ufin fare gamanman e ba milfan ngak fare prist ni pi’ fare maligach u daken e altar.

Levitikus 7:7 Σταυροειδείς Αναφορές

2 Kings 12:16

Salpiy ni yima pi’ ni maligach ni bayul nge maligach ko denen e danir ma yin’ ngalan fare kahol; ya bmilfan ko fapi prist.

2 Kings 12:17

Ma ngiyal’nem e yib Hazael ni Pilung nu Syria i mael ngak fare binaw nu Gath nge kol; ma aram me turguy u wan’ ni nge mael ngak yu Jerusalem.

Levitikus 14:13

Thingari li’ fare fak e saf u lan fare gin’en nib thothup ni yima li’ nge yim’ e gamanman riy ni maligach ni fan ko denen nge maligach ni mo’oruf. Thangri rin’ ni aray rogon ni bochan e fare maligach ni mthang malfith, ni bod fare maligach ni fan ko denen, e go’ bmilfan ngak fare prist, ma rib tabgul.

Levitikus 2:10

Ma tin ke aw riy e nge par rok fapi prist; pi ggan ney e rib tabgul ya kanfek ko fare ggan nni pi’ ngak SOMOL.

Levitikus 2:3

Ma tin ke magey ko fapi grain e nge par rok fapi prist; pi ggan ney e rib tabgul ya kanfek ko fare ggan nni pi’ ngak SOMOL.

Levitikus 6:17

Thingar dab nlith ni bay e is riy. I SOMOL e nge pi’ ni f’oth rok fapi prist ko fare maligach ni ggan. Rib tabgul, ni bod e maligach ko denen nge maligach ni mathang malfith.

Levitikus 7:8

Ma keru’ fare gamanman npi’ nib maligach ni mo’oruf e ba milfan ngak fare prist ni pi’ fare maligach u daken e altar.

Numbers 5:8

Machane fa’anra ke yim’ facha’ ni kan rin’ e kireb ngak ma dakuriy be’ rok nib chuchugur ni yira bayul ngak, ma aram e ngan pi’ e bayul ngak SOMOL ni fen fare prist. Re bayul ney e yira chagiy ko fare pifak e saf ni pumo’on ni ir e kan fanay ni fan nga bangbengin facha’ nike sul ke be’ech.

1 Korinth 10:18

Mu tafinay niged piyu Israel: pi arorad nma longuy e gamanman nni pi’ ni maligach e yad be un ko pigpig ngak Got u altar.

1 Korinth 9:13

Ri gimed manang ni pi’in yad ma maruwel u Tempel e yad ma fek garad u Tempel, ma pi’in yad ma pi e pi maligach u daken e altar e yad ma fek e birorad e f’oth ko fapi maligach.