Levitikus 21:20 - Bible Ni Thothup

²⁰ fa be’ nib bugbug keru’, fa be’ nrib pag feni ngochngoch; fa be’ nib kireb barba’ i owchen ara bay e m’ar ko dowef rok; ara reb e eunuch.

Levitikus 21:20 Σταυροειδείς Αναφορές

Isaiah 56:3

Girdi’ nu bang ni karbad ra pethgad nga girdi’en SOMOL e dabi ga’ar bagyad, “I SOMOL e dabi pageg nggu’un ko girdi’ rok nggu liyorgad ngak.” Ma reb e eunuch e dabi leamnag ni bochan e dabki fakay e bitir, ere dariy liben me mang reb i girdi’en Got.

Levitikus 21:19

fa be’ nib mugutgut rifrifen pa’ ara rifrifen ay;

Levitikus 22:22

Dab ni pi’ ni maligach ngak SOMOL ba gamanman nib malmit ara ba mugutgut ara ke maad’ad dow, fa bay e malad u dow ni be yib logwen ara ke math’ downgin ara ke for ba m’ar u downgin, fa ke yib e gachal nga dow, ara be fath e biyach u downgin. Dab mu pi’ed ba gamanman ni arrogon u daken e altar ni nge mang ba ggan ni maligach.

Levitikus 22:24

Dab mu pi’ed ni maligach ngak SOMOL u lan binaw romed ba gamanman nike parde’ gurchen, ara ke math’, ara ke magur, fa ke mogchod bang riy.

Deuteronomy 23:1

“Dariy be’ nib mo’on ni kan luf nuni ran ara kan th’ab downgin ni pumo’on ni yira uneg nga fithik’ e girdi’ rok SOMOL.

Deuteronomy 23:2

“Dariy be’ nni diyennag u muchugbil nrayag ni mang reb i chon e tirok SOMOL e girdi’. Ni mus ngak e pi’in owchen facha’ nge mada’ ko bin ragag e mfen, ma ku dabi yag ni yad ra mang chon e tirok SOMOL e girdi’.