Levitikus 22:16 - Bible Ni Thothup

¹⁶ dab ra paged e yug girdi’ ndariy mat’awrad ni ngar uned i kay fapi ggan; ren’ey e ra girengiy e kireb nge gechig nga daken e cha’ nike kay boch fapi maligach. I Gag SOMOL, e ku gu thothupnag e pi maligach nem.”

Levitikus 22:16 Σταυροειδείς Αναφορές

Psalms 38:4

Gu be lumach u fithik’ pi denen rog nike sugbur; nib gilab ni kay gi tomal ni nggu chibiy.

Exodus 28:38

Aron e nge tay e ran’ey nga lolgen nib migid e madaliya riy nga peri’, ya aram e Gag SOMOL, e ra magan’ug nga urngin e pin’en nra pi’ yu Israel ni kar og niged ngog, ni yug ra mang e kar og niged nib kireb rogon ngog.

Levitikus 10:17

“Mangfan ndam kew u bang nib tabgul fare maligach ni fan ko denen? Rib tabgul, ma ke pi SOMOL ngomew ni ngam pi’ew e bayul ni fan ko denen rok piyu Israel ni ga’ngin.

Levitikus 20:8

Kug mel’egmed ni ngam manged girdi’eg, ma gu be sap ngomed ni ngam ted e motochiyel rog u gil’.”

Levitikus 21:15

Ya ra danga’ ma pifak ndabisiy ni ngar pired ni yad ba tabgul e yad ra ta’ay. I Gag SOMOL e kug fael nga bang ni nge mang fare Prist ni Th’abi Ga’.”

Levitikus 21:23

ma bochan ni bay bang u downgin nib kireb, ma dabi yib nga to’oben fare gi kateng nib thothup ara chuchugur ko fare altar. Thangri dabi ta’aynag e pin’ey nib thothup, ni bochan e Gag SOMOL e kug thothupnag.”

Levitikus 21:8

Girdi’ e thingar ted fare prist nib tabgul, ni bochane ma pi’ e maligach ni ggan ngog. I gag SOMOL; I Gag e gu ba thothup ma gu ma thothupnag e girdi’ rog.

Levitikus 22:17

Me yog SOMOL ngak Moses

Levitikus 22:9

“Gubin fapi prist ma ngar folgad ko pi gafal ni kug pi’. Ya fa’anra danga’, ma yad ra par nib buch e rorad miyad ra yim’, ni bochan e dar folgad ko fapi gafal nib thothup. I Gag SOMOL e kug thothup nagrad.

Levitikus 7:18

Fa’anra gaman e dalip fen ngay mu kun kay bang e ufin ko fare maligach, ma dabi fel’ u wan Got fare maligach rok facha’. Ma fare maligach e dab ni thang ko malfith rok, ya ba ta’ay, ma cha’ ni kay bang riy e ra gafgow u wenigan.

Numbers 18:1

Me ga’ar SOMOL ngak Aron, “I gur, nge fapi pumo’on ni fakam nge pi Levite e dabisiy ni ngam gafgowgad u wenigan demturug ban’en nib kireb nra buch nib l’ag rogon ko pigpig romed u langgin e Tent u p’eowcheg; machane gur nge pi pumo’on ni fakam e kemus ni gimed ra gafgow u wanagen e kireb ko maruwel romed ni pigpig ni prist.

Numbers 18:32

Dabi yib machan ngomed ko ngiyal’ ni gimed ra kay, ni fa’anra kam pi’ed fa gin th’abi fel’ riy ngak SOMOL. Machane nopa’med ni dab mu darifan naged fapi tow’ath nib thothup nike pi’ yu Israel ngomed. Fa’anra mu abichgad u daken fapi tow’ath u m’on ni dawor mu pi’ed e gin th’abi fel’ riy ma yira thang e fan romed.”

Matthew 23:17

Gimed e malmit ni balyang! Bin ngan e ka ba ga’fan, fare gol fa fare Tempel ni ir e ke thothupnag fare gol?

1 Peter 2:24

Kristus e ir e girngiy urngin e denen rodad nga daken me fek nge yan nga daken e kuruth, ni fan e ngad m’ad rok e denen ni gadad be par rok ngad chuwgad rok ma gadad par ni gadad be rin’ e tin nib mat’aw. Maad’ad nike tay e ir e ke gol nagmed.