Levitikus 19:10 - Bible Ni Thothup

¹⁰ Ma dab kum sulod nga fithik’ e woldug romed ni grape ngam kunuyed wom’ngin nda ni guy ngan t’ar ara mfeked e tin ni mul nga but’; ya ngam paged nge kay e girdi’ ni gafgow nge girdi’ u bang ni be par u fithik’med, ya Gag e SOMOL ni Got romed.

Levitikus 19:10 Σταυροειδείς Αναφορές

Isaiah 17:6

Kemus ni in e girdi’ e ra magach nib fos’, yu Israel e bayi bod ba ke gek’iy ni olive ni gubin wom’ngin ni kant’ar min pag l’agruw ara dalip u tamal’gin, ara nni pag in ko yupa’ ni sobut’ u papa’ngin. I Gag, SOMOL ni Got rok yu Israel e gu be non.”

Isaiah 24:13

Irera’ e n’en nra buch ko gubin e nam u ga’ngin yang u fayleng. Ra bod tomuren e mat’ar wom’ngin e woldug, u nap’an ni kan tet’ar nga but’ gubin kaen e yu ke gek’iy ni olive nge tin tomur u wom’ngin e grape nni t’ar.

Jeremiah 49:9

Nap’an nra kunuy e girdi’ e grape, miyad pag in u papa’ngin, ma nap’an nra yib e mororo’ nnep’ miyad fek e tin yad ba’adag riy.

Levitikus 11:44

I Gag SOMOL ni Got romed, ere thingar mu ted gimed ni gimed ba tabgul, ni bochan e gub thothup.

Levitikus 19:11

“Dab mu moro’ro’gad ara mu ban niged be’, ara mu lifithed l’ugunmed.

Levitikus 19:25

Ma bin lal e duw e rayag ni ngam ked wom’ngin. Fa’an gimed ra rin’ ni ara’ rogon, me yib wom’ngin ni pire’. I Gag e SOMOL ni Got romed.

Levitikus 19:9

“Fa’an gimed ra kunuy wom’ngin e woldug romed ko yungi flang, ma dab mu th’abed e grain riy nge mada’ nga marichlen e yungi flang, ma dab mu sulod ngam th’abed tamal’gun e grain nike magey.

Levitikus 23:22

Fa’an gimed ra t’ar wom’ngin e woldug romed, ma dab mu th’abed e grain ni bay u marichlen e milay’ romed, ma dab mu sulod ngam th’abed e grain ni mpaged; ngam paged nge kay e girdi’ ni gafgow nge girdi’ u yugu boch e nam ni yad be par u fithik’med. I SOMOL e Got romed.

Levitikus 25:6

Yug aram rogon ni da ni wolduguy e but’ ko re duw nem, ma ra pi’ e ggan ni fan ngomed, nge pi sib romed, nge pi’in yad be maruwel romed, nge pi girdi’ nu boch e nam ni yad be par romed,

Obadiah 1:5

“Fa’anra yib e pi moro’ro’ nnep’, ma kemus ni tin yad ba’adag e yad ra fek. Nap’an nra kunuy e girdi’ e grape, ma gubin ngiyal’ ni yad ma pag buchu’uw. Machane pi to’ogor rom e kar feked rom ni gubin.

Mikah 7:1

Kari math e liyab! Ya kug bod be’ nike yim’ ko bilig nder pir’eg wom’ngin e gek’iy ni yima kay nike magey u l’ugun e gek’iy, ma ku er i tay wom’ngin e grape ni dariy. Urngin e grape nge urngin wom’ngin e fig nib fel’ lamen e kan t’ar.

Deuteronomy 24:19

“Nap’an ni gimed ra kunuy wom’ngin e woldug romed mi gimed pag talin boch u milay’ ni ka mmu’gad i th’ab, ma dab ku mu sulod ngay; ngan pag ni fan ngak e milekag, nge pi’in kanim’ rorad, nge pi’in nike yim’ figirngirad, ma SOMOL ni Got romed e bayi fal’eg wa’athmed u gubin e tin bay mu rin’ed.

Deuteronomy 24:20

Gimed ra mu’ i t’ar wom’ngin e olive romed ma dab kum sulod ngam t’ared e tin ke magey; ya nge par ni fan ko milekag, nge pi’in kanim’ rorad, nge pi’in nike yim’ figirngirad.

Deuteronomy 24:21

Gimed ra mu’ i kunuy wom’ngin e grapes romed, ma dab kum sulod ngam kunyed e tin ke magey, ya nge mil fan ngak e milekag, nge pi’in kanim’ rorad, nge pi’in nike yim’ figirngirad.

Judges 8:2

Machane me ga’ar ngorad, “N’en ni kug rin’ e dabi ta’reb rogon ko tin kam ngongliyed. Chu’uw ni kam ngongliyed e girdi’ nu Efraim e ka ba ga’ fan nga urngin e tin ke ngongliy e karog e girdi’ ni polo’.

Ruth 2:2

Me ga’ar Ruth ngak Naomi, “Mu pageg nggu wan nga milay’ nggu kunuy wom’ngin e barley nike pag girdi’en e maruwel ndar feked. Gu manang nra gu pir’eg reb e mo’on nra pageg nggu maruwel rok.” Me fulweg Naomi ni ga’ar, “Fakag, mman.”