Levitikus 24:9 - Bible Ni Thothup

⁹ Fare flowa e gan Aron nge pi’in ni owchen, ni yad ra kay u bang nib tabgul ni bochan e aram e gin nrib tabgul ko fare maligach ni ggan ni kan pi’ ngak SOMOL ma gan e prist.

Levitikus 24:9 Σταυροειδείς Αναφορές

Exodus 27:21

I Aron nge pi pumo’on ni fak e yad e ngu’ur faleged rogon fare magal u lan fare Tent ko gin gu bay riy. Re magal ney e ngan tay nga ba’ ni wuru’ fare gi kateng u m’on ko fare Kahol ko M’ag. Mu rom u p’eowcheg e nge yik’ e re magal nem riy ni blayal’ nge mada’ ko kadbul. Biney e nge par nib gam’ing ni ngi i rin’ piyu Israel u reb e mafen ngu reb ni dariy n’umngin nap’an.

Levitikus 10:12

Me ga’ar Moses ngak Aron nge fa gali pumo’on ni fak ni kar magey gow, ni aram Eleazar nge Ithamar, “Mu feked fare maligach ni grain ni ke’aw ko fapi ggan ni kan pi’ ngak SOMOL ngam ngongliyed e flowa riy ndab ntay e is ngay ngam ked u to’oben fare altar, ya re maligach ney e rib tabgul.

Levitikus 10:17

“Mangfan ndam kew u bang nib tabgul fare maligach ni fan ko denen? Rib tabgul, ma ke pi SOMOL ngomew ni ngam pi’ew e bayul ni fan ko denen rok piyu Israel ni ga’ngin.

Levitikus 21:22

Be’ nib mo’on ni aray rogon e rayag ni kay fare ggan ni kan pi’ ngog, ni fa bin kan ognag nib thothup nge fa bin kan ognag nib th’abi thothup,

Levitikus 24:10

Immoy be’ ni mo’on ni chitiningin e be’ nu Israel ma chitamngin e be’ nu Egypt, ni yib nga fithik’ e girdi’ nu Israel, marbow ra tugthingow reb e pumo’on nu Israel ko gin be par piyu Israel riy.

Levitikus 3:17

Thangri par nib motochiyel ni gubin e mfen u gubin yang ni gimed ra par riy, ndab mu koyed e mam nge racha’.

Levitikus 6:11

Ngemu’ me thilyeg e mad rok me fek fapi awat nga wuru’ e gin ma par yu Israel riy ko fa gin’en nib tabgul.

Levitikus 6:16

Ma tin nra aw riy e nge kay Aron nge fapi pumo’on ni fak; thingar ni kay ni dariy e is riy u lan e gin nib thothup; u lan e yoror ko fare Tent u P’eowchen SOMOL.

Levitikus 6:9

ni nge pi’ ngak Aron nge pi pumo’on ni pifak e pi gafal ni ba’aray ni murung’agen e maligach ni mo’oruf. Ba maligach ni mo’oruf e ngan pag u daken e altar nib polo’ e n’ep ndabi math e nifiy riy.

Levitikus 8:3

Ma aram ma ga pining piyu Israel ni yad gubin ngar mokun gad ngaram.”

Levitikus 8:31

Me ga’ar Moses ngak Aron nge fapi pumo’on ni fak, “Mu feked fapi ufin nga langan e mab ko fare Tent u p’eowchen SOMOL, mu dulnguyed, mi gimed kay ngam th’aged ko flowa ni bay u lan fare dug ni fen e maligach ni yima pi’ nnap’an ni yibe yibley be’ ni nge mang prist, nri bod rogon ni yog SOMOL.

Malaki 1:12

Machane gimed e dakumur liyorgad ngog, ya ka mogned ndariy fan e altar rog, ma kigmed be pi’ e tin ndubmed e ggan u daken.

Matthew 12:4

I yan ngalan e naun rok Got, miyad kay e pi’in yad be un ngak fare flowa ni kan pi’ ngak Got, ni yugu aram rogon nib togopluw ko Motochiyel ni ngar ked e re flowa nem, ya kemus ni pi prist e rayag ni ngar ked.

Mark 2:26

Ya yan ngalan e naun rok Got me kay e flowa ni kan pi’ ngak Got ni fa ngiyal’nem ni Abiathar e fare Prist ni Th’abi Ga’. Rogon ko Motochiyel rodad e kemus ni pi prist e rayag ni ngar ked e re flowa nem, machane me kay David, miki pi’ ngak e pi’in yad be un ngak.”

Luke 6:4

I yan ngalan e naun rok Got, me fek fare flowa ni kan pi’ ngak Got, nge kay miki pi’ ngak e pi’in yad be un ngak. Machane ba togopluw ko Motochiyel rodad ni nge kay yugu be’, ya kemus ni pi prist e yad ra kay.”

1 Samuel 21:6

Me pi’ fare prist ngak David fare flowa nike m’ay i pi’ ngak Got, ya flowa ni bay rok e kemus ni flowa nike m’ay i pi’ ngak Got, ma kan chuweg u daken fare tebel rok Got kan fek e flowa nib be’ech kan tay nga luwan.