Levitikus 21:5 - Bible Ni Thothup

⁵ “Dariy ba prist nra midro’nag bang u lolgen fa th’ab bang u roben ara th’ab yu yang u downgin ni nge dag ni be mowaw.

Levitikus 21:5 Σταυροειδείς Αναφορές

Isaiah 15:2

Me yan e girdi’ nu Dibon ngalang ko burey ngu’ur yorgad u tagil’ e meybil. Girdi’ nu Moab e ur gogo’ naged e gafgowan’ rorad ni bochan yu Nebo ngu Medeba; ra pupuyed lolugenrad nge soroberad u fithik’ e gafgowan’.

Isaiah 22:12

I SOMOL ni Th’abi Tolang ma Gubin ma Rayag Rok e i piningmed ni ngam yorgad mi gimed dololoy’, migmed puy piyan lolugmed ngam chuwgad ko mad ni tutuw.

Jeremiah 16:6

Pi’in yo’or ban’en rorad nge pi’in dariy ban’en rorad e yad ra yim’ u daken e re but’ ney, machane dariy be’ nra k’eyagrad fa yor nagrad. Ma dariy be’ nra th’ab downgin fa puy piyan lolgen ni nge dag nike kirban’.

Jeremiah 48:37

Yad gubin ni kar puyed lolugrad ma kar th’abed sobarad. Yad gubin ni kar rasayed pa’rad ma yad gubin ni kar chuwgad ko mad ni tutuw.

Ezekiel 44:20

“Prist e thangri dab ra puyed lolugrad u daken e lo’ ma dabra paged nge n’uw piyen lolugrad. Ngi i par piyen lolugrad ni bfel’ n’umngin.

Ezekiel 5:1

SOMOL e ga’ar, “Fak e girdi’, mu fek e saydon nib m’uth ngam puy robem nge urngin piyan lolugem. Ma ga thabthabelnag fapi piy mag ki’eg nge dalip ulung ni ta’reb oren.

Levitikus 10:6

Me ga’ar Moses ngak Aron nge fa gali pumo’on ni fak ni aram Eleazar nge Ithamar, “Dab mu ted lolgumed ndab kum raweyed ara mu guchthiyed e mad romed ni gimed be dag ni be taganan’med. Ya gimed ra rin’, ma gimed ra yim’, mra damumuw SOMOL ngak yu Israel ni ga’ngin. Machane urngin e girdi’ nu Israel ni yad ra yornag faglicha’ ni li’row fare nifiy ni SOMOL e pi’ nge yib.

Levitikus 21:4

Dabi ta’aynag ir ni bochan ba yam’ ni girdi’en le’engin.

Amos 8:10

Bay gu pingeg e pi madnom romed nge ngal’ ni tayam’, mu gu pingeg e tang ni gimed ma yin’ u fithik’ e felfelan’ nge ngal’ ni meyor nge gafgowan’. Bay gu gagiyeg nagmed ngam puyed lolugmed u daken e lo’ mi gimed yin’ e mad ni tutuw. Bay mboded e gallibthir ni yow be mowaw nag fakrow ni kari ma’agrag rorow. Rofen nem ni polo’ e ra par nib mo’oy.

Mikah 1:16

Gimed e girdi’ nu Judah, mu th’abed piyan lolugmed ngam yor niged pifakmed nib t’uf romed. Mmudro’ niged gimed ni bod e arche’ ni vulture, ya bay ni fek pifakmed nga wuru’ e nam ni kalbus.

Deuteronomy 14:1

“Gimed e girdi’ rok SOMOL ni ir e Got romed. Ngiyal’ ni gimed ra mowawnag ba yam’, ma dab ku mu raseyed dowmed fa mu puyed piyan lolugmed u m’on, ni bod nma rin’ boch e girdi’.