Levitikus 4:13 - Bible Ni Thothup

¹³ Ma fa’anra ga’ngin yu Israel nike denen ke buch e rorad u reb fapi motochiyel rok SOMOL ni gathi leam rorad ni ngar rin’ed,

Levitikus 4:13 Σταυροειδείς Αναφορές

Ezra 10:19

Yad e ra micheged ni yad radar pi le’engirad, ma yad ra pi’ ba saf ni pumo’on ni maligach ni fan ko denen rorad.

Psalms 19:13

Ma ku dab mu pageg, nggu duwgiliy ni nggu rin’ e kireb; dab mpag rad ngar gagiyeg niged gag. Ma aram me yag ni gu yal’uw, mu gu par ni gamow ba dar e kireb ko denen.

Ezekiel 45:22

Bin som’on e rran ko fare madnom e fare pagel ni fak e pilung ni ir e ma gagiyeg e thangri pi’ ba garbaw ni pumo’on ni maligach ni fan ko denen rok nge gubin e girdi’.

Hosea 5:15

“Bay gu digey e girdi’ rog nge mada’ ko ngiyal’ nike gaman e gafgow rorad ni puluwon e denen rorad miyad gayeg. Sana yad ra gafgow miyad guy rogon ni ngar pir’eged gag.”

Levitikus 16:5

Girdi’ nu Israel e ngar feked i yib ngak Aron l’agruw i kaming ni pumo’on ni fen e maligach ko denen, nge ba saf ni pumo’on ni fen e maligach ni mo’oruf.

Levitikus 4:21

Ma aram me fek fare e garbaw nga wuru’ e gin ni kar n’ufed e tent rorad riy nge urfiy ni bod rogon nni orfeg e bin m’on e garbaw nni pi’ ni maligach ni fan ko denen rok. Irera’ e re maligach nra chuweg e denen rok yu Israel ni polo’.

Levitikus 5:17

Fa’anra denen be’ nge th’ab reb fapi motochiyel rok SOMOL ni kal riy, ma aram e ke buch e rok ma thangri pi’ puluwon ni aram e gechig rok.

Levitikus 6:4

Fa’anra denen be’ nike bucheg reb e pin’ey, ma dabisiy ni nge fulweg e n’en nike fek ni gathi fen. Ma rofen nni pir’eg nib bbuch e rok ma thangri fulweg labgen ni gubin ngak e en ni fen, miki puthuy rliw’ e pasent ngay.

Numbers 15:22

Machane susun e bay be’ ni gathi leam rok me kal ni de fol u boch e pi gafal ney ni pi’ SOMOL ngak Moses.

1 Korinth 11:27

Aram fan ni fa’anra kay be’ e flowa rok Somol ara unum e n’en ni bay u kap rok ndariyfan u wan’, ma aram e ke denen, ya ke darifannag downgin nge racha’en Somol.

1 Timothy 1:13

ni yugu aram rogon nib kireb e thin ni ugog nib togopluw ngak kakrom, mu ug gafgownag ma gu be yog e thin nib kireb nga fithingan. Machane me runguyeg Got, ya de mich Kristus u wun’ug e ngiyal’nem, ni aram e dagur nang e n’en ni gu be rin’.

Joshua 7:11

Ke denen yu Israel! Kar th’abed e tin gu tay chiylen ngorad ni ngar ayweged ndab ni rin’. Kar feked boch fa pin’en ni kugog nthingar ni kirebnag. Kar iringed e pin’em miyad ban u murung’agen, kar ted nga fithik’ e tin ferad ban’en.