Levitikus 4:24 - Bible Ni Thothup

²⁴ Me tay rifrifen pa’ nga daken lolgen fare kaming, min li’ nge yim’, u ba’ ni lel’och fare altar, ko gin yima li’ nge yim’ e gamanman ni maligach ni mo’oruf riy. Ren’ey e bmaligach ni nge chuweg e denen.

Levitikus 4:24 Σταυροειδείς Αναφορές

2 Kings 12:16

Salpiy ni yima pi’ ni maligach ni bayul nge maligach ko denen e danir ma yin’ ngalan fare kahol; ya bmilfan ko fapi prist.

2 Kronicles 29:23

Ma tomuren e ra feked fapi kaming i yan ngak fare pilung nge pi girdi’en e liyor, ni yad e rted pa’rad nga daken fapi gamanman.

Exodus 29:38

“Chiney i yan ngaram e gubin e rran ni ngu’um pi’ ni maligach u daken fare altar l’agruw i pifak e saf ni ta’reb e duw rorow.

Isaiah 53:6

Gadad gubin ni gadad bod e saf ni yan ngabang, ra bagadad me yan ko gin be leamnag. Me gagiyegnag SOMOL e gechig nge aw ngak, ni fare gechig ni gadad gubin ni bay tapgin ni nge aw ngodad.

Levitikus 1:11

Ma thangri li’ nge yim’ fare gamanman u ba’ ni lel’och ko fare altar, ma fapi prist e ngar paged e racha’ riy ko fa aningeg i tabthung ko fare altar.

Levitikus 1:4

Facha’ e nge tay pa’ nga daken lolgen fare gamanman, ma aram e ra magan’ SOMOL ngay ni nge mang bayul ko denen rok fa’anem.

Levitikus 1:5

Me li’ facha’ fare garbaw ni pumo’on u rom, me pi’ fapi prist ni pifak Aron e racha’ riy ngak SOMOL ni aram e yad be pag nga aningeg raba’ fare altar u langan e mab ko fare Tent.

Levitikus 14:13

Thingari li’ fare fak e saf u lan fare gin’en nib thothup ni yima li’ nge yim’ e gamanman riy ni maligach ni fan ko denen nge maligach ni mo’oruf. Thangri rin’ ni aray rogon ni bochan e fare maligach ni mthang malfith, ni bod fare maligach ni fan ko denen, e go’ bmilfan ngak fare prist, ma rib tabgul.

Levitikus 16:15

Me migid me li’ fare kaming ni maligach ko denen ko girdi’, me fek e racha’ riy i yan ngalan fa Gin Th’abi Thothup, me wereg nga daken upungen fare Kahol ko M’ag nge nga m’on riy, ni bod ni rin’ nga racha’en fare garbaw ni pumo’on.

Levitikus 3:13

ma thangri tay pa’ nga daken lolgen, me li’ nge yim’ u mit fare Tent. Ma fapi prist e ngar paged e racha’ riy nga ga’ngin yang ko fare altar

Levitikus 3:2

Me tay pa’ nga daken lolgen fare gamanman, me li’ nge yim’ u langan e mab ko fare Tent u p’eowchen SOMOL. Ma fapi prist ni pifak Aron e ngar paged e racha’ riy nga daken fa aningeg i tabthung ko fare altar

Levitikus 3:8

ma thangri tay pa’ nga daken lolgen me li’ nge yim’ u mit fare Tent. Ma fapi prist e ngar paged e racha’ riy nga daken ga’ngin yang fare altar

Levitikus 6:18

Chiney i yan ngaram e demturug be’ nib mo’on ni owchen Aron, ma rayag ni nge kay e pi ggan ney ni kan pi’ ni maligach ngak SOMOL. Ma yug be’ e ra math ko pi ggan ney mra afmachan nga feni tabgul.

Levitikus 6:22

Ma chiney i yan e ngaram e go’ pi’in owchen Aron nike mang Prist ni Th’abi Ga’ e ra pi’ e re maligach ney. Thingar ni urfiy nib polo’ ni ba maligach ngak SOMOL.

Levitikus 6:25

ni nge pi’ ngak Aron nge pi pumo’on ni pifak e pi gafal ni ba’aray ni fan ko maligach ko denen. Fare gamanman ni fan ko maligach ko denen e thingar nli’ nge yim’ u ba’ ni lel’och fare altar, ko gin yima li’ e gamanman ni fen e maligach ni mo’oruf riy. Re maligach ney e rib tabgul.

Levitikus 7:2

Gin ni yima li’ nge yim’ e gamanman ni maligach ni mo’oruf riy e ku aram e gin ku yira li’ nge yim’ fare gamanman ni maligach ko mthang malfith riy u ba’ ni lel’och fare altar. Ma racha’ riy e ngan pag nga downgin fa aningeg i tabthung ko fare altar.