Levitikus 5:13 - Bible Ni Thothup

¹³ Aray rogon ni nge pi’ fare prist e maligach ni fan ko denen rok be’, min n’ag fan rok. Ma tin ra aw ko fapi flour e nge par rok fare prist, ni bod ni yima rin’ ko fare maligach ni grain.

Levitikus 5:13 Σταυροειδείς Αναφορές

Hosea 4:8

Ke yo’or ban’en romed ni bochan e denen ko girdi’ rog, are gimed e gimed ba’adag ni ngu’ur pirednag e denen.

Levitikus 2:10

Ma tin ke aw riy e nge par rok fapi prist; pi ggan ney e rib tabgul ya kanfek ko fare ggan nni pi’ ngak SOMOL.

Levitikus 2:3

Ma tin ke magey ko fapi grain e nge par rok fapi prist; pi ggan ney e rib tabgul ya kanfek ko fare ggan nni pi’ ngak SOMOL.

Levitikus 4:20

Rogon i bangbangnag ere garbaw ney e bod nni rin’ ko fa binem e garbaw ni maligach ni fan ko denen, ni aram kanowa’en e maligach ni nge ngongliy ni fan ko denen ko girdi’, min n’ag fan rorad.

Levitikus 4:26

Me urfiy urngin e mam riy u daken fare altar, ni bod ni urfiy e mam ko fa tin ka’an pi’ e gamanman nni li’ ni fen e maligach nma gapaseg thilin Got nge girdi’. Aray rogon konowa’en ni nge pi’ fare prist e maligach ni bayul ko denen rok facha’, ma aram e yira n’ag fan rok.

Levitikus 4:31

Me chuweg urngin e mam riy, nri bod nni chuweg e mam ko fapi gamanman nli’ ni fen e maligach nma gapaseg thilin Got nge girdi’, ma nge urfiy u daken e altar ni bon e rib fel’ u wan’ SOMOL. Ara’ rogon konowa’en nma pi’ fare prist e bayul ni fan ko denen rok be’ ma yira n’ag fan rok.

Levitikus 5:10

Ma aram e bin nl’agruw ko fa gali arche’ e nge pi’ ni maligach ni mo’oruf, ni aram yalen ni kan turguy. Ara’ rogon ni nge pi’ fare prist e maligach ni fan ko denen rok be’ min n’ag fan rok.

Levitikus 5:12

Me fek i yib ngak fare prist, ni ir e bayi fek e flour nap’an lan barba’ i pa’, ni aram e bpow riy ni kan ognag ni gubin ngak SOMOL. Me urfiy u daken fare altar nib ggan ni maligach. Ren’em e ba maligach ni nge chuweg e denen.

Levitikus 5:14

I SOMOL e pi’ e pi gafal ni ba’aray ngak Moses.

Levitikus 5:16

Thangri pi’ e tin nsusun e nge pi’ ma de pi’, miki puthuy rliw’ e pasent ngay. Nge pi’ e pin’ey ngak fare prist, ma fare prist e nge pi’ fare gamanman ni maligach ni fan ko denen rok facha’, ma yira n’ag fan rok.

Levitikus 5:4

Fa’anra gurgur be’ nge micheg ban’en, nde leam ni bfel’ rogon ndemturug ko mang, ma yug nap’an e ra nang e n’en ke rin’, ma ke buch e rok.

Levitikus 5:5

Nnap’an ra bucheg be’ reb e pi denen n’ey, ma aram e thangri puwofaynag e denen rok,

Levitikus 5:6

ma puluwon e denen rok ni nge fek i yib ngak SOMOL e ba saf ni bpin ara ba kaming ni maligach. Ma fare prist e nge pi’ ni maligach ni fan ko denen rok facha’.

Levitikus 7:6

Re maligach ney ni nge fal’eg urngin ban’en nge manigil e rib tabgul. Kemus ni reb e prist e rayag ni kay boch, ni yira kay ko gin nib tabgul.

1 Korinth 9:13

Ri gimed manang ni pi’in yad ma maruwel u Tempel e yad ma fek garad u Tempel, ma pi’in yad ma pi e pi maligach u daken e altar e yad ma fek e birorad e f’oth ko fapi maligach.

1 Samuel 2:28

Gu mel’eg girdi’en e tabinaw rok u fithik’ urngin e pi ganong nu Israel ni ngar manged prist rog, ni nge mang yad e ur pigpiggad u altar, miyad e ngu’ur urfiyed e incense, mayad e ngu’ur ron’ed nga dakenrad fare mad ni efod u p’eowcheg ni ngar fithed lanin’ug. Mu gu pi’ mat’awrad nike mil suwon reb e f’oth ngorad ko pi maligach ni yibe urfiy u daken e altar.