Levitikus 27:3 - Bible Ni Thothup

^3-7 rogon ni kan duwgiliy: •Be’ ni pumo’on ni duw rok e rliw’ nge mada’ ko nel’ i ragag: wugem yang e silber •Be’ ni bpin nike pi’lal: guyey yang e silber •Be’ ni pagel ni lal e duw rok nge mada’ ko rliw’: rliw’ yang e silber •Be’ ni bpin ni kab bitir: ragag yang e silber •Bochi pagel ni dawori gaman lal e duw rok: lal yang e silber •Bochi bulyel: dalip yang e silber •Be’ ni pumo’on ni gonap’an nel’ i ragag e duw rok: ragag nge lal yang e silber •Be’ ni bpin ni gonap’an nel’ i ragag e duw rok: ragag yang e silber

Levitikus 27:3 Σταυροειδείς Αναφορές

2 Kings 12:4

Me pining Joash fapi prist nge yog ngorad ni ngar kunuyed e salpiy ni yima pi’ nib chagil ko pi maligach u lane Tempel, ni tin nri dabisiy ni yima pi’ ni chagilen e pi maligach nge salpiy ni be pi’ e an ba’dag nib tow’ath.

Exodus 30:13

Gubin e girdi’ ni kan the’egrad e thingar ra pi’ed e salpiy ni oren ni kanog, ni bod tomalngin ni kan turguy ni ngan pi’. Gubin e girdi’ nthingar ra pi’ed e salpiy ni aram e kar og niged ngog.

Exodus 38:24

Urngin e gol u gubin nni ognag ngak SOMOL ni fen fare Tent nib thothup e 2,195 e pawn, tomalngin ni kan duwgiliy ko thabthabel e ngiyal’nem.

Levitikus 27:14

Nap’an nra ognag be’ e nu’an rok ngak SOMOL, ma prist e ra turguy puluwon nib m’ag rogon feni fel’ ara feni kireb, ma ireram puluwon ndab kun thilyeg.

Levitikus 27:25

Urngin puluwon ban’en ma yibe duwgiliy ni bod rogon nike m’ay i turguy.

Levitikus 5:15

Fa’anra denen be’ ni gathi leam rok nde yag nni pi’ puluwon e tin nib thothup ngak SOMOL, ma thangri fek ba maligach nib mathang malfith i yib ngak SOMOL ni aram e ba saf ni pumo’on ara ba kaming ni dariy bochyang u downgin nib kireb. Ni rogon puluwon ni kan turguy ni ngan pi’.

Levitikus 6:6

Thangri fek i yib ko prist ba saf ni pumo’on ara ba kaming ni pumo’on ni dariy bochyang u downgin nib kireb ni aram e ba maligach ngak SOMOL nib mathang malfith. Ni bod rogon puluwon ni kan turguy.

Numbers 18:16

Pi’in bitir e thingar ni chuw’iy ngan fulwegrad ko ngiyal’ nike gaman ta’reb e pul yangarrad ni ba muduwgil puluwon, lal yang e silber, ni aram rogon ni kan duwgiliy e ngiyal’nem.

Numbers 3:47

Ra bagayad ma lal yang e salpiy ni silber puwon, ni bod rogon nike m’ay i duwgiliy,