Levitikus 3:16 - Bible Ni Thothup

¹⁶ Ma bagyad fapi prist e nge urfiy urngin e yungi n’ey u daken e altar ni ba ggan ni maligach ngak SOMOL ni rib fel’ u wan’. Urngin e mam riy nib milfan ngak SOMOL.

Levitikus 3:16 Σταυροειδείς Αναφορές

Genesis 4:4

Me munmun me fek Abel e bin som’on i pifak e saf rok nge li’, me pi’ e yungin felel’ riy ni maligach. Me SOMOL e fel’ Abel nge maligach rok u wan’,

2 Kronicles 29:35

Prist e yad ma pi’ fapi maligach ngak SOMOL ni yima urfiy ni polo’, ma ku yad e maruwel rorad e pi yungi mam riy ni yima pi’ ngak SOMOL ko fapi maligach nma kay e girdi’, ma ku yad e yad ma pu’og fare wayin ni yima uneg ko fapi maligach ni mo’oruf ngan pi’ ngak SOMOL. Ma aram mi ni tabab bayay ko liyor ngak SOMOL u lan fare Tempel.

2 Kronicles 7:7

Me yiblay Solomon lulukngun fare yoror, nge fa gin’en nu mit fare Tempel, ma aram me ognag u rom fapi maligach ni mo’oruf ni kayureb, nge pi maligach ni grain, nge mam ko fapi maligach nma gapaseg thilin Got nge girdi’. I rin’ e ren’ey ni bochan fare altar ni bronze nike ngongliy e kaygi achig ndabki taw gubin e pi maligach ney nga daken.

Exodus 29:13

Me migid mag fek gubin yang e mam nib ing gil’iggan fare gamanman, nge gin th’abi fel’ ko ad riy, nge fagal bu’oy nib mu’un e mam riy ngay, mag urfiy e pin’ey u daken e altar nib maligach ngog.

Exodus 29:22

“Mag th’ab ngam luf e mam ko fare saf ni pumo’on, nge pachan nib mam, nge mam nib ing gathogthon, nge gin th’abi fel’ ko ad riy, nge fa gali bu’oy rok nib mu’un e mam riy ngay, nge ba’ ni mat’aw i daken ay.

Isaiah 53:10

Be ga’ar SOMOL, “I gag e gu turguy ni nge gafgow; yam’ ni tay e ba maligach ni fan e nggu n’ag fan e denen ko girdi’. Ere bayi guy e pi’in owchen; bayi par nib n’uw nap’an, ma tin kem’ay i leamnag rog e bayi yan i aw nga rogon u daken.

Ezekiel 44:15

I SOMOL ni Th’abi Tolang e ga’ar, “Fapi prist ko ganong rok Levi ni yad owchen Zadok, e ur pared ni yad ba yul’yul’ ko pigpig ngog u lan e Tempel ko ngiyal’ ni ba’aram ni tin kabay e girdi’ nu Israel e kar pi’ed keru’rad ngog. Ere chiney e yad e picha’ ni ngu’ur pigpiggad ngog miyad be yib nga p’eowcheg ngu’ur pi’ed e mam nge racha’ ko fapi maligach ngog.

Levitikus 17:6

Ma fare prist e nge pag e racha’ nga l’agruw raba’ fare altar u langan e mab ko fare Tent me urfiy e mam ni nge wereg bon gol’ochngin ni rib fel’ u wan’ SOMOL.

Levitikus 4:26

Me urfiy urngin e mam riy u daken fare altar, ni bod ni urfiy e mam ko fa tin ka’an pi’ e gamanman nni li’ ni fen e maligach nma gapaseg thilin Got nge girdi’. Aray rogon konowa’en ni nge pi’ fare prist e maligach ni bayul ko denen rok facha’, ma aram e yira n’ag fan rok.

Levitikus 4:31

Me chuweg urngin e mam riy, nri bod nni chuweg e mam ko fapi gamanman nli’ ni fen e maligach nma gapaseg thilin Got nge girdi’, ma nge urfiy u daken e altar ni bon e rib fel’ u wan’ SOMOL. Ara’ rogon konowa’en nma pi’ fare prist e bayul ni fan ko denen rok be’ ma yira n’ag fan rok.

Levitikus 8:25

Me fek pachan fare gamanman ni go’ mam, nge urngin e mam nib ing gil’iggan, nge gin th’abi fel ko ad riy, nge fa gali bu’oy riy ni kabay e mam nib ing, nge ba’ ni mat’aw i ay.

Levitikus 9:24

Chingiy’al i n’em me pi’ SOMOL e nifiy nge yib, nge langbiy fare maligach ni mo’oruf nge fa yung i mam nu daken fare altar. Ma nap’an ni guy fapi girdi’ fare nifiy, miyad gubin nra tolulgad miyad an owcharad nga daken e but’.

Matthew 22:37

Me fulweg Jesus ni ga’ar, “ ‘Thangri t’uf rom Somol ni ir e Got rom u polo’ i gum’ircha’em, ngu polo’ i lanin’um, ngu polo’ i leam rom.’