Levitikus 27:17 - Bible Ni Thothup

¹⁷ Fa’anra pi’ fare gi binaw nga tomuren ni kaf ni thumur fare Duwan e Felfelan, ma aram e ra pi’ puluwon fare gi binaw ndabi mul ban’en riy.

Levitikus 27:17 Σταυροειδείς Αναφορές

Levitikus 25:10

Ma ku aray rogon ni gimed ra tay e re duw nra gaman e wugem ngay, ni aram e ngam weliyed murung’agen mat’wun urngin e pi’in yad ma par u lan fare binaw. Re duw ney e aram e gubin yang e pi binaw ni kan pi’ nchuway’ e yira fulweg ngak e en tafen are pi’in ni owchen, ma en ni kan pi’ nchuway’ ni nge mang sib e yira fulweg nga tabnaw rok.

Levitikus 25:11

Dab mu yunged e yungi milay’ romed, fa mu t’ared wom’ngin e woldug romed ni i tugul rok, ara mu kunuyed wom’ngin e woldug ni grape u daken e yungi milay’ romed ni grape nda um tamilang niged owchen.

Levitikus 25:13

Gubin e pin’en ni kan pi’ nchuway’ e go’ yira sulweg ngak e en nri fen u lan e re duw ney.

Levitikus 25:9

Ma bin ragag e rran ko bin medlip e pul e Yaran e Bayul, ma ga l’oeg be’ nge thoy e rappa u lan e binaw ni ga’ngin.

Levitikus 27:14

Nap’an nra ognag be’ e nu’an rok ngak SOMOL, ma prist e ra turguy puluwon nib m’ag rogon feni fel’ ara feni kireb, ma ireram puluwon ndab kun thilyeg.

Levitikus 27:16

Fa’anra ognag be’ nib mo’on bang ko binaw rok ngak SOMOL ma puluwon ni yira turguy e be yan u rogon urngin e awoch nrayag nni yung nga daken fare gi but, ragag e salpiy ni silber ma reb e barril e awochngin e woldug ni barley.

Levitikus 27:18

Ma fa’anra pag nap’an mfin ni pi’ fagi binaw ngak SOMOL, ma ra sumarnag e prist puluwon ni be yan u rogon e tin kabay e duw nga m’on mfin ni taw ko Duwan e Felfelan’, miyad duwgiliy puluwon nib sobut’.