Levitikus 20:2 - Bible Ni Thothup

² ni nge yog ngak e girdi’ nu Israel ni nge ga’ar, “Demturug bigimed ara be’ u reb e nam ni be par u fithik’med nra pi’ reb i pifak ngak fare got ni Molek e thangri malangnag piyu Israel facha’ nge yim’.

Levitikus 20:2 Σταυροειδείς Αναφορές

1 Kings 11:7

Mu daken e burey ko ngek u Jerusalem e ubung bangi ban’en riy ni ngu’un tayfan Kemosh riy, ni fare got ni sonogor nu Moab, nge bang ni ngu’un tayfan Molek riy, ni fare got ni sonogor nu Ammon.

2 Kings 17:17

U ra pi’ed pifakrad ni pumo’on nge ppin ni bogi maligach ni mo’oruf ngak e pi got rok e pi’in ndar nanged SOMOL; mu’ur fithed laniyan’ e pi sathuw nge pi’in yad ma yog e n’en nra buch nga m’on, mar pi’ed yad ni polo’ ko tin kireb ni yad be ngongliy u p’eowchen SOMOL, ma aram e ri yad be pug e damumuw rok.

2 Kings 23:10

miki kirebnag Josiah ni Pilung yu Tofeth ni bay u lan e loway u Hinnom, ni yima meybil riy ngak yugu reb e got, ni fan e nge dakuriy be’ ni nge pi’ fak ni pumo’on ara ppin nga ni urfiy u rom ni maligach ngak fare got ni Molek.

2 Kronicles 28:3

me urfiy e incense u lan e Loway ni Hinnom, ma mus nga pifak ni pumo’on me pi’ ni maligach ni mo’oruf ngak bogi liyos, be yan u ya’an e pin’en nib sonogor ni i rin’ e girdi’ nike tulufrad SOMOL nga wuru’ fare nam nu Israel u m’on nrabad ra tafnayed.

2 Kronicles 33:6

Me pi’ pifak ni pumo’on ni bogi maligach ni mo’oruf u lan fare loway ni Hinnom. Mi i pig ma be fith laniyan’ e pi’in yad ma yog e n’en ni bayi buch rok e girdi’ nge pi’in yad ma pong thagith. I denen nib gel nib togopluw ngak SOMOL ngari k’aring e damumuw ngak.

Psalms 106:38

Ra li’ed fapi bitir ni dariy e n’en ni kar bucheged, nge ta’ay fare but’ ko mathang pogofan ni un tay riy.

Jeremiah 32:35

Ka ra toyed e altar ni fen Baal u lan e yiy u Hinnom, ni ngar pi’ed pifakrad ni pumo’on nge ppin ni maligach ko fare got ni Molek. Da gog ngorad ban’en ni ngar rin’ed ni aray rogon, ma ku detun ngan’ug ni yad ra rin’ ban’en ni aray rogon nge waliy e girdi’ nu Judah nge denen.”

Jeremiah 7:31

Ka ra ubunged ba altar ni Tofeth fithingan ngalan e Loway ni Hinnom, ni fan e ngu’ur li’ed pifakrad ni pumo’on nge ppin ngu’ur urfiyed ngar pi’ed ni maligach. Da gu ning chiylen ngorad ni ngu’ur rin’ed e binem e pa’, ma ku de pat ngan’ug.

Ezekiel 20:26

Gu pagrad ngu’ur alit niged yad ko pi maligach rorad, mu gu digeyrad ngu’ur maligachgad ko tin nganni’ e pagel u pifakrad. Irera’ e gechig ni gu tay ngorad ni nge dag ngorad ni Gag SOMOL.

Ezekiel 20:31

Mus ko bin daba’ e rran ma kigimed be pi’ fapi tow’ath ma kigimed be alit niged gimed ko fapi liyos, ni gimed be maligachnag pifakmed ngorad u fithik’ e nifiy. Ma kigimed be yib piyu Israel ni gimed be fith lanin’ug! Bod feni bmich ni Gag SOMOL ni Th’abi Tolang ni Gag fare Got ni gu be par ni gub fos, e aram feni dab kug pagmed ngam fithed ban’en ngog.

Ezekiel 23:37

Da ku rir yul’yul’ gow ngog, gamad bmabgol mayow be iling ni yow be tayfan e liyos, ma yow be thang e pogofan ya yow be pi’ pifakag ni maligach ko pi liyos.

