Levitikus 21:1 - Bible Ni Thothup

¹ I yog SOMOL ngak Moses ni nge ga’ar ko fapi prist ni pifak Aron, “Dariy reb e prist ni nge ta’aynag ir u reb e gam’ing ko yam’ u nnap’an nra yim’ be’ ni pibe’ rok,

Levitikus 21:1 Σταυροειδείς Αναφορές

Ezekiel 44:25

“Downgin be’ nike yim’ e ra math be’ ngay me ta’ay. Ere prist e thangri dabi yan nga charen be’ nike yim’, kemus ni fa’anra reb e gal labthir rok fa reb i pifak, fa reb i walagen ni pumo’on ara reb e bpin ni walagen ni dawri mabgol.

Hosea 5:1

“Gimed e pi prist, mu telmed ko pi thin ni ba’aray! Gimed piyu Israel, e ngar mu telmed! Gimed e pi’in ni girdi’en e tabinaw rok e en pilung, mu telmed! Susun e gimed e ngu’um turguyed e gechig nib mat’aw, machane bay yib e gechig ngomed! Kam manged ba wup u Mizpah, ni bangi nug ni kan k’iyag u daken e burey ni Tabor,

Levitikus 19:28

Dab mu aned dowmed ara mu raseyed dowmed ni fan ngak be’ nike yim’. I Gag e SOMOL.

Levitikus 21:11

Kan ognag ngog ere dabi ta’aynag ir, ara ta’aynag e Tent rog nib thothup ni nge chuw riy nge yan nga langgin reb e naun ni bay ba yam’ riy, ni demturug ko chitamngin fa chitiningin.

Malaki 2:1

I SOMOL ni Gubin Ma Rayag Rok e ga’ar ko pi prist, “Ba’aray e n’en ni ngam rin’ed:

Malaki 2:4

Ma aram e bay mu nanged ni gag e kugog e re bugithin ney, ya nge par fare m’ag romad e pi prist, ni aram e pi’in owchen Levi ni dabi math’.

Numbers 19:11

Demturug be’ nra math nga ba yam’ e nge par nib ta’ay u lan medlip e rran.

Numbers 19:14

Fa’anra chey ni yim’ be’ u lan e Tent, ma cha’ ni bay rok u lan e Tent e ngiyal’nem ni yim facha’ ara yib ngalan e Tent ma ra par nib taay ni medlip fen.

Numbers 19:16

Fa’anra math be’ nga ba ldow fa be’ ni ir rok e ke y’im rok, fa yil’en be’ fa ba low ko yam’ u lan e tafelfel’, mra par nib ta’ay ni medlip fen.

Numbers 5:2

“Mog ngak e girdi’ nu Israel ni gu be yog ni ngar chuweged e pi’in ba daraw fa be yib logwen dow nge pi’in ni kar ta’aygad ni bochan e kar mathgad ngab ldow, ko gin’en ni yad be par riy.

Numbers 6:6

Piyan lolugem e pow ni kam og nigem ngak Got, ere thangri dab mman nga charen ba yam’ ya ga ra ta’ay, ni mus ko chitamam, ara chitnam, ara walagem ni pumo’on ara walagen ni bpin nike yim’ ma dab mu chugur ngay.