Levitikus 23:3 - Bible Ni Thothup

³ Nel’ e rran ni ngam marwelgad, ma dab mpaged talin ni rofen ni medlip, aram e rofen ni Sabbath, ni yaran e toffan. Rofen nem e dab marwelgad, machane ngambad nga ta’bang ngam ted fan SOMOL. Demturug e gin gimed be par riy ma binem e rran e Sabbath rok SOMOL.

Levitikus 23:3 Σταυροειδείς Αναφορές

Exodus 16:23

me ga’ar ngorad, “Ba’aray e thin nike yog SOMOL ni be ta’chiylen ni gabul e ba thothup ni ngan toffan, ni ngan tay ni birok SOMOL e rran. Mu urfiyed e tin gimed ba’adag ni ngan urfiy, mi gimed lith e tin gimed ba’adag ni ngan lith. Ma tin ke magey e ngan tay ngabang ni fen e gabul.”

Exodus 16:29

Dab mpaged talin ni Gag SOMOL e kug pi’ ngomed fare rran ko toffan; aram fan ni chirofen ni nel’ fen e maruwel e gu be pi’ ngomed e ggan ni nge yag ngomed u l’agruw e rran. Ya ra be’ ma nge par ko gin bay riy ko chirofen ni medlip; ma dariy be’ ni nge pag e tabinaw rok e rofen nem.”

Exodus 16:30

Ma aram e da i maruwel e girdi’ ko chirofen ni gaman e medlip.

Exodus 23:12

“Nel’ e rran ni ngam muruliyed e maruwel romed, machane rofen ni medlip ngay e ngam toffangad, ya nge yag ni toffan e pi sib, nge pi milekag ni yad be maruwel romed, nge pi gamanman romed.

Exodus 34:21

“Nel’ e rran ni bay ni ngam rin’ e maruwel rom, machane dariy ba maruwel ni ngam rin’ ko bin medlip e rran, ni demturug ko nap’an ni yibe gi’ e but’ ara nap’an ni yibe t’ar wom’ngin e woldug.

Isaiah 56:2

Gu ra fal’eg wa’athan e pi’in yad ma tay fan e Sabbath ni darir m’ay niged fan. Bay gu fal’eg wa’athan e pi’in darir rin’ed ban’en nib kireb.”

Isaiah 56:6

Me ga’ar SOMOL ko pi girdi’ nu bang ni kar manged boch e girdi’ rok, nib t’uf rorad miyad ma pigpig ngak, ma yad ma tay fan e Sabbath miyad ba yul’yul’ ko fare m’ag rok:

Isaiah 58:13

Be ga’ar SOMOL, “Fa’anra um ayuwegned fare rran ni Sabbath ngu’um ted nib thothup, me siy um leam niged e win ni nge yib ngomed e rofen nem; me yib fan u wun’med e birog e rran nib thothup mi gimed tay fan nge siy um milekaggad e rofen nem, mi gimed pag e maruwel, me siy ku mu weliyed e thin nib m’ay fan,

Levitikus 19:3

Ra bigimed ma thangri tay fan e chitningin nge chitmangin, ma ngam ayuweged e madnom ko Sabbath, ni bod rogon ni kugog; ya Gag e SOMOL ni Got romed.

Luke 13:14

Ma cha’ nib tolang ni ir e ma tay murung’agen tafen e mu’ulung e damumuw ni fan e ke golnag Jesus e m’ar ko chirofen nem ni Sabbath; ma aram me non ngak e girdi’ ni ga’ar, “Nel’ e rran ni bay ni ir e ngad maruwelgad riy; ere mired e girdi’ u lan e pi rran ney ngan gol nagmed ko m’ar, machane gathi rofen ni Sabbath.”

Luke 23:56

Ma aram miyad sul nga taferad ngar ngongliyed rogon e florida nge gapgep ni ngar liyfed downgin Jesus ngay. Me rofen ni Sabbath miyad toffan ni bod rogon nike yog e Motochiyel.

Acts 15:21

Ya Motochiyel rok Moses e ke n’uw nap’an ni kan be’eg u lan tafen e mu’ulung i yan ni gubin e Sabbath, ma thin rok e kan machibnag u lan urngin e binaw.”

Revelation 1:10

Chirofen ni rran rok Somol me yib fare Kan Nthothup i ying ngog, mu gu rung’ag ba lam ni ba ga’ ni bod laman ba rappa ni be non u keru’ug.