Levitikus 19:18 - Bible Ni Thothup

¹⁸ Dabi guy be’ rogon ni nge fulweg taban e kireb ngak be’, ara i par ni be fanenikay fa’anem, ya nge par nib t’uf yugu boch e girdi’ rok ni bod ir nib t’uf rok. I Gag e SOMOL.

Levitikus 19:18 Σταυροειδείς Αναφορές

Genesis 4:23

Me non Lamek ngak gal le’engin ni ga’ar, “Adah nge Zillah, mu telmew ngog: Kug li’ be’ ni kab pagel kem’ ni bochan e i pirdi’iyeg.

2 Samuel 13:22

Ma kari fanenikay Absalom i Amnon nib gel ni bochan e ke kol u gelngin fare pin ni walagen i Tamar, ni mus ni nge non ngak ma dakir yag.

2 Samuel 13:28

me yog ngak e pi tapigpig rok ni ga’ar: “Mu fal’eged i yaliy Amnon ko ngiyal’ nike yo’or ban’en nike unum, ma aram e nap’an ni gu ra pi’ e thin nge yib, min thang e fan rok. Dab murusgad. Ya gag e bay gu fek malngin. Mu cheag niged gimed ma dab mu tuntun gad!”

Psalms 103:9

Der ma par ni yugub puwan’; ma der ma par nib damumuw ni dariy n’umngin nap’an.

Exodus 20:16

“Dab mu t’ar e thin nga daken be’.

Proverbs 20:22

Dab mu tay nga lanin’um ni ngam fulweg taban e kireb. Mu pagan’um ngak SOMOL ya ir e ra fal’eg nge fel’.

Levitikus 19:34

Ngongol romed ngorad e nge bod rogon e ngongol romed ngak e girdi’ nu Israel, ngar t’ufgad romed ni bod fanmed t’uf romed. Dab mu paged talin ni um pired u Egypt ni gimed girdi’en yugu reb e nam. I Gag fare SOMOL ni Got romed.

Matthew 19:16

Bay ba ngiyal’ ni yib be’ nib mo’on ngak Jesus me fith ni ga’ar, “Tamchib, mang e ren’en ni bfel’ nthingar gu rin’ me yag e yafos ndariy n’umngin nap’an ngog?”

Matthew 19:19

mu liyor ko chitamam nge chitinam; ma gin’en ni ga bay riy e nge t’uf rom e en ni ir e mmigid ngom ni gowe gur.”

John 13:34

Nggu pi’ reb e motochiyel nib be’ech ngomed, nge bigimed me t’uf bigimed rok. Rogon ni um pired ni gimed ba t’uf rog, e aram rogon nthingar um pired nra bigimed ma ba t’uf rok bigimed.

Acts 16:28

Machane me tolul Paul ni ga’ar, “Dab mmaad’ad ngom; ya gamad gubin ni ka gamad ba’aray.”

Roma 12:17

Fa’anra rin’ be’ ban’en nib kireb ngomed, ma dab mu sulweged taban ngak nib kireb. Mu guyed rogon ngam rin’ed e tin nma finey urngin e girdi’ ni ir e bfel’.

Roma 12:19

Pi tafager rog, dab mu fulweged ngak be’ taban e kireb ni rin’ ngomed, machane ngam paged fan ko damumuw rok Got nge mang ir e rin’. Ya be yog e babyor nib thothup ni be ga’ar, “Be ga’ar Somol, ke milfan ngog, ni gag e bay gu fulweg taban e kireb.”

Roma 13:4

Ya ir e tapigpig rok Got ni be maruwel ni fan ngom. Ma fa’anra mu rin’ e tin nib kireb, me ere mu tamdag ngak, ya ri bay gelngin nrayag ni nge gechig nigem. Ya ir e tapigpig rok Got nma gechignag e pi’in ke damumuw Got ngorad ni bochan e yad be rin’ e kireb.

Roma 13:9

Fapi motochiyel e ke ga’ar, “Dab mu pirew be’ ni gathi mabgol rom; dab mu li’ be’ ngem’; dab mmoro’ro’; dab mu chogow” — urngin e tiney nge tin kabay e kan ulunguy nga fithik’ ta’reb e motochiyel ni be ga’ar, “Demturug e gin’en ni ga bay riy ma nge t’uf rom e en nib migid ngom ni gowe gur.”

Galatia 5:14

Ya re Motochiyel nem ni polo’ e kan puthuy nga ta’bang ke yan i par nta’reb e motochiyel ni ba’aray ni ga’ar: “Demturug e gin’en ni ga bay riy ma ngam t’ufeg e cha’ ni ir e mmigid ngom ni gowe gur.”

Galatia 5:20

nge tayfan nge meybil ngak e liyos nma meybil boch e girdi’ ngay, nge pig; nge tathil ni be tay e girdi’, nge cham ni yad be tay, nge awan’, nge damumuw, nge athamgiliy ban’en ni fan e gur fa’anem e nganog e sorok ngom. Ma yad be wear ngar yuraba’gad ara ra yu’ulunggad;

Efesus 4:31

Mu n’iged fan u wun’med urngin ban’en nib kireb nike aw nga lanin’med, nge tin kam dabuyed rok be’, ma dab ku um damumuwgad. Dab ku um tolulgad ngak be’ u fithik’ e damumuw ara umogned e thin nib kireb ngak be’! Dab ku um fanenikayed be’!

Deuteronomy 32:25

Mael e bayi li’ e girdi’ ngarm’ad u lan e yupa’ i kanawo’; marus ni tinowey e bayi aw ngalan e pi tabnaw. Pagel nge rugod e bay ram’ad; mus ko bitir ni kabran nge pilibthir ni dariy bagyad nra magach.

Deuteronomy 32:35

I SOMOL e bayi fulweg taban ngorad nge gechig nagrad; bayi taw ko ngiyal’ ni ngar mulgad, rofen ni ngan thirifrad u but’ e be chugur.

Kolose 3:8

Me ere chiney e thingar mpaged urngin e pin’ey: ni aram e damumuw, nge ar’ar nib kireb, nge fanenikan. Thangri dabi yib bbugithin u l’ugunmed nga but’ nra kirebnag laniyan’ be’ ara bbugithin nib puwlag.

Hebrews 10:30

Ya gadad manang fa’anem ni ga’ar, “Bay gu fulweg taban e kireb, bay gu sulweg puluwon”; me ir e ki ga’ar, “I Somol e bayi pufthinnag e girdi’ rok.”

James 2:8

Ra um rin’ed e tin nib mat’aw ni fa’anra um folgad ko fare motochiyel ko gagiyeg nu tharmiy ni fa’ani bay u lan e babyor nib thothup ni be ga’ar, “Gin’en ni ga bay riy e nge t’uf rom e en nib migid ngom ni gowe gur.”

1 Peter 2:1

Aram fan ni ngam paged urngin mit e kireb; ndab ku um lifithed l’ugunmed, ara um dake moding niged gimed, ara i awan’med ngak be’, ara umogned e thin nib kireb ngak be’!

1 John 4:21

Ere ba’aray e n’en ni yog Kristus ni ngad rin’ed ni ga’ar: en nib t’uf Got rok e ku errogon nthingari t’uf rok walagen ni girdi’en Kristus.