Ezekiel 23:39

Chirofen ni ba’aram nra thangew e pogofan rok pifakag ngar maligach nigew ko liyos, e ra bow nga Tempel rog ngar dariyfan nagew!

Levitikus 17:13

Fa’anra kol be’ nu Israel ara be’ nu bang nma par u fithik’ yu Israel ba gamanman fa ba arche’ nib be’ech, ma thangri pu’og racha’en nga but’ me tharay ko but’.

Levitikus 17:15

Ma demturug be’, nu Israel fa be’ nu bang nma par u fithik’rad, ni kay ufin ba gamanman ni yim’ ni rogon e yam’ fa li’ ba gamanman ni malboch, ma thingari luknag e mad rok, me maluk, me son nge mada ko blayal’ ma aram fini be’ech.

Levitikus 17:8

Demturug be’ nu Israel ara yug be’ u reb e nam ni be par u fithik’ piyu Israel nra pi’ ba maligach ni mo’oruf ara yug reb e maligach,

Levitikus 18:21

Dab mu pi’ fakam ni fan ko tayfan ni yima tay ngak fare got ni Molek, ya ra dariy fannag fithingan Got ni ir e SOMOL.

Levitikus 20:1

I yog SOMOL ngak Moses

Levitikus 20:27

“Demturug e re mo’on ara re bpin nra ning e ayuw ngak e pi thagith ma yira malangnag nge yim’; aromed nra yodroy e ir tapgin e yam’ nra tay.”

Levitikus 24:14

“Mu fek e re mo’on nem nga wuru’ e gin’ey ni be par yu Israel riy. Ma gubin e pi’in rung’aged facha’ ni i yog e thin ni kireb e ngar ted pa’rad nga daken lolgen fare mo’on, me malangnag yu Israel facha’.

Levitikus 24:16

yira thang e fan rok. Demturug be’ nu Israel ara be’ nu bang nma par u fithik’ yu Israel nra dariyfannag fithingan SOMOL, e ra malangnag yu Israel ni yad gubin nge yim’.

Levitikus 24:23

Ere yog Moses e pin’ey ngak fapi girdi’ nu Israel; ma aram e ra feked fare mo’on ni i yog e thin nib togopluw ngak SOMOL nga wuru’ fa gin nma par yu Israel riy, ngar paged e malang ngak. I rin’ yu Israel e n’en ni yog SOMOL ngak Moses ni ngar rin’ed.

Acts 7:43

Ya tent rok fare got ni Molok e um feked i yan, nge fare liyos ni ya’an fare t’uf rok fare got romed i Refan; yad bogi liyos ni kam ngongliyed ni ngu’um meybilgad ngay. Ere bay gu pi’med ngam marod nga ba’nem yu Babylon.’

Deuteronomy 12:31

Dab um liyorgad ku SOMOL ni Got romed ni bod kanawo’en ni yad be tayfan e tirorad e kan, ya rogon ni yad ma tay fan e tirorad e got e yad ma rin’ urngin e pin’en nib sunsonogor nri dabun SOMOL. Mus nga pifakrad ni yad ma urfiy u mit e nifiy u daken e pi altar rorad ngar pi’ed ni maligach.

Deuteronomy 17:2

“Fa’an gimed ra pir’eg u lan reb fa yochi binaw romed be’ nib mo’on fa be’ ni bpin nike denen nib togopluw ngak SOMOL ke th’ab fare m’ag ni ngongliy Got u thilmed

Deuteronomy 18:10

Dab mu maligach niged pifakmed u fithik’ e nifiy u daken e altar romed; ma dab mu paged e girdi’ romed ngar uned ko bey ara chib; ara ur motokangad;

Deuteronomy 21:21

Ma aram e gubin e pumo’on u lan fare binaw e ngar malang niged fare pagel nge yim’, ya nge chuw e mitney e kireb u fithikmed. Ma urngin e girdi’ nu Israel ni yad ra rung’ag e tin ke buch, miyad ra rus.

Deuteronomy 22:21

ma aram e yira fek fare pin i yan nga langan e mab ko naun rok e chitamngin, nge malangnag e pi pumo’on ko fare binaw nge yim’ u rom. Ni bochan e ke rin’ fare pin ban’en nib tamra’ u fithik’ e girdi’ rog nike par nga gil’ e pumo’on ni dawori mabgol, ko ngiyal’ i n’en ni ku be par u tafen e chitamngin. Irera’ kanawo’en me chuw e mitney e kireb u fithik’med.