Levitikus 6:10 - Bible Ni Thothup

¹⁰ Me kadbul me yin’ fare prist madan e prist, me chuw ko fa ley i zubong rok. Ma aram me chuweg e awat nike aw ko fare maligach u daken e altar nge tay nga barba’ i charen fare altar.

Levitikus 6:10 Σταυροειδείς Αναφορές

Psalms 20:3

Mang e yigi fanay gubin e maligach rom me fel’ u wan’ e maligach ni mo’oruf ni ka mu pi’.

Psalms 37:20

Ma pi’in kireb e yad ra yim’; pi to’ogor rok SOMOL e yad ra chuw ni bod e floras u fithik’ e pan; bay rm’aygad ngabang ni bod e ath.

Ezekiel 44:19

U m’on ni ngranod ko thal ni wuru’ e yoror ko gin bay e girdi’ riy, ma thingar llufed fapi mad ni yad ma yin’ ko maruwel u Tempel ngar ted u lan fapi senggil nib tabgul. Miyad yin’ yug boch e mad ni fan e nge dabi af e girdi’ machan fapi mad rorad nib tabgul.

Levitikus 1:13

Ma gil’iggan nge ay fare gamanman nl’agruw raba’ e thangri luknag fare mo’on, ma fare prist e nge pi’ fare maligach ngak SOMOL ni nge urfiy ni gubin yang u daken fare altar. Ma bon e re maligach ni ggan ney e rib fel’ u wan’ SOMOL.

Levitikus 1:9

Ma gil’iggan nge ay fare gamanman nl’agruw raba’ e ra luknag facha’, ma re prist ni ir e be pigpig e ngiyal’nem e nge urfiy fare maligach nib polo’ u daken fare altar. Ma bon e re maligach ni ggan ney e rib fel’ u wan’ SOMOL.

Levitikus 16:4

Ma aram me pi’ SOMOL e pi gafal ney. U m’on ni nge yan Aron ngalan e Gin Th’abi Thothup, ma thangri maluk me yin’ madan e prist, ni fare wuru’ e mad nib wech, nge balay i zubong, me m’ag fare leed, me tay fare turban.

Levitikus 2:11

Dariy e grain ni ngan pi’ ngak SOMOL ni ngan ngongliy ko is; ma thingar dab mu fanayed e is ara honey nga ggan ni ngan ognag ngak SOMOL.

Levitikus 21:22

Be’ nib mo’on ni aray rogon e rayag ni kay fare ggan ni kan pi’ ngog, ni fa bin kan ognag nib thothup nge fa bin kan ognag nib th’abi thothup,

Levitikus 4:12

ni nge fek nga wuru’ e gin nike n’uf yu Israel e tent rorad riy, ko fa gin nib tabgul ni yima pu’og e awat ngay, mu rom e nge urfiy riy u daken e l’ud.

Levitikus 6:11

Ngemu’ me thilyeg e mad rok me fek fapi awat nga wuru’ e gin ma par yu Israel riy ko fa gin’en nib tabgul.

Levitikus 6:18

Chiney i yan ngaram e demturug be’ nib mo’on ni owchen Aron, ma rayag ni nge kay e pi ggan ney ni kan pi’ ni maligach ngak SOMOL. Ma yug be’ e ra math ko pi ggan ney mra afmachan nga feni tabgul.

Levitikus 6:22

Ma chiney i yan e ngaram e go’ pi’in owchen Aron nike mang Prist ni Th’abi Ga’ e ra pi’ e re maligach ney. Thingar ni urfiy nib polo’ ni ba maligach ngak SOMOL.

Levitikus 8:2

“Mu fek Aron nge pifak ni pumo’on nga langan e mab ko fare Tent u p’eowcheg mag fek fapi madan e prist i yib, nge fare gapgep ni fen e mathiy, nge ba fak e garbaw ni pumo’on ni fan ko maligach ko denen, nge fa gali pifak e saf ni pumo’on, nge fare dug i flowa ndariy e is riy.

Numbers 16:21

“Mpaloggow rok e pi girdi’ney, ya nggu thang e pogofan rorad e chiney.”

Numbers 16:35

Me pi’ SOMOL ba nifiy ni be dramram nge urfiy fa 250 i pumo’on ni kar pi’ed e incense.

Revelation 19:14

Ma salthaw nu tharmiy e yad be lek keru’ ni kar afgad nga daken e os nib wechwech ni ka ron’ed e mad nib be’ech ma ba wechwech.

Revelation 19:8

Ya ka ni pi’ mat’awun ni nge yin’ e mad nib be’ech ma ba wechwech ni be galgal ram’en.” (Mad nib wechwech e ireram e ngongol nib mat’aw ni i rin’ e pi’in ni girdi’en Got.)

Revelation 7:13

Me fitheg bagayad fa pi’in pi’ilal ni ga’ar, “Mini’ e pi girdi’ nem ni karon’ed e mad nib wechwech, mu uw e karbad riy?”