Levitikus 4:12 - Bible Ni Thothup

¹² ni nge fek nga wuru’ e gin nike n’uf yu Israel e tent rorad riy, ko fa gin nib tabgul ni yima pu’og e awat ngay, mu rom e nge urfiy riy u daken e l’ud.

Levitikus 4:12 Σταυροειδείς Αναφορές

Exodus 29:14

Machane, ngam urfiy ufin fare garbaw, nge bayachen, nge gil’iggan u wuru’ e gin gimed be par riy. Biney e ba maligach ni nge chuweg e denen ko pi prist.

Ezekiel 43:21

Me gur e ngam fek fare fak e garbaw ni pumo’on ni kan pi’ ni maligach ni fan ko denen ngam urfiy ko gin’en ni kan duwgiliy u wuru’ e gin ba’ fare Tempel riy.

Levitikus 13:46

Me par nib ta’ay u n’umngin nap’an ni bay fare m’ar rok, ma thingri par u wuru’ e gin ma par e girdi’ riy, nib orel rok e girdi’.

Levitikus 16:27

Fare garbaw nge fare kaming nni pi’ ni fan ko denen, ma racha’ riy e ni fek i yan ngalan fa Gin Th’abi Thothup ni fan e nge chuweg e denen, e ngan fek nga wuru’ e gin be par piyu Israel riy ngan urfiy, nib mu’un e biyach nge ufin nge gil’iggan ngay.

Levitikus 4:21

Ma aram me fek fare e garbaw nga wuru’ e gin ni kar n’ufed e tent rorad riy nge urfiy ni bod rogon nni orfeg e bin m’on e garbaw nni pi’ ni maligach ni fan ko denen rok. Irera’ e re maligach nra chuweg e denen rok yu Israel ni polo’.

Levitikus 6:23

Dariy bochiyang ni yi ra kay ko re maligach ni grain ney nma pi’ e prist; gubin nthingar ni urfiy.

Levitikus 6:30

Machane fa’anra ni fek yug boch ko fare racha’ i yan nga langgin e Tent ngan fanay ni nge chuweg e denen, ma fare gamanman e thingar dab ni kay; ma dabisiy ni ngan urfiy.

Levitikus 6:4

Fa’anra denen be’ nike bucheg reb e pin’ey, ma dabisiy ni nge fulweg e n’en nike fek ni gathi fen. Ma rofen nni pir’eg nib bbuch e rok ma thangri fulweg labgen ni gubin ngak e en ni fen, miki puthuy rliw’ e pasent ngay.

Levitikus 8:17

Me fek e tin kabay ko fare garbaw ni pumo’on, nib mu’un keru’ ngay, nge ufin riy, nge gil’iggan, nge urfiy u wuru’ fagin ni be par yu Israel riy, nri bod rogon ni tay SOMOL chiylen.

Levitikus 9:11

Machane ufin riy nge keru’ e urfiy u wuru’ e gin nma par piyu Israel riy.

Numbers 15:35

Ma aram me ga’ar SOMOL ngak Moses, “Re mo’on nem e thingar ni thang e pogofan rok; piyu Israel ni gubin e ngar malang niged nge yim’ u wuru’ e gin yad be par riy.”

Numbers 19:3

ngan pi’ ngak Eleazar ni prist. Ma ngan fek nga wuru’ fagin ni yad be par riy ngan li’ nge y’im u rom u p’eowchen.

Numbers 19:5

Ma fare gamanman ni ga’ngin, nib dachug keru’ ngay, nge ufin, nge racha’ riy, nge gil’iggan e thingar ni urfiy.

Numbers 5:3

Miyad chuweg urngin pi girdi’ ney ni yad ba ta’ay, ya nge dab ra ta’ay niged e gin ni yibe par riy, ni gin’en ni gu ma par riy u fithik’ pi girdi’eg.”

Hebrews 13:11

Ya Prist ni Th’abi Ga’ rok piyu Israel e ma fek e racha’ ko gamanman i yan ngalan e Gin Th’abi Thothup ni nge pi’ ngak Got ni maligach ni fan ko denen; machane pi gamanman ni kan li’ e yima urfiy u wuru’ e gin ni be par e girdi’ nu Israel riy.