Levitikus 18:26 - Bible Ni Thothup

^26-27 Ra ngongliyed urngin e pin’ey nib sonogor ngar ta’ay niged fare nam, machane gimed e thingar dab mu rin’ed e pin’em. Gimed gubin ndemturug ko gimed piyu Israel ara girdi’ nu bang ni yad be par u fithik’med nthingar mu folgad ko fapi motochiyel rok SOMOL nge tin keyog ni ngan rin’,

Levitikus 18:26 Σταυροειδείς Αναφορές

1 Kings 14:24

Ma n’en nth’abi kireb riy, e immoy e pumo’on nge ppin ni yad ma pi’rad ni nchuway’ ko yungi n’em ni tagil’ e tayfan ngak yug boch e got. Girdi’ nu Judah e ur rin’ed urngin e pin’en nib tamra’ ni i rin’ e girdi’ nike tulufrad SOMOL nga wuru’ fare nam nnap’an ni be yib yu Israel i yib nga langgin.

Levitikus 17:10

Fa’anra kay be’ nu Israel ara be’ u bang nma par u fithik’ yu Israel e ufin ni kabay e racha’ u fithik’, mra togopluw SOMOL ngak ma dabki tay fa’anem ni reb e girdi’ rok.

Levitikus 17:8

Demturug be’ nu Israel ara yug be’ u reb e nam ni be par u fithik’ piyu Israel nra pi’ ba maligach ni mo’oruf ara yug reb e maligach,

Levitikus 18:25

Pi ngongol rorad nem e ta’aynag fare nam, ma aram me gechignag SOMOL fare nam, me gagiyegnag nge par fare nam ni be tharbog e girdi’ ni be par riy.

Levitikus 18:30

Me ga’ar SOMOL, “Ere mu folgad ko tin kugog ni ngam rin’ed ma dab mu’uned ko ngongol rok e girdi’ ni ur pired ko re nam ney ni yad mm’on romed, ma dab mu ta’ay niged gimed ni fan e kam rin’ed reb e pin’ey. I Gag SOMOL ni Got romed.”

Levitikus 18:5

Mu folwokgad ko tin kug duwgiliy ni ngu’um rin’ed nge pi motochiyel ni kug pi’ ngomed; gimed ra rin’ ni aray rogon migmed par ni dabi buch banen romed. I Gag SOMOL.”

Luke 11:28

Machane me fulweg Jesus ni ga’ar, “Ri kab felan’ e pi’in kar rung’aged e thin rok Got ma kar pired ni yad be fol riy!”

Luke 8:15

Ma awoch ni wear nga daken e but’ nib yong’ol e be yip’ fan e pi’in nrung’aged e thin rok Got miyad tay u lanin’rad ngu’ur folgad riy me par rorad nge yib wom’engirad.”

John 14:15

“Fa’an gu ra t’uf romed, ma gimed ra fol ko tin kug ta’chiylen ngomed.

John 15:14

Ma gimed e pi tafager rog, ni fa’an gimed ra rin’ e tin kug ning chiylen ngomed.

Deuteronomy 12:32

“Mu rin’ed urngin e tin kugog ngomed ni ngam rin’ed; ndab mon’ed ban’en ngay ara mu chuweged reb riy.

Deuteronomy 4:40

Um folgad u urngin e pi motochiyel rok ni kug pi’ ngomed e daba’, ma aram e gimed nge pi’in ni bay ra bad ni owchemed e yugu bay um pired ni bfel’ rogomed mu’um pired u lan e re nam nem ni SOMOL ni Got romed e nge pi’ ngomed ngam tafnayed ni dariy n’umngin nap’an.”