Levitikus 22:32 - Bible Ni Thothup

³² Dab mmanged tapgin min dariyfannag fithingag nib thothup; gubin e girdi’ nu Israel ni nge gagyelnag ni gu ba thothup. I Gag SOMOL e kug thothup nagmed;

Levitikus 22:32 Σταυροειδείς Αναφορές

Isaiah 5:16

Machane SOMOL ni Gubin ma Rayag Rok e be dag feni sorok ko n’en ni be rin’ nib mat’aw, ma be gagyalnag feni thothup ko pufthin ni be tay ko girdi’ rok.

Isaiah 8:13

Dab mpag talin ni Gag fare SOMOL ni Gubin ma Rayag Rok e gub thothup; kemus ni gag e ngam rus ngog.

Levitikus 10:3

Me ga’ar Moses ngak Aron, “Irera’ e n’en ni yog SOMOL murung’agen ni fa’an ni ga’ar, ‘Gubin e pi tapigpig rog e thingar ra tedfag nga fenag thothup, ma bay gu dag feni gilbugwag ko girdi’ rog.’” Me par Aron nde non.

Levitikus 18:21

Dab mu pi’ fakam ni fan ko tayfan ni yima tay ngak fare got ni Molek, ya ra dariy fannag fithingan Got ni ir e SOMOL.

Levitikus 20:8

Kug mel’egmed ni ngam manged girdi’eg, ma gu be sap ngomed ni ngam ted e motochiyel rog u gil’.”

Levitikus 21:15

Ya ra danga’ ma pifak ndabisiy ni ngar pired ni yad ba tabgul e yad ra ta’ay. I Gag SOMOL e kug fael nga bang ni nge mang fare Prist ni Th’abi Ga’.”

Levitikus 21:8

Girdi’ e thingar ted fare prist nib tabgul, ni bochane ma pi’ e maligach ni ggan ngog. I gag SOMOL; I Gag e gu ba thothup ma gu ma thothupnag e girdi’ rog.

Levitikus 22:16

dab ra paged e yug girdi’ ndariy mat’awrad ni ngar uned i kay fapi ggan; ren’ey e ra girengiy e kireb nge gechig nga daken e cha’ nike kay boch fapi maligach. I Gag SOMOL, e ku gu thothupnag e pi maligach nem.”

Levitikus 22:2

ni nge yog ngak Aron nge pumo’on ni pifak ni nge ga’ar, “Thingar dab mmanged tapgin min dariyfannag fithingag, ere mu ted u wun’med nib tabgul e pi maligach ni be pi’ e pi girdi’ nu Israel ngog. I Gag SOMOL.

Levitikus 22:31

Me ga’ar SOMOL, “Mu folgad ko tin kugog ni ngan rin’; I Gag SOMOL.

Levitikus 22:33

me Gag e gu chuwegmed u Egypt ni nggu mang Got romed. I Gag SOMOL.”

Matthew 6:9

Ba’aray rogon ni ngam meybilgad ni nge lungumed: ‘Chitamangimad ni ga bay u tharmiy: Ngan tay fan fithingam nib thothup,

Luke 11:2

Me ga’ar Jesus ngorad, “Ba’aray rogon ni ngam meybilgad ni nge lungumed: Chitamangimad, ngan tay fan fithingam nib thothup, ma ga par ni gur e ga be gagiyegnagmad.

John 17:17

Mu fil ngorad e tin nib riyul’, ni er e thin rom ngam pingegrad ngay ngar pired ni girdi’em.

1 Korinth 1:2

Ngak girdi’en e galesiya rok Got ni bay u lan yu Korinth, ni urngin e pi’in ni Got e ke piningrad ni ngar manged girdi’en, ni pi’in ke mil farad ngak Got ni bochan e kar ta’ab girdi’gad Kristus Jesus, ma kar ta’ab girdi’gad urngin e girdi’ nu gubin yang ni pi’in yad ma pining fithingan e Somol rodad i Jesus Kristus, ni ir e Somol rorad nge gadad: