Levitikus 5:2 - Bible Ni Thothup

² Fa’anra kal be’ nge math nga ban’en nib ta’ay ni bod ba gamanman nike yim’, ma yug nap’an e ra nang e n’en nike rin’, ma ke buch e rok ma ke ta’ay.

Levitikus 5:2 Σταυροειδείς Αναφορές

Psalms 19:12

Dariy be’ nrayag ni nge guy e kireb rok; SOMOL, mu chuwegeg u fithik’ e kireb rog nib mith.

Isaiah 52:11

Gimed urngin e pi’in gimed be fek mam’en e Tempel, mu chuwgad u Babylon ni ka chingiyal’ ney! Dab mmathgad nga ban’en nike yog e motochiyel ndab mmathgad ngay; mu ted gimed ni gimed ba thothup mi gimed chuw u lan e re binaw nir.

Levitikus 11:11

Mitney e yafos e thingar mu ted nib ta’ay. Thingar dab mu ked fa mmathgad ngak reb ni ba yam’.

Levitikus 11:8

Dab mu longuyed e pi gamanman ney fa mmathgad nga reb e pin’ey nike yim; ya yad ba ta’ay.

Levitikus 4:13

Ma fa’anra ga’ngin yu Israel nike denen ke buch e rorad u reb fapi motochiyel rok SOMOL ni gathi leam rorad ni ngar rin’ed,

Levitikus 5:17

Fa’anra denen be’ nge th’ab reb fapi motochiyel rok SOMOL ni kal riy, ma aram e ke buch e rok ma thangri pi’ puluwon ni aram e gechig rok.

Levitikus 5:3

Fa’anra kal be’ nge math nga ban’en nib ta’ay ni yib rok ba girdi’, ndemturug ko mang, ma yug nap’an e ra nang e n’en ke rin’, ma ke buch e rok.

Levitikus 5:4

Fa’anra gurgur be’ nge micheg ban’en, nde leam ni bfel’ rogon ndemturug ko mang, ma yug nap’an e ra nang e n’en ke rin’, ma ke buch e rok.

Levitikus 7:21

Ma fa’anra math be’ nga ban’en nib ta’ay u mit Got ndemturug ko ban’en rok e girdi’ fa gamanman, me kay ufin fare maligach, ma yira n’ag facha’ ndabki mang reb e girdi’ rok Got.

Haggai 2:13

Miki fith Haggai ni ga’ar, “Susun e be’ nike ta’ay ni bochan e ke math nga downgin be’ nike yim’. Ma aram me math nga reb fapi ggan, ma ra ta’ay fapi ggan?” Me fulweg fapi prist nra ga’argad, “Errogon.”

Numbers 19:22

En nib ta’ay e demturug ko mang e ra math ngay mra ta’ay; ma cha’ nra math nga ban’en ni kemath fa’anem ngay e ra par nib ta’ay nge mada’ ko blayal’.”

Luke 11:44

Kari mu gafgowgad! Gimed bod e yam’ ni kan k’eyag ndariy e pow riy be yan e girdi’ u daken ndarir nanged.”

2 Korinth 6:17

Me ere yog Somol ni ga’ar: Thingar mu chuwgad rorad, ngam pithiged gimed rorad. Ma dariy ban’en ni ngu’um rin’ed ko n’en nib alit, ma aram e gimed ra yib ngog.

Deuteronomy 14:8

Ma babiy e ba’ thilin buguli ay machane dar ma kunuy e pan nga k’angan nga fin i yengyeng, ere mu ted nib alit. Dariy bmit ko pi gamanman ney ni gimed ra kay e ufin riy fa mathgad nga reb nike yim’.