Levitikus 16:7 - Bible Ni Thothup

⁷ Me fek fa gali kaming nga langan e mab ko fare Tent u p’eowchen SOMOL.

Levitikus 16:7 Σταυροειδείς Αναφορές

Levitikus 1:3

Fa’anra reb e garbaw rok e nge pi’ ni fare maligach ni mo’oruf, ma thangri fek i yib ba garbaw ni pumo’on ndariy bochyang u downgin nib kireb. Thangri pi’ ni maligach u langan e mab ko fare Tent u p’eowchