Levitikus 4:21 - Bible Ni Thothup

²¹ Ma aram me fek fare e garbaw nga wuru’ e gin ni kar n’ufed e tent rorad riy nge urfiy ni bod rogon nni orfeg e bin m’on e garbaw nni pi’ ni maligach ni fan ko denen rok. Irera’ e re maligach nra chuweg e denen rok yu Israel ni polo’.

Levitikus 4:21 Σταυροειδείς Αναφορές

Ezra 8:35

Gubin e kalbus ni karsulod u bang e rafeked e maligach rorad i yib ni ngan urfiy ngan pi’ ngak fare Got nu Israel. Ra pi’ed ni maligach ragag nge l’agruw e garbaw ni pumo’on ni fan ngak ga’ngin yu Israel, nge mereb i ragag nge nel’ e saf ni pumo’on, nge medlip i ragag nge medlip e pifak e saf; mu kura pi’ed ragag nge l’agruw e kaming ni nge be’ech nagrad ko denen. Gubin e pi gamanman ney ma ni urfiy ni maligach ngak SOMOL.

Exodus 29:14

Machane, ngam urfiy ufin fare garbaw, nge bayachen, nge gil’iggan u wuru’ e gin gimed be par riy. Biney e ba maligach ni nge chuweg e denen ko pi prist.

Ezekiel 45:22

Bin som’on e rran ko fare madnom e fare pagel ni fak e pilung ni ir e ma gagiyeg e thangri pi’ ba garbaw ni pumo’on ni maligach ni fan ko denen rok nge gubin e girdi’.

Levitikus 16:15

Me migid me li’ fare kaming ni maligach ko denen ko girdi’, me fek e racha’ riy i yan ngalan fa Gin Th’abi Thothup, me wereg nga daken upungen fare Kahol ko M’ag nge nga m’on riy, ni bod ni rin’ nga racha’en fare garbaw ni pumo’on.

Levitikus 16:21

Ma nge tay pa’ nruw raba’ nga daken lolugen me weliy urngin e kireb, nge denen, nge togopluw ni be tay yu Israel, ni aram e ke chuweg u dakenrad ke tay nga daken lolugen e re kaming nem. Ma aram e ngan tuluf fare kaming i yan ngalan e ted ni desert ni be’ ni kan duwgiliy e ir e nge tuluf e re kaming nem.

Levitikus 16:27

Fare garbaw nge fare kaming nni pi’ ni fan ko denen, ma racha’ riy e ni fek i yan ngalan fa Gin Th’abi Thothup ni fan e nge chuweg e denen, e ngan fek nga wuru’ e gin be par piyu Israel riy ngan urfiy, nib mu’un e biyach nge ufin nge gil’iggan ngay.

Levitikus 4:13

Ma fa’anra ga’ngin yu Israel nike denen ke buch e rorad u reb fapi motochiyel rok SOMOL ni gathi leam rorad ni ngar rin’ed,

Levitikus 4:20

Rogon i bangbangnag ere garbaw ney e bod nni rin’ ko fa binem e garbaw ni maligach ni fan ko denen, ni aram kanowa’en e maligach ni nge ngongliy ni fan ko denen ko girdi’, min n’ag fan rorad.

Levitikus 6:11

Ngemu’ me thilyeg e mad rok me fek fapi awat nga wuru’ e gin ma par yu Israel riy ko fa gin’en nib tabgul.

Levitikus 6:23

Dariy bochiyang ni yi ra kay ko re maligach ni grain ney nma pi’ e prist; gubin nthingar ni urfiy.

Levitikus 8:17

Me fek e tin kabay ko fare garbaw ni pumo’on, nib mu’un keru’ ngay, nge ufin riy, nge gil’iggan, nge urfiy u wuru’ fagin ni be par yu Israel riy, nri bod rogon ni tay SOMOL chiylen.

Numbers 15:24

Ma ra ke buch ni aray rogon ni bochan e oloboch rok yu Israel ni ga’ngin, ma ngar pi’ed ba garbaw ni pumo’on ni maligach ni mo’oruf ni bfel bon u wan’ SOMOL, nib mu’un e maligach ni grain nge wayin ngay nrogon ni yima pi. Ma ku yad ra chagiy ngay ba kaming ni pumo’on ni nge mang maligach ni fan ko denen.

Matthew 20:28

ni bod e en ni Fak e Girdi’ nde yib ni ngan pigpig ngak, machane yib ni nge pigpig me pi’ e pogofan rok nge biyuliy bo’or e girdi’ ngay.”

2 Korinth 5:21

Kristus e dariy e denen ni ngongliy, machane me fek Got e denen rodad nge tay nga daken, ni fan e ngad ta’ab girdi’gad ngak nge yag nda mat’awgad ni bod rogon Got.

Hebrews 13:11

Ya Prist ni Th’abi Ga’ rok piyu Israel e ma fek e racha’ ko gamanman i yan ngalan e Gin Th’abi Thothup ni nge pi’ ngak Got ni maligach ni fan ko denen; machane pi gamanman ni kan li’ e yima urfiy u wuru’ e gin ni be par e girdi’ nu Israel riy.