Ma ku errogon e pi Jew ni yad bay u lan e yungi nug i yan, ya go’ ra yu ulunggad ngar ayuweged yad rok e pi to’ogor. Miyed thang e fan rok 75,000 e to’ogor rorad. Machane ku der feked ban’en.
“Bay gu ta’med e pi’in gimed ba kalbus u reb e nam ni gimed mmarus ni mada’ nga lingan bagaf i yuwan e gek’iy nike thoy e nifeng migmed mil. Bay mmilgad ni gowa yibe tulufmed u fithik’ e mael ngu’um awgad nga but’ ndariy ba to’ogor u charmed.
“Bay gu pi’ e gapas ngomed u lan e binaw romed, ma rayag ni ngam molod ndab um rusgad ngak be’. Bay gu chuweg e gamanman ni tacham u lan e binaw romed, ma bayi m’ay e mael u lan e binaw romed.
“Bayi waernag SOMOL e to’ogor romed ngam gelgad u nap’an ni yad ra m’ag e mael ngomed. Bay ra bad u ta’bang ni mael ngomed, machane yad ra mil u puluwmed ni yug ra bagyad ma gin ni mil ngay.
Mangfan nra ta’reb e biyu’ me gel ta’abe’ ngorad, ma ri l’agruw e girdi’ me gel ngak ragag i biyu’? I SOMOL ni Got rorad e ke pagrad; Got rorad ni ba’ gelngin nib gel e ke n’agrad.
Demturug bigimed ma rayag rok ni nge tuluf bbiyu’ i pumo’on ngar milgad, ni bochan SOMOL ni Got romed e be cham ni fan ngomed, nri bod rogon nike micheg.
Me lol’oeg Barak fapi chariot nge fapi salthaw ngar mada’gad nga Harosheth nma par e pi Gentile riy. Miyad li’ e salthaw rok Sisera ni gubin, ni de magey be’.
Me yan Jonathan nga talang ni be gararaw, ma be lay fare pagel u tomur rok. Me og Jonathan ngak fapi Filistine nge li’rad, me yib fare pagel ngari thang e fan rorad.
