Levitikus 17:5 - Bible Ni Thothup

⁵ Fan e biney e motochiyel e fapi girdi’ nu Israel e thingar rfeked i yib ngak SOMOL fapi gamanman ni ur li’ed u lan e tafelfel’. Thingar ra feked i yib ngak e prist nga langan e mab ko fare Tent ngar li’ed fapi gamanman ni bod e maligach nma gapasnag thilin Got nge girdi’.

Levitikus 17:5 Σταυροειδείς Αναφορές

Genesis 21:33

Me yung Abraham ba ke gek’iy ni tamarisk u lan yu Beersheba, ni aram e gin’en ni i meybil ngak SOMOL riy, ni fare Got ni manemus.

Genesis 22:13

Me chachangar Abraham me guy ba saf ni pumo’on nike mit e gagey rok u fithik’ i papa’ngin bochi ke gek’iy. Me yan i kol, nge urfiy nge pi’ ni maligach ma daki pi’ fak ni maligach.

Genesis 22:2

Me ga’ar Got, “Mu fek fare pagel ni fakam ni Isak, ni kari maagirag rom, ma bt’uf rom, ngam marow ko fa gi binaw ni Moriah. U daken bburey ni bay fini gu dag ngom, u rom e ir e thingar mu li’ riy ma ga urfiy ngam pi’ ni maligach.”

Genesis 31:54

I li’ ba gamanman, ni ir e mang maligach rok u daken e burey, me pininge girdi’ rok ko abich, ma nap’an ramu’gad ko abich, miyad par e re nep’ i n’em u rom u daken fare burey.

1 Kings 14:23

Ra ngongliyed tagil’ e tayfan ngak boch e got ni go’ bogi ban’en, miyad n’uf yugaf i malang nge bogi pow rok Asherah ni ngu’un tayfan u daken yochi burey ngu tanggin yuke gek’iy nib taglul’.

1 Kings 3:2

Girdi’ e yad be pi’ e maligach u daken yungi n’en nib tolang, ni bochan e dariy reb e naun ni kan toy ni fan nga fithingan SOMOL.

1 Kings 3:3

Solomon e ba t’uf SOMOL rok, ma i fol ko thin rok David ni chitamngin, machane ki i pi’ e gamanman ni maligach miki i urfiy e incense ko yungi n’en nib tolang.

2 Kings 16:4

I pi’ Ahaz e pi maligach mi i urfiy e incense ko yungi tagil’ e meybil u daken e yochi burey, nge tanggin gubin yang e taglul’ ko yuke gek’iy.

2 Kings 17:10

U daken urngin yang e ted ngu tanggin urngin kaen e gek’iy nib taglul’ ni kar n’ufed e yu raba’ i malang riy ngalang nge bogi liyos ni ya’an fare got ni bpin ni Asherah,

2 Kronicles 28:4

Ma yungi tagil’ e tayfan rok e pi’in ndar nanged Got u daken e yungi ted ngu tan gubin kan e gek’iy nib taglul’ ni i pi’ Ahaz e pi maligach riy ma be urfiy e pi incense riy.

Exodus 24:5

Ma aram me l’oeg e pagel nu Israel ngar pi’ed e maligach ni ngan urfiy ni polo’, ma ku er rogon nra li’ed e garbaw ni ngan pi’ ni maligach ngak SOMOL, ni fan e nge aw e gapas u thilrad nge Got.

Ezekiel 20:28

Gu fekrad i yan ko fare nam ni gu micheg ni bay gu pi’ ngorad. Nap’an ni rguyed e burey ni totolang nge gek’iy nib galunglung miyad pi’ e maligach ko yungi n’em. Miyad k’aring e damumuw ngog ko maligach ni yad be urfiy nge wayin ni yad be fek i yib ni maligach.

Ezekiel 22:9

Boch e girdi’ romed e be gathibthibnag ma be t’ar e thin nga daken boch e girdi’ ya ngan thang e pogofan rorad. Ma bochi yad e be kay e pin’en ni kanpi’ ni maligach ko liyos. Ma boch i gimed e gubin ngiyal’ ni yad be gay e chum’er, ni nge gamen e tin yad be ar ar nag.

Ezekiel 43:27

Nap’an nra m’ay fare wik, ma fapi prist e ngar pi’ed u daken fare altar e maligach ni mo’oruf nge maligach ni nge gapaseg thilin Got nge girdi’. Ma aram e bay i felan’ug ngomed ni gimed gubin. I Gag fare SOMOL ni Th’abi Tolang e kugog e pi thin ney.”

Ezekiel 44:15

I SOMOL ni Th’abi Tolang e ga’ar, “Fapi prist ko ganong rok Levi ni yad owchen Zadok, e ur pared ni yad ba yul’yul’ ko pigpig ngog u lan e Tempel ko ngiyal’ ni ba’aram ni tin kabay e girdi’ nu Israel e kar pi’ed keru’rad ngog. Ere chiney e yad e picha’ ni ngu’ur pigpiggad ngog miyad be yib nga p’eowcheg ngu’ur pi’ed e mam nge racha’ ko fapi maligach ngog.

Levitikus 17:6

Ma fare prist e nge pag e racha’ nga l’agruw raba’ fare altar u langan e mab ko fare Tent me urfiy e mam ni nge wereg bon gol’ochngin ni rib fel’ u wan’ SOMOL.

Deuteronomy 12:2

Re nam nem ni ngam koled, e ngam kireb niged e yungi n’en nma yan e girdi’ ngay ngu’ur meybilgad ngak e pi got rorad, ni yungi n’em e bay u daken e pi burey nib tolang, nge yochi burey, nge tanggin yu ke gek’iy nib yo’or yuwan.