Levitikus 2:9 - Bible Ni Thothup

⁹ Me fek fare prist boch riy nge urfiy u daken e altar ni aram e pow riy ni kan pi’ ni gubin ngak SOMOL. Ma bon e re maligach ni ggan ney e rib fel’ u wan’ SOMOL.

Levitikus 2:9 Σταυροειδείς Αναφορές

Exodus 29:18

Mag urfiy fare saf ni pumo’on nib polo’ u daken e altar ni aram e ba maligach ni ggan. Ma bon e re maligach ney e bfel’ u wun’ug.

Isaiah 53:10

Be ga’ar SOMOL, “I gag e gu turguy ni nge gafgow; yam’ ni tay e ba maligach ni fan e nggu n’ag fan e denen ko girdi’. Ere bayi guy e pi’in owchen; bayi par nib n’uw nap’an, ma tin kem’ay i leamnag rog e bayi yan i aw nga rogon u daken.

Levitikus 1:9

Ma gil’iggan nge ay fare gamanman nl’agruw raba’ e ra luknag facha’, ma re prist ni ir e be pigpig e ngiyal’nem e nge urfiy fare maligach nib polo’ u daken fare altar. Ma bon e re maligach ni ggan ney e rib fel’ u wan’ SOMOL.

Levitikus 2:16

Ma fare prist e nge urfiy e tin kan pirdi’iy nge boch e gapgep ni aram e bpow, ma ku aram rogon gubin e incense, ko ggan ni maligach ngak SOMOL.

Levitikus 2:2

me fek i yib ngak fapi prist ni pifak Aron. Ma re prist ni be pigpig e ngiyal’nem e nge suguy lan barba’ i pa’ ko fapi flour nge oil nge gubin e incense, me urfiy e uw i flowa ney u daken fare altar ni aram e ba pow ni kan ognag ni gubin ngak SOMOL. Ma bon e re maligach ni ggan ney e rib fel’ u wan’ SOMOL.

Levitikus 2:8

Ma nge fek i yan ni aram e nge ognag ngak SOMOL nge pi’ ngak fare prist, ni ir e bay i fek ko fare altar.

Levitikus 24:7

Mi gimed tay boch e incense nga daken fa gal thal i flowa, ni aram e pow ko ggan ni kan ognag ngak SOMOL ni nge yan nga luwan fare flowa.

Levitikus 4:31

Me chuweg urngin e mam riy, nri bod nni chuweg e mam ko fapi gamanman nli’ ni fen e maligach nma gapaseg thilin Got nge girdi’, ma nge urfiy u daken e altar ni bon e rib fel’ u wan’ SOMOL. Ara’ rogon konowa’en nma pi’ fare prist e bayul ni fan ko denen rok be’ ma yira n’ag fan rok.

Levitikus 5:12

Me fek i yib ngak fare prist, ni ir e bayi fek e flour nap’an lan barba’ i pa’, ni aram e bpow riy ni kan ognag ni gubin ngak SOMOL. Me urfiy u daken fare altar nib ggan ni maligach. Ren’em e ba maligach ni nge chuweg e denen.

Levitikus 6:15

Me fek ba gogow i flour ni bay e gapgep, nge incense riy, nge urfiy u daken fare altar ni aram e pow riy ni kan pi’ ni ga’ngin ngak SOMOL. Bon e re maligach ney e rib fel’ u wan’ SOMOL.

Zekariah 13:7

I SOMOL ni Gubin ma Rayag Rok e ga’ar, “Saydon, mu od ngam cham ngak fare tagafaliy e saf nma maruwel rog! Mu li’ ngem’, nge wagey fapi saf. Bay gu cham ngak pi girdi’eg,

Zekariah 13:9

Bay gu sikengnag e tin kar mageygad, ma bay gu be’ech nagrad ni bod e silber ni yima be’ech nag ko nifiy. Bay gu sikeng nagrad ni bod ni yima sikengnag e gol. Ma aram e bay ra meybilgad ngog, mug fulweg taban e meybil rorad. Bay gog ngorad ni yad pi girdi’eg, ma bay roged ni Gag e Got rorad.”

Numbers 5:26

Ma aram me fek ba gogow riy nge pi’ ni pow ko fare maligach, ni aram e nge urfiy u daken fare altar. Ngemu’ me pi’ fapi ran ngak fare pin nge unum.

Roma 12:1

Ere pi walageg, bochan e ri be runguydad Got, ma aram fan ni nggu wenig ngomed ni ngam pi’ed gimed ngak Got, ngam manged maligach nib fos ngak, ni kam pi’ed gimed ko maruwel rok ma gimed bfel’ u wan’. Ireray e bin riyul’ e liyor ni susun e ngam pi’ed ngak Got.

Roma 15:16

ni nggu mang ba tapigpig rok Kristus Jesus, ni nggu maruwel ni fan ngak e pi’in gathi yad piyu Israel. Gu be pigpig ni bod rogon ba prist ni gu be machibnag e Thin Ni Bfel’ ni yib rok Got, ni bochan e nge yag ni mang e pi’in gathi yad piyu Israel reb e maligach nib m’agan’ Got ngay, ni fare Kan Nthothup e ke gagiyegnag nge ydorom.

Efesus 5:2

T’ufeg e thangri mang ir e i gagiyegnag e ngongol romed, ni bod rogon Kristus ni gadad ba t’uf rok me pi’ e pogofan rok ni bochdad, nike mang maligach ni bfel’ bon u daken e altar ni ir e mm’agan’ Got ngay.

Filippi 2:17

Racha’eg e sana bay ni pu’og nga daken e maligach ni be pi’ e michan’ romed ngak Got ni ngan pu’og nga daken ni bod ban’en ni kan pi’ ngak Got. Fa’anra nge yan i yodorom, me ere kug felan’, ma ngam uned ngog ni gimed gubin ko felfelan’.

Filippi 4:18

Urngin e tin ni mpi’ed nge yib ngog e ke thap ngog — ma ke gaman ke pag urngin! Ke fek Epafroditus i yib ngog urngin e tow’ath rog ni mpi’ed ngak, ni aram e kefel’ rogog u urngin e tin ug gafgow riy. Pi tow’ath ney e bod e n’en ni bfel’ bon ni yima pi’ ngak Got ni ba maligach ni ba’adag Got ma bfel’ u wan’.