Levitikus 26:5 - Bible Ni Thothup

⁵ Pi woldug romed e bayi yo’or nge dab mmu’gad i t’ar wom’ngin e grain miki taw ko ngiyal’ ni ngam tar’ed wom’ngin e woldug romed ni grape, ma ku dab mmu’gad i t’ar wom’ngin e grape miki taw nga nap’an ni ngam yunged e woldug ni grain. Urungin e tin gimed ba’adag ni ngam ked ma bay, mi gimed par ndariy ban’en nra buch romed u lan e binaw romed.

Levitikus 26:5 Σταυροειδείς Αναφορές

Psalms 144:13

Mang e yigi sug e pi naun ni tafen e cha’ar rodad ko gubin mit e wom’ngin e woldug. Mang e yigi yib pifak e pi saf u lan e pi flang rodad ni yu ragag e biyu’.

Psalms 90:1

Somol, gubin ngiyal’ ni gur e tabnaw ngomad.

Exodus 16:8

Me ga’ar Moses, “I SOMOL e bayi pi’ e ufin ngam ked ko blayal’, me pi’ e ggan ni urngin ni gimed ba’adag ko kadbul, ya ke rung’ag gelngin e thin ni kamogned nib togopluw ngak. Gun’gun’ ni gimed be tay ngomow, e bin rriyul’ riy e SOMOL e gimed be gun’gun’ nib togopluw ngak.”

Proverbs 1:33

Machane en nra i motoyil ngog e dabi buch ban’en rok. Ra i par nib pagan’ ndariy rogon ni nge rus.”

Proverbs 18:10

I SOMOL e bod ba wulyang ni tafen e damit nib gel; ni gin rayag ni nge yan e pi’in nib mat’aw ngay ma dabi buch ban’en rorad.

Isaiah 1:19

Fa’an gimed ra fol rog, ma gimed ra kay e pin’en ni bfel’ ni be tugul ko nam romed.

Isaiah 30:23

Demturug e ngiyal’ ni gimed ra yung e woldug romed, ma Somol e ra pi’ e n’uw ni nge tugulnag e pi woldug romed me yo’ornag wom’ngin, ma gamanman romed e bayi pire’ e yungi n’en ni ngu’ur abichgad riy.

Jeremiah 23:6

Nap’an nra pilung, ma aram e dabki buch ban’en rok piyu Judah, ma aram e girdi’ nu Israel e bay ra pired u fithik’ e gapas. Ma cha’nem e bay nog fithingan ni ‘Ir SOMOL Nma Mat’aw Nagdad.”

Hosea 2:18

Re ngiyal’ i n’em e bay gu ngongliy ba m’ag u thilmad urngin e gamanman ni malboch nge arche’, nge dab ra gafgow niged e girdi’ rog. Bay gu chuweg urngin talin e cham ni fan ko mael u daken e nam, ni urngin e saydon nge gat’ing, mu gu tay e girdi’ rog ngu’ur pired u fithik’ e gapas ndakuriy ban’en nra buch rorad.

Hosea 2:20

Bay gu tay nga tagil’ e thin ni kug micheg ngom mu gu tem nike mil suwom ngog; ma bay mu nang ni gag e SOMOL.

Joel 2:19

Me fulweg ngorad ni ga’ar, ’Chiney e aram e nggu pi’ ngomed e grain nge wayin nge gapgep ni olive, ngam chum’er gad riy. Ma yugu boch e nam e gathi bay kur fananikayed gimed.

Joel 2:22

Pi gamanman, dab kum rusgad. Ya binaw nma tugul e pan riy e ke galunglung, ma gek’iy e ke k’uf; ke yo’or wom’ngin e fig nge grape.

Joel 2:26

Chiney e aram e bayi yo’or ganmed mi gimed par ni kam chum’er gad. Ma bay mogned e sorok ngak SOMOL ni ir e Got romed, ni ir e ke rin’ bogi n’en nrib fel’ ngomed. Girdi’ rog e gathi bay kun fananikayrad bayay.

Amos 9:13

Be ga’ar SOMOL, “Bay reb e rran ni bay taw ngay ni bayi ilal e grain nib papey boch nga payngin ni yi be t’ar wom’ngin, ma grape e ra tugul nib papey boch nga payngin ni yibe ngongliy e wayin riy. Pi burey e bay i lul’ e wayin ni bfel’ lamen riy, me tharey e yochi burey.

Matthew 23:37

“Jerusalem, Jerusalem! Kam thang e pogofan rok e pi profet, ma kam malangnag e pi’in ni l’oegrad Got ngar feked e thin rok i yib ngom! Nge gaman e in yay ni kug guy rogon ni nggu kunuy urngin e girdi’ rom, ni bod ba alabal ni chugumiy pifak nga tan pon, machane da mpageg nggu rin’!

Acts 14:17

Machane gubin ngiyal’ ni be micheg ir u daken urngin e tin ni bfel’ ni be rin’, ya ma pi’ e n’uw ngomed u lang nge galwog u ngal’an; me ir e ma pi’ e ggan ngomed mma fal’eg lanin’med.”

Deuteronomy 11:15

nge pan ni fan ko gamanman romed. Ma oren e ggan ni gimed ba’adag ma bay.

1 Timothy 6:17

Mog ngak e pi’in bo’or ban’en rorad ko biney e tamilang ndab ra ufanthin gad, ma dabi l’agan’rad ko pin’em nde muduwgil, ni aram e pin’en nma fel’ rogoy riy ko biney e tamilang, machane nge l’agan’rad ngak Got ni ir e ba gol ni be pi’ urngin ban’en ngodad ni be fel’ rogorad riy.

1 Peter 1:5

Pi fla’ab nem e gimed e fanmed, ni gimed e pi’in ke thapegmed Got ngak u daken gelngin ngu daken e michan’ romed ngak, ma gimed be sonnag e gin ngam thapgad ngay, ni kan ngongliy rogon kan tay ni ngan dag ko ngiyal’ ni nge mus e rran riy.