Levitikus 20:23 - Bible Ni Thothup

²³ Dab mu’uned nga yalen e girdi’ ni yad ma par u rom; bay gu tuluf e pi girdi’ nem ya nge yag ni mmarod ngalan fare nam. Ya kar k’aringed e sonogor ngog nga urngin e ngongol rorad nib kireb.

Levitikus 20:23 Σταυροειδείς Αναφορές

Psalms 78:59

Ri damumuw Got nnap’an ni guy e ran’ey, ma aram mri n’ag e girdi’ rok.

Levitikus 18:2

ni nge yog ngak e girdi’ nu Israel ni nge ga’ar, “Gag SOMOL ni Got romed.

Levitikus 18:24

Dab mu rin’ed reb e pi ngongol ney ngam ta’ay niged gimed, ya er e pin’en ni i rin’ e pi’in dar nanged Got ngar ta’aygad, ni pi’in ur pired u daken fare binaw ni yad ba som’on romed ni yad e tulufrad SOMOL nga wuru’ fare binaw, ya nge yag nim marod nga langgin.

Levitikus 18:25

Pi ngongol rorad nem e ta’aynag fare nam, ma aram me gechignag SOMOL fare nam, me gagiyegnag nge par fare nam ni be tharbog e girdi’ ni be par riy.

Levitikus 18:3

Thingar dab mu’uned ko tin ma rin’ e girdi’ nu Egypt ko gin ni um pired riy kafram, ara tin nma rin’ e girdi’ nu Kanaan ni fare nam ni gu be fekmed i yan ngay.

Levitikus 18:30

Me ga’ar SOMOL, “Ere mu folgad ko tin kugog ni ngam rin’ed ma dab mu’uned ko ngongol rok e girdi’ ni ur pired ko re nam ney ni yad mm’on romed, ma dab mu ta’ay niged gimed ni fan e kam rin’ed reb e pin’ey. I Gag SOMOL ni Got romed.”

Zekariah 11:8

Dakiyag ni gu k’adan’ug rok dalip i tagafal saf, ni dubrad dakenag, mug chuwegrad ni yad gubin u lan ta’ab pul.

Deuteronomy 9:5

Gathi bochan e gimed bfel’ ma gimed be rin’ e tin nib mat’aw e aram fan ni nge pagmed SOMOL ngam marod nga taferad. Bayi tulufrad ni bochan e yad ba kireb, ma ke leamnag ni nge tay u gil’ e tin ni micheg ngak pi chitamangimed ni kakrom, ni aram Abraham nge Isak nge Jakob.