Levitikus 23:8 - Bible Ni Thothup

⁸ Medlip e rran ni ngam pi’ed ngak SOMOL e ggan ni maligach. Rofen ni medlip e ngam mu’ulunggad bayay ngam tedfan SOMOL, ma pi maruwel ni gimed ma rin’ ko yu rran e dab mu rin’ed.

Levitikus 23:8 Σταυροειδείς Αναφορές

Exodus 12:16

Bin m’on e rran, nge ku bayay ko chirofen ni gaman e medlip e ngam mu’ulunggad ngam liyorgad ngak SOMOL. Dariy e maruwel ni ngan ngongliy ko pi rran nem, machane ngam ngongliyed e ggan ni nge kay urngin e girdi’.

Exodus 13:6

Medlip e rran ni thingar mu koyed e flowa ni ndariy e is riy, ma rofen ni gaman e medlip fen ngay migmed tay ba madnom ni fan e ngam liyorgad ngak SOMOL.

Ezekiel 45:23

Mra reb fapi medlip e rran ko fare madnom ma nge maligachnag ngak SOMOL medlip e garbaw ni pumo’on nge medlip e saf ni pumo’on ni dariy bang u dowrad nib kireb ni ngan urfiy e pi gamanman nem nib polo’. Ma ngki pi’ reb e kaming ni pumo’on ni maligach u gubin fapi rran ni maligach ko denen.

Levitikus 23:7

Rofen ni som’on e ngam mu’ulunggad ngam tedfan SOMOL ma pi maruwel ni gimed ma rin’ ko yu rran e dab mu rin’ed.

Levitikus 23:9

Fa’an gimed rayan ngalan fare nam ni bayi pi’ SOMOL ngomed, mi gimed kunuy e grain ni mu yunged ke el, ma thum ni som’on ni mu thum niged e ngam pi’ed ngak e prist.

Numbers 28:18

Bin som’on e rran ko fare madnom e ngam mu’ulunggad ni fan ko liyor, ma dariy ba maruwel ni ngan rin’.

Numbers 28:25

Mu gakgad ngam liyorgad u ta’bang ko bin medlip e rran ma dab mu rin’ed ba maruwel.

Numbers 28:26

Re rran ni m’on ko Madnom ko T’ar Wom’ngin e Woldug, e aram e rofen ni ngam pi’ed fare maligach ni grain ni kab be’ech ngak SOMOL, ma gimed e ngam mukun gad nga ta’bang ni fan ko liyor, ma dariy ba maruwel ni ngan rin’.

Deuteronomy 16:8

Ma nel’ ni migid e rran e ngu’um ked e flowa ndariy e is riy, ma rofen ni medlip ngay e ngam mu’ulunggad ngam liyorgad ngak SOMOL ni Got romed, ma dariy ba maruwel ni gimed ra ngongliy e rofen nem.