Levitikus 22:18 - Bible Ni Thothup

¹⁸ ni nge pi’ ngak Aron nge pifak ni pumo’on nge urngin e girdi’ nu Israel e pi gafal ni ba’aray. Nap’an nra pi’ be’ nu Israel ara be’ nu reb e nam ni be par u Israel ba maligach ni mo’oruf, ndemturug ko ba maligach ni ir e ognag nra pi’ fa ba maligach ni ir rok e leamnag ni nge pi’,

Levitikus 22:18 Σταυροειδείς Αναφορές

2 Kronicles 31:14

Kore nib mo’on ni fak Imnah ni reb e girdi’ nib Levite ni ir e ba tolang ko pi tamatnag ko fare Garog ni Ngek ko fare Tempel, ma ku ir e ba milfan ngak e pi tow’ath ni yibe pi’ ngak SOMOL nge tin nge wereg ko pi prist nge pi Levite.

Psalms 116:14

u lan e mu’ulung rok urngin e tirok e girdi’ e bay gu pi’ ngak riy e tin gu micheg.

Psalms 116:18

Bay gu pi’ e tin gu ognag ngak SOMOL u p’eowchen gubin e girdi’ rok,

Psalms 22:25

Ra sug e girdi’ ngalan tafen e mu’ulung ma gu ra pining e sorok ngom ko tin kam rin’; ma fithik’ e pi’in yad ma liyor ngom e bay gu pi’ e pi maligach riy ni bod rogon ni gu micheg.

Psalms 56:12

A Got, bay gu pi’ ngom e n’en ni kug micheg; bay gu pi’ ngom e maligach rog ni ogmagaer,

Psalms 61:5

A Got kam rung’ag e tin kug micheg, ma ka mu pi’ ngog e n’en nib milfan ngak e pi’in yad ma liyor ngom.

Psalms 61:8

Gubin ngiyal’ ni bay gon’ e tang ni gu be pining e sorok ngom, ko ngiyal’ ni gu be pi’ ngom ni yu rran e n’en ku gu micheg.

Psalms 65:1

A Got, girdi’ e thingar ur pininged e magaer ngom u Zion miyad pi’ ngom e tin rmicheged ni bay ra pi’ed ngom,

Psalms 66:13

Bay gu fek e maligach ni mo’oruf i yib ko naun rom; bay gu pi’ ngom e n’en kug micheg.

Exodus 12:5

Ngam mel’egged ba saf ara ba kaming ni pumo’on, ni ta’reb e duw rok ma dariy bang u downgin nib kireb.

Eklesiastes 5:4

Ere nap’an ni ga ra micheg ban’en ngak Got, ma ga gurnag u payngin nrayag ngam tay u gil’. Ya ir e dem’ag u wan’ be’ nib balyang. Ere mu rin’ e n’en ni kammicheg.

Levitikus 1:10

Fa’anra nge pi’ facha’ reb e saf fa reb e kaming rok, ma dabisiy nib gamanman ni pumo’on ndariy bang u downgin nib kireb.

Levitikus 1:2

ni fan ngak piyu Israel ni ngu’ur folgad riy ko ngiyal’ ni yad be pi’ e maligach rorad. Ra nge pi’ be’ ba maligach ni gamanman, ma reb e garbaw rok, fa reb e saf rok, ara reb e kaming rok.

Levitikus 17:10

Fa’anra kay be’ nu Israel ara be’ u bang nma par u fithik’ yu Israel e ufin ni kabay e racha’ u fithik’, mra togopluw SOMOL ngak ma dabki tay fa’anem ni reb e girdi’ rok.

Levitikus 17:13

Fa’anra kol be’ nu Israel ara be’ nu bang nma par u fithik’ yu Israel ba gamanman fa ba arche’ nib be’ech, ma thangri pu’og racha’en nga but’ me tharay ko but’.

Levitikus 22:17

Me yog SOMOL ngak Moses

Levitikus 23:38

Pi madnom ney e nge cheag ko pi madnom ni Sabbath, ma pi maligach ney e nge chag ko pi maligach ni gimed ma pi’, nge tin ni mmicheged ni ngam pi’ed ngak, nge tin gimed e mu leam niged ni ngam pi’ed ngak SOMOL.)

