Levitikus 21:8 - Bible Ni Thothup

⁸ Girdi’ e thingar ted fare prist nib tabgul, ni bochane ma pi’ e maligach ni ggan ngog. I gag SOMOL; I Gag e gu ba thothup ma gu ma thothupnag e girdi’ rog.

Levitikus 21:8 Σταυροειδείς Αναφορές

Nehemiah 13:29

Got, dab mu pagtalin rogon nike ta’aynag e pi girdi’ nem fare office rok e prist nge fare m’ag ni mu ngongliy u thilmed e prist nge pi Levite.

Exodus 19:10

Me ga’ar SOMOL ngak Moses, “Mman ngak e girdi’ ngamog ngorad ngar be’ech nigedyad e daba’ nge gabul ni fan ko liyor. Thingar ra maluk niged e mad rorad,

Exodus 19:14

Me yib Moses u daken fare burey nga but’ me yog ko girdi’ ni ngar fal’eged rogorad ni fan ko fare liyor. Miyad maluknag e mad rorad,

Exodus 28:41

Ma gon’ e pi mad ney nga daken Aron ni walagem nge pifak ni pumo’on. Ma aram mag gapgep nagrad ngam yibleyrad ngam og nagrad ni kar tabgulgad, nrayag ni ngar pigpiggad rog ni prist.

Exodus 29:1

“Ba’aray e n’en ni ngam rin’ ngak Aron nge pifak ni pumo’on ni ngam ognagrad ngog, ya ngar manged e prist ngu’ur pigpiggad rog. Mu fek ba fak e garbaw ni pumo’on nge l’agruw e fak e saf ni pumo’on ndariy bang u dowrad nib kireb.

Levitikus 19:2

ni nge ga’ar ngak e girdi’ nu Israel, “Ngam pired ni gimed ba thothup, ya Gag SOMOL ni Got romed e gu ba thothup.

Levitikus 21:6

Thingari par nib tabgul ma thangri dabi m’anag fan fithingag. Ma pi’ e maligach ni ggan ngog, e re thangri par nib tabgul.

Levitikus 22:16

dab ra paged e yug girdi’ ndariy mat’awrad ni ngar uned i kay fapi ggan; ren’ey e ra girengiy e kireb nge gechig nga daken e cha’ nike kay boch fapi maligach. I Gag SOMOL, e ku gu thothupnag e pi maligach nem.”

Levitikus 3:11

Ma fare prist ni be pigpig e ngiyal’nem e nge urfiy e yungi n’ey ni gubin u daken fare altar ni ba ggan ni maligach ngak SOMOL.

Malaki 1:7

Ba’aray rogon, bochan e gimed be maligachnag e ggan nde fel’ u daken e altar rog. Ma aram e gimed be fith ni be lungmed, ‘Uw rogon ni dagur ted fam?’ Bay gog ngomed ni be m’ug e fananikan romed ko altar rog.

Numbers 28:2

ni nge gafaliy yu Israel ngar pi’ed ngak Got e ggan ni maligach ni kan duwgiliy nib magan’ ngay ko re ngiyal’ i n’en ni kan turguy ni ngan pi’ riy.

John 10:36

Mi gag e en ni Chitamangiy e duwgilyeg nge l’oegeg nggub ngaray nga fayleng. Ere ke di’in ma kamogned ni kug n’ag fan Got ni bochan e kugog ni Fak Got gag?

John 17:19

Nggu pi’eg ngom ni bochrad, ni fan e ngkur manged girdi’em.

Hebrews 10:29

Ere ra yan i di’in e en ni be darifannag e en ni Fak Got ni be dag ko ngongol rok ndariyfan u wan’ e racha’ ko m’ag rok Got ni ir e machalbognag fa’anem, ni en ni ir e ke tagannag laniyan’ fare Kan Nthothup nma ayuwegdad? Mu tafinay niged feni gel e gechig ni bay tapgin ni ngan pi’ ngak!

Hebrews 7:26

Ere Jesus e ir fare Prist ni Th’abi Ga’ ni ir e rayag ni nge ayuwegdad u urngin ban’en! Ya ir e ba thothup; ni dariy thibngin ma dariy e denen rok; ke fal Got ngabang ni gathi ir reb e pi tadenen ma ke tay ni ir e th’abi tolang u tharmiy.