Levitikus 2:4 - Bible Ni Thothup

⁴ Fa’anra flowa nni lith u lan e ba oven e ngam pi’, ma thangar mu ngongliy ni dariy e is riy. Rayag ni nge par ni bogi lof nni ngongliy ko flour ni kan bilig min aruy ko gapgep ni olive ara bogi kek nib gilgith ni kan liyef ko gapgep ni olive.

Levitikus 2:4 Σταυροειδείς Αναφορές

Psalms 22:14

Ma kem’ay gelngig, ni bod e ran ni map’ nga daken e but’. Urngin e yil ko ul ul u dowag nike thil; ma gumircha’eg e bod ba kendel nike ranran.

Exodus 12:8

Re nep’ i n’em e ngan urfiy ufin e pi gamanman nem min th’ag ko flowa ni dariy e is riy nge woldug nib mo’oy.

Exodus 16:31

Me tunguy piyu Israel fithingan e re ggan nem ni manna. Ma re manna nem e bod awochngin e coriander; ba wechwech ma bod lamen e kek nib gilgith nni ngongliy ko honey.

Exodus 29:2

Mag fanay e tin th’abi fel’ e flour ni wheat ndariy e is riy, mag ngongliy boch e flowa ni bay e gapgep ni olive riy, nge boch ndariy riy, nge boch e flowa ni bod e kek nib gilgith ni kan achey e gapgep ngay.

Isaiah 42:1

Be ga’ar SOMOL, “Ba’aray e tapigpig rog ni ku gu pi’ gelngin, ni fa’anem ni gag e kug turguy ni ir e bfel’ u wun’ug. Ku gu suguy ko kan nthothup rog, bayi fek e tin nib yal’uw i yib ngak urngin e nam.

Isaiah 61:1

I SOMOL ni Th’abi Tolang e ke sug nigeg ko Kan Nthothup rok. Ir e mel’egneg me pi’eg nggu wan ni nggu fek e thin ni bfel’ i yan ngak e girdi’ ni gafgow, ni nggu fal’eg laniyan’ e pi’in ke kireban’rad, mu gog ngak e pi’in ka ni fekrad nga reb e nam ni kar kalbusgad, nge pi’in yad bay u kalbus ni bay ni pagrad.

Ezekiel 46:20

me ga’ar, “Irera’ e re gin’en ni nge lith fapi prist e ufin riy ngar pi’ed ni bogi maligach ni fan ko denen ara maligach ni mathang malfith, nge flour ni maligach ni ngan wumnag, ya nge dariy ban’en nib tabgul ni ngan fek i yan ngalan e thal ni wuru’ e yoror ya ra af e girdi’ machan.”

Levitikus 1:11

Ma thangri li’ nge yim’ fare gamanman u ba’ ni lel’och ko fare altar, ma fapi prist e ngar paged e racha’ riy ko fa aningeg i tabthung ko fare altar.

Levitikus 10:12

Me ga’ar Moses ngak Aron nge fa gali pumo’on ni fak ni kar magey gow, ni aram Eleazar nge Ithamar, “Mu feked fare maligach ni grain ni ke’aw ko fapi ggan ni kan pi’ ngak SOMOL ngam ngongliyed e flowa riy ndab ntay e is ngay ngam ked u to’oben fare altar, ya re maligach ney e rib tabgul.

Levitikus 6:17

Thingar dab nlith ni bay e is riy. I SOMOL e nge pi’ ni f’oth rok fapi prist ko fare maligach ni ggan. Rib tabgul, ni bod e maligach ko denen nge maligach ni mathang malfith.

Levitikus 7:12

Fa’anra pi’ be’ ba maligach ni fen e ogmagaer ngak Got, ma thingar ki chagiy ngay reb e gamanman ni maligach, nge ba flowa ni dariy e is riy: ni demturug ko lof nib dib’ag nni ngongliy ko flour ni kan athkuy e gapgep ni olive ngay ara kek nib gilgith ni kan achay e gapgep ni olive ngay ara kek nni ngongliy ko flour ni kan athkuy ko gapgep ni olive.

Numbers 6:15

Ma kag ra pi’ ni maligach ba dug i flowa ni kan lith ndariy e is riy: ni bogi lof nib dub’ag ni kan ngongliy ko flour ni kan athkuy e gapgep ni olive ngay nge yochi kek ni kan achey e gapgep ni olive nga daken, nge maligach ni grain nge wayin ni yigagen.

Matthew 26:38

me ga’ar ngorad, “Taganan’ ni keb ngog e rib ga’ ni be chugur ni nge li’eg. Mpired u roy ngu’um uned ngog ko mood.”

John 12:27

“Chiney e ke magaf lanin’ug — susun e mang e nggog? Gur nge lungug, ‘Chitamag, dab mpag e re awa ney nge yib ngog’? Machane aray fag ni ku gub, bochan e nggu mada’nag e gafgow ni bay u lan e re awa ney.

John 3:34

En ni Got e ke l’oeg ke yib e be weliy e thin rok Got; ya Got e ke pi’ fare Kan ni Thothup rok ngak ni polo’.

Hebrews 7:26

Ere Jesus e ir fare Prist ni Th’abi Ga’ ni ir e rayag ni nge ayuwegdad u urngin ban’en! Ya ir e ba thothup; ni dariy thibngin ma dariy e denen rok; ke fal Got ngabang ni gathi ir reb e pi tadenen ma ke tay ni ir e th’abi tolang u tharmiy.

1 Peter 2:1

Aram fan ni ngam paged urngin mit e kireb; ndab ku um lifithed l’ugunmed, ara um dake moding niged gimed, ara i awan’med ngak be’, ara umogned e thin nib kireb ngak be’!

1 Peter 2:22

Ya dariy e denen ni ngongliy; ma dariy be’ ni rung’ag ta’ab bugithin nde riyul’ ni yib u l’ugun nga but’.