Levitikus 26:28 - Bible Ni Thothup

²⁸ ma aram e bay gu sap ngomed u fithik’ e damumuw rog, mu kug gelnag e gechig ngomed ni medlip yay nib gel boch ko kafram.

Levitikus 26:28 Σταυροειδείς Αναφορές

Isaiah 59:18

Bayi gechignag e pi to’ogor rok u rogon e n’en ni ka ra ngongliyed, ni mus ngak e pi’in nib palog e gin yad ma par riy.

Ezekiel 8:18

Bay ra thamiyed ga’ngin gelngin e damumuw rog. Dab gu pag bagyad nib fos fa gudag boch’uw e murnguy ngak bagyad. Bay ra meybilgad ngog ni yad be tolul ni kari musmus ga’ngin lungrad, machane dab gu motoyil ngorad.”

Ezekiel 5:15

“Nap’an ni gu ra damumuw nib gel nggu gechig nagem, ma urngin e nam u to’bem i yan e yad ra rus. Bay ra sapgad ngom ni ka ra sonogorgad ngu’ur gosgos niged gur.

Ezekiel 5:13

“Bay mu thamiy ga’ngin gelngin e damumuw rog nge taw ko ngiyal’ nike gaman u lanin’ug. Nap’an nra buch e piney, ma bayi mich u wun’um ni Gag SOMOL, e gu be non ngom ni bochan e kemus fanag damumuw nga feni damur yul’yul’.

Jeremiah 21:5

Bay gucham u polo’ i gelngig nge ga’ngin e damumuw rog nib togopluw ngom.

Isaiah 66:15

I SOMOL e bayib ni yow e nifiy. Bayib u daken pon e yako’ ni nge gechignag e pi’in be damumuw ngorad.

Isaiah 63:3

Me fulweg SOMOL ni ga’ar, “U gotgot e pi nam ni bod ni yima rin’ ko grape, ma dariy be’ ni yib ni nge ayuwegneg. U gotgot’rad u fithik’ e damumuw rog, ma racha’ rorad e ke wear nga daken e mad rog ni ga’ngin.

Nahum 1:6

Nap’an e ra damumuw, me mini’ e rayag ni fas? Mini e rayag ni fas u gelngin e damumuw rok? I pu’og e damumuw rok ni be daramram; me pilpil e war nge par ni bod e fiyath u p’eowchen.

Nahum 1:2

I SOMOL ni Got e dabiyag ni nge k’adan’ ko pi’in yad ma tagenging ngak; ma gechignag e pi’in yad ma togopluw ngak. Ma sulweg taban ngorad u fithik’ e damumuw rok.

Isaiah 27:4

Dak gur damumuw. Machane fa’anra tugul e rchangal ngay, ma bay gu kirebnag nggu orfeg nga but’.

Levitikus 26:24

me Gag e gu ra cheal nggu togopluw ngomed ma gu ra gechig nagmed ni medlip yay nib gel ko kafram.

Levitikus 26:27

“Ma nga tomuren e pin’ey ma fa’anra ki gimed be par ni gimed ba gelan’ ndab mu folgad rog,

Levitikus 26:41

mar k’aringed gag ngug cheal ngug togopluw ngorad nggu pi’rad ngar kalbusgad u lan e nam rok e pi to’ogor rorad. Mra tomur nike sobutan’rad ma kar gafgowgad u wenegan e denen rorad nge togopluw ni urted,

Psalms 79:12

Somol, mu fulweg labgen ngak e pi nam ni medlip yay ni bochan urngin e thin ni kireb ni yad be rugoy ngom.

Jeremiah 7:20

Ere gag, SOMOL ni Th’abi Tolang, e bay gu pu’og e damumuw rog nib gel nga daken e re Tempel ney. Bay gu pu’og nga daken e girdi’ nge gamanman nta’reb rogon, ma ku er i tay e gek’iy nge woldug. Damumuw rog e bayi bod ba nifiy ndariy be’ nrayag ni nge thang.

Lamentations 4:11

SOMOL e pu’og e damumuw rok nike mokun ketun gelngin; me yip’ e nifiy ngalan yu Zion ke urfiy nga but’.