Levitikus 7:16

Fa’anra fek be’ i yib ba maligach ni nge gapas thilin Got nge girdi’ ni micheg nra rin’ fa ba maligach ni ir rok e leam rok ni nge pi’, ma de m’ay ni gubin ko rofen nni pi’ riy, ma tin ke aw riy e ngan kay ko bin migid e rran.

Amos 4:5

Mu pi’ed e flowa romed ni ogmagaer ngak Got, mi gimed weliy u fithik’ e ufanthin e tin ka mu chagiyed ngay kam feked i yib! Ya irera’ e mit i n’en ni gimed ba’adag ni ngu’um rin’ed.

Jonah 1:16

Me par fapi sala ni kar tamdaggad ngak SOMOL, miyad pi’ ba maligach miyad micheg ni ngu’ur pigpiggad ngak.

Jonah 2:9

Machane bay gu tang nigem ni gu be pining e sorok ngom; ma bay gu li’ ba gamanman nggu pi’ ngom ni maligach, tin ni kug weliy ngom e bay gu rin’. I SOMOL e ma yib e ayuw rok!”

Nahum 1:15

Mu changar, ke yib bmal’og u daken e pi burey nike fek e thin ni bfel’! Ke yib ni nge weliy murung’agen e gapas! Gimed e girdi’ nu Judah, mmadnom niged e pi madnom romed ngam pi’ed ngak Got e n’en ni mu og niged ngak. Pi to’ogor e dakriy bi’id ni ku yad ra cham u lan tafenmed bayay. Ya yad gubin ni kan thang owcharad.

Malaki 1:14

Nge kireb wa’athan e en nra sasaliyeb nge li’ ba gamanman ni gathi rib fel’ nge pi’ ngog ni maligach, ma bay reb e gamanman ni bfel’ u fithik’ e gamanman rok nike micheg ngog ni nge pi’ ngog. Ya gag e pilung ni ga’, girdi’ nu gubin e nam e bay madgug u wun’rad.”

Numbers 15:3

Ba garbaw ni pumo’on, fa ba saf ni pumo’on, ara ba kaming e rayag ni ngan pi’ ngak SOMOL nib maligach ni mo’oruf fa ba maligach nib mathang malfith u ban’en ni kan ognag fa ba maligach ni gur rom e ga ba’adag ni ngam pi’ fa ba maligach ni yima pi’ u nap’an e pi madnom ni yima tay ni fan ngak Got. Rib fel’ u wan’ SOMOL bon e pi ggan ni maligach ney.

Acts 18:18

Bo’or e rran ni par Paul rok e pi walag ni aram girdi’en Kristus u Korinth, me pagrad nge af nga barkow nge yan nga Syria ni yad Priscilla nge Aquila. Machane u m’on ndawori af nga barkow u Kenkrea, min th’ab piyan lolugen ni urngin, ni fan e keyog bbugithin ni nge rin’ ni fan ngak Got.

Deuteronomy 12:17

Urngin e pin’en ni kam pi’ed ngak SOMOL e thingar dab mu ked ko gin ni gimed be par riy, ni aram e ragag e pasent ko grain romed, nge wayin, nge gapgep ko olive, nge bin som’on i fak e garbaw nge saf romed, ara pin’en ni kam micheged ngak SOMOL ni ngam pi’ed ngak, fa pin’en ni kam turguyed u wun’med ni ngam pi’ed ngak, ara yugu boch e maligach.

Deuteronomy 12:6

U rom e ngam pi’ed e pi gamanman ni maligach riy ni ngan urfiy nge yugu boch e maligach, nge ragag e pasent ko pin’en nike yag ngomed, nge pin’en ni ngam pi’ed ngak SOMOL, nge pin’en ni kam micheged ni ngam pi’ed ngak, nge pin’en ni kam turguyed u wun’med ni ngam pi’ed ngak, nge tin som’on i fak e pi garbaw nge pi saf romed.

Deuteronomy 16:10

ma aram e ngam madnom niged fare Madnom ko T’ar Wom’ngin e Woldug, ni ngam tedfan SOMOL ni Got romed, ni ngam feked i yib ngak e maligach ni gimed e ka mu leam niged ni ngam pi’ed ni bang ko tin ke fal’eg wa’athmed riy.