Levitikus 25:41 - Bible Ni Thothup

⁴¹ Ma aram e ngiyal’ i n’en nra pagem facha’ nge pifak ngar sulod nga taferad ko binaw rok e pi ga’ rorad kakrom.

Levitikus 25:41 Σταυροειδείς Αναφορές

Exodus 21:3

Fa’anra yib ni sib rom ni dawri mabgol ma ta’boch me mabgol, mra pig ni nge yan ma dabi fek le’engin nge un ngak; machane fa’anra yib nib mabgol ni nge sib rom, mra yan mra fek le’engin nge un ngak.

Levitikus 25:10

Ma ku aray rogon ni gimed ra tay e re duw nra gaman e wugem ngay, ni aram e ngam weliyed murung’agen mat’wun urngin e pi’in yad ma par u lan fare binaw. Re duw ney e aram e gubin yang e pi binaw ni kan pi’ nchuway’ e yira fulweg ngak e en tafen are pi’in ni owchen, ma en ni kan pi’ nchuway’ ni nge mang sib e yira fulweg nga tabnaw rok.

Levitikus 25:28

Machane fa’anra de gaman salpiyen fa’anem ni nge chuw’iy fagi binaw rok nge fulweg, ma ra par fare gi binaw u tan pa’ fa en nike chuw’iy nge taw ko Duwan e felfelan’. Ma aram e re duw nra sul fagi binaw ngak e en ir e tafen.

Levitikus 25:40

Ra par rom ni bod be’ ni ga be pi’ puluwon ngi i maruwel rom nge taw ko fare Duwan e Felfelan’.

Levitikus 25:42

Ya girdi’ nu Israel e tapigpig rok SOMOL ma ir e fekrad nga wuru’ yu Egypt; ere thingar dabkun pi’rad nchuway’ ngar manged sib.

John 8:32

ma bay mu nanged e tin riyul’, ma tin riyul’ e ir e bayi ayuwegmed nge dab kum pired ni gimed e sib.”

Roma 6:14

Ya denen e thangri dabki par ni ir e be gagiyeg nagmed; ya damur pired u tan e motochiyel, ya gimed be par u tan e runguy rok Got.

Titus 2:14

I ir e pi’ ir ni bochdad ni fan e nge leagdad u fithik’ urngin e kireb me ngongliydad ngad manged ba ulung i girdi’ ni kad machalboggad nib mil fadad ngak me pasigan’dad ni ngad rin’ed e tin ni bfel’.