Levitikus 19:5 - Bible Ni Thothup

⁵ “Fa’an gimed ra li’ ba gamanman ni maligach nma gapaseg thilin Got nge girdi’, ma ngam rin’ed gafalngin ni kug pi’ ngomed, mra fel’ u wun’ug e maligach ni ngam pi’ed.

Levitikus 19:5 Σταυροειδείς Αναφορές

2 Kronicles 31:2

Miki ngongliy bayay Hezekiah ni Pilung fare ulung rok e prist nge pi Levite, nu lan e re ulung nem e ra be’ ma bay e maruwel rok ni kanduwgiliy. Pi maruwel ney e bmu’un ngay e maligach ni mo’oruf nge maligach nma gapaseg thilin Got nge girdi’, nge liyor u lan fare Tempel, nge sorok nge magaer ni yad be pining e gubin yang ko fare Tempel.

Exodus 24:5

Ma aram me l’oeg e pagel nu Israel ngar pi’ed e maligach ni ngan urfiy ni polo’, ma ku er rogon nra li’ed e garbaw ni ngan pi’ ni maligach ngak SOMOL, ni fan e nge aw e gapas u thilrad nge Got.

Ezekiel 46:12

“Ngiyal’ ni ba’adag fare pagel ni fak e pilung nma gagiyeg ni nge pi’ ba maligach ngak SOMOL, ni demturug ko ba maligach ni ngan orfeg nib polo’ fa ba maligach nma gapaseg thilin Got nge girdi’, ma fare garog ko ngek ni wub ko thal ni langgin e yoror e ngan bing ngak. Ir e nge ngongliy rogon e maligach nge pi’ ni bod rogon nma rin’ ko Sabbath, ma fare garog e yira ning u tomuren nike thumur nga wean.”

Ezekiel 46:2

Fare pagel ni fak e pilung ni ir e be gagiyeg e nge yan u lan e thal ni wuru’ e yoror nga langgin ba senggil, ni bay u mit e garog nge sak’iy nga charen e rumog ko fare garog u nap’an ni be urfiy fapi prist fapi maligach ni polo’ ni fen, me pi’ fare maligach rok nma gapaseg thilin Got nge girdi’. U rom u langan e garog e thangri meybil riy me sul nga wean. Fare garog e thangri dab nning nge mada’ ko blayal’.

Levitikus 1:3

Fa’anra reb e garbaw rok e nge pi’ ni fare maligach ni mo’oruf, ma thangri fek i yib ba garbaw ni pumo’on ndariy bochyang u downgin nib kireb. Thangri pi’ ni maligach u langan e mab ko fare Tent u p’eowchen SOMOL, ya nge yag ni fel’ fa’anem u wan’ SOMOL.

Levitikus 19:4

“Dab mu pi’ed keru’med ngog ngam tedfan e pi liyos, ma dab mu ngongliyed e pi got ko wasey ngam ted farad. I Gag SOMOL ni Got romed.

Levitikus 19:6

Ufin riy e thingar ni kay e rofen nli’ fare gamanman ara bin migid ngay e rran. Ma ufin riy ni magey nge mada’ ko bin dalip e rran e thingar ni urfiy,

Levitikus 22:19

rogon ni yira fanay, e dabisiy ni ba gamanman ndariy bang u downgin nib kireb.

Levitikus 22:21

Nap’an nra pi’ be’ ba maligach ngak SOMOL ni nge gapaseg thilin Got nge girdi’, ni demturug ko nge lebguy e tin ni micheg ara ba maligach ni ir e leamnag ni nge pi’, ma thangri pi’ ba gamanman dariy bang u downgin nib kireb ni fa’anra nge fel’ u wan’ SOMOL.

Levitikus 22:23

Rayag ni ngam pi’ed ba gamanman ni gathi rib ga’ ma de falfel’ rogon nga ba maligach ni gimed e leam romed ni ngam pi’ed, machane dabi fel’ ni ngan pi’ ni maligach ni labgen ban’en nni micheg ni ngan rin’.

Levitikus 22:29

Nap’an ni ga ra pi’ ba maligach ni fen e ogmagaer ngak SOMOL, mag fol ko pi gam’ing ney, ya nge fel’ u wan’ e maligach rom;

Levitikus 7:16

Fa’anra fek be’ i yib ba maligach ni nge gapas thilin Got nge girdi’ ni micheg nra rin’ fa ba maligach ni ir rok e leam rok ni nge pi’, ma de m’ay ni gubin ko rofen nni pi’ riy, ma tin ke aw riy e ngan kay ko bin migid e rran.

Levitikus 7:18

Fa’anra gaman e dalip fen ngay mu kun kay bang e ufin ko fare maligach, ma dabi fel’ u wan Got fare maligach rok facha’. Ma fare maligach e dab ni thang ko malfith rok, ya ba ta’ay, ma cha’ ni kay bang riy e ra gafgow u wenigan.