Levitikus 18:25 - Bible Ni Thothup

²⁵ Pi ngongol rorad nem e ta’aynag fare nam, ma aram me gechignag SOMOL fare nam, me gagiyegnag nge par fare nam ni be tharbog e girdi’ ni be par riy.

Levitikus 18:25 Σταυροειδείς Αναφορές

1 Kings 21:26

Ya ke ngongliy e tin th’abi kireb e denen, be tayfan ma be meybil ko liyos ni bod e pi Amorite, fa’an ni tulufrad SOMOL ngar chuwgad me tafnay yu Israel taferad.)

Ezra 9:11

u daken e pi tapigpig rom, ni bogi profet. Rogned ngomad ni fare nam ni nggu pired riy e ba nam nib alit ni bochan e pi girdi’ ni urpired riy e ka ra suguyed fare nam u baley nge mada’ nga baley ko pi ngongol rorad nib sonogor mab alit.

Psalms 106:38

Ra li’ed fapi bitir ni dariy e n’en ni kar bucheged, nge ta’ay fare but’ ko mathang pogofan ni un tay riy.

Psalms 89:32

ma aram e bay gu gechig nagrad ni bochan e denen rorad; bay gu pagrad ngar gafgowgad ni bochan e kireb rorad.

Isaiah 24:5

Girdi’ e ka ra alit niged e fayleng ni bochan e yad be th’ab e motochiyel rok Got miyad be kirebnag fare m’ag ni ngongliy ni nge par ni manemus.

Isaiah 26:21

I SOMOL e be yib u tharmiy ko gin ma par riy ni nge gechignag e girdi’ nu fayleng ko pi denen rorad. Pi mthang pogofan ni un rin’ nib mith u roy u fayleng e ra m’ug, ma but’ e dabki mithag e pi’in nthang e pogofan rorad.

Jeremiah 14:10

I SOMOL e be weliy murung’agen e pi girdi’ ney ni be ga’ar, “Yad ba’adag ni ngar milgad rog, ma dabiyag rorad ni ngar gagiyeg nigedyad. Ere der felan’nug ngorad. Bay gu tay uwan’ug e kireb rorad mu gu gechig nagrad ni bochan e denen rorad.”

Jeremiah 16:18

Bay gu ruw yay nag taban e denen rorad ni nge aw ngorad nge farad kireb, ni bochan e ka ra ta’ay niged e nam rog ko pi liyos ni dariy e yafos riy ni bod e yam’, ni ka ra sugyed ko pi got rorad ni go’ bogi ban’en.”

Jeremiah 2:7

Mu gu fekrad i yib nga ba nam nib yong’ol e but’ riy; ni ngar felan’gad ko woldug riy nge tin ni bfel’ ban’en ni bay riy. Machane fa’an rabad miyad kirebnag e nam rog; ya ka ra sonogor niged fare nam ni gu pi’ ngorad.

Jeremiah 23:2

Irera’ e n’en ni SOMOL, ni ir e Got nu Israel, e be yog ni murung’agen e pi’in yad be gagiyeg ni yad e ngu’ur ayuweged e girdi’ rok ni be ga’ar, “Kam wereged e girdi’ rog ka ra weargad; da um ayuweged yad. Ere bay gu gechig nagmed ni bochan e pi kireb ni ka mu ngongliyed. I Gag SOMOL e kugog e pi thin ney.

Jeremiah 5:29

“Machane i gag SOMOL e bay gu gechig nagrad ni bochan e pin’ey; Bay gu fulweg taban ko re nam nem.

Jeremiah 5:9

Ere mang ni dab gu gechig nagrad ko pin’ey nggu togopluw nga ba nam ni aray rogon’?

Jeremiah 9:9

Gur dab gu gechig nagrad ni fan e pin’ey? Gur dab gu falbayen ba nam ni aray rogon? I Gag SOMOL e gu be non.”

Hosea 2:13

Bay gu gechignag ni bochan fa yu ngiyal’ i n’em ni i par nike pag talig, ni fa yu ngiyal’nem ni fa’an i urfiy e incense ngak Baal me nunuw nge lol’oeg pi ilingen. I SOMOL e keyog e pi thin ney.

Hosea 8:13

Yad be pi’ e maligach ngog miyad be kay e ufin ko fapi maligach. Machane i Gag SOMOL e darir fel’gad u wun’ug, are chiney e bay yib ngan’ug e kireb rorad, mug gechig nagrad ni fan ko denen rorad; bay gu fulwegrad bayay nga Egypt!

Hosea 9:9

Dakriy gam’ingrad nga bang nga farad kireb ko n’en ni yad be rin’, ni bod ni ur rin’ed u Gibeah. Bayib e denen rorad ngan’ Got me gechig nagrad ni bochan.

Levitikus 18:26

Ra ngongliyed urngin e pin’ey nib sonogor ngar ta’ay niged fare nam, machane gimed e thingar dab mu rin’ed e pin’em. Gimed gubin ndemturug ko gimed piyu Israel ara girdi’ nu bang ni yad be par u fithik’med nthingar mu folgad ko fapi motochiyel rok SOMOL nge tin keyog ni ngan rin’,

Levitikus 18:28

ma aram e dabi therbogmed fare nam, ni bod nike thirif e pi’in ur pired riy ni yad mm’on romed.

Roma 8:22

Gadad manang ni urngin e tin ke sunumiy Got e be gel’gel’ ko amith ni bod rogon e amith ko gargel, ni kab kakrom i yib ke mada’ ko chiney.

Deuteronomy 18:12

Ya SOMOL ni Got romed e ba fananikan e girdi’ nma ngongliy e mitney e ngongol nib sonogor, ya aram fan ni be tuluf SOMOL fa pi nam nga wuru’ e gin gimed be yan ngay.

Deuteronomy 21:23

ma dab ni pag u rom nge af nga reb e rran. Thingar ni k’eyag ni ka rofen nem, ni bochan e ba yam’ ni kan tining ngalang ko ren e ra fek i yib nga daken e binaw e buchwa’athan rok Got. Ere mu k’eyeged fare yam’, ya nge dab mu ta’ay niged fare nam ni bayi pi’ SOMOL ni Got romed ngomed.

Deuteronomy 9:5

Gathi bochan e gimed bfel’ ma gimed be rin’ e tin nib mat’aw e aram fan ni nge pagmed SOMOL ngam marod nga taferad. Bayi tulufrad ni bochan e yad ba kireb, ma ke leamnag ni nge tay u gil’ e tin ni micheg ngak pi chitamangimed ni kakrom, ni aram Abraham nge Isak nge Jakob.