Levitikus 6:14 - Bible Ni Thothup

¹⁴ Irera’ gafalen e grain ni yima ognag, ba prist ko tabnaw rok Aron e nge fek e grain ni ngan pi’ ngak SOMOL nga mit fare altar.

Levitikus 6:14 Σταυροειδείς Αναφορές

1 Kronicles 9:31

Reb e pi Levite ni Mattithiah fithingan, ni bin nganni’ ko pagel ni fak Shallum ko fare ke girdi’ rok Korah, e ir e ba milfan ngak i ngongliy fapi maligach ni yima wumnag. Ni yima wumnag e ir e ba milfan i ngongliy ngak.

Levitikus 1:13

Ma gil’iggan nge ay fare gamanman nl’agruw raba’ e thangri luknag fare mo’on, ma fare prist e nge pi’ fare maligach ngak SOMOL ni nge urfiy ni gubin yang u daken fare altar. Ma bon e re maligach ni ggan ney e rib fel’ u wan’ SOMOL.

Levitikus 1:17

Me kol pon u barba’ ngu barba’ nge pof nge machwo’ u ngorngoren, ma dabi chow’ay nge mul pon fare arche’ u kenggin, ma aram me urfiy nib polo’ u daken fare altar. Ma bon e re maligach ni ggan ney e rib fel’ u wan’ SOMOL.

Levitikus 1:9

Ma gil’iggan nge ay fare gamanman nl’agruw raba’ e ra luknag facha’, ma re prist ni ir e be pigpig e ngiyal’nem e nge urfiy fare maligach nib polo’ u daken fare altar. Ma bon e re maligach ni ggan ney e rib fel’ u wan’ SOMOL.

Levitikus 10:12

Me ga’ar Moses ngak Aron nge fa gali pumo’on ni fak ni kar magey gow, ni aram Eleazar nge Ithamar, “Mu feked fare maligach ni grain ni ke’aw ko fapi ggan ni kan pi’ ngak SOMOL ngam ngongliyed e flowa riy ndab ntay e is ngay ngam ked u to’oben fare altar, ya re maligach ney e rib tabgul.

Levitikus 6:13

Thangri i par fare nifiy u daken e altar ni dabi math, ni dariy e ngiyal’ ni ngan pag nge math.

Levitikus 6:15

Me fek ba gogow i flour ni bay e gapgep, nge incense riy, nge urfiy u daken fare altar ni aram e pow riy ni kan pi’ ni ga’ngin ngak SOMOL. Bon e re maligach ney e rib fel’ u wan’ SOMOL.

Numbers 15:4

En nra pi’ ba saf nge ba kaming nib maligach ni mo’oruf ngak SOMOL e nge chagiy nga reb fa gali gamanman l’agruw e pawn e flour ni kan athkuy l’agruw e pint e gapgep ni olive ngay ni nge mang ba maligach ni grain ma ku ra chagiy l’agruw e pint e wayin ngay.

Numbers 15:6

Ma nap’an nra ognag ba saf ni pumo’on, ma aningeg e pawn e flour nike athkuy dalip e pint e gapgep ni olive ngay e ra pi’ nib maligach ni grain,

Numbers 15:9

ma ba maligach ni grain ni nel’ e pawn e flour ni kan athkuy aningeg e pint e gapgep ni olive ngay e nge pi’,

John 6:32

Me ga’ar Jesus ngorad, “Nggog e tin riyul’ ngomed, n’en ni pi’ Moses ngomed e gathi flowa ni yib u tharmiy; ya Chitamag e ke pi’ e bin riyul’ e flowa ngomed ni yib u tharmiy.