Levitikus 17:12 - Bible Ni Thothup

¹² Aram fan nike yog SOMOL ngak e girdi’ nu Israel nge girdi’ nu bang ni yad be par u fithik’rad ndab ra ked e ufin ni kabay e racha’ u fithik’.

Levitikus 17:12 Σταυροειδείς Αναφορές

Exodus 12:49

Re motochiyel ney e ta’reb rogon ngak e pi’in ni gargelegrad u Israel nge pi’in nu bang ni yad be par u fithik’med.”

Ezekiel 33:25

“Mu weliy ngorad e tin Gag SOMOL ni Th’abi Tolang gu be yog ni be lungug: Gimed be kay ufin e gamanman nda mpaged e racha’ riy nge lul nge m’ay’. Gimed be meybil ko liyos nma meybil yugu boch e girdi’ ngay. Gimed be thang e pogofan. Uw rogon ni gimed be leamnag ni re nam ney e ke mil suwon ngomed?

Levitikus 17:11

Yafos ko gubin ban’en nib fos e bay u fithik’ e racha’ riy, ma arfan ni SOMOL e keyog ni urngin e racha’ ma ngan pu’og nga daken fare altar ni nge chuweg e denen ko girdi’. Racha’, ni ir e yafos, e ma chuweg e denen.

Levitikus 17:13

Fa’anra kol be’ nu Israel ara be’ nu bang nma par u fithik’ yu Israel ba gamanman fa ba arche’ nib be’ech, ma thangri pu’og racha’en nga but’ me tharay ko but’.

Levitikus 3:17

Thangri par nib motochiyel ni gubin e mfen u gubin yang ni gimed ra par riy, ndab mu koyed e mam nge racha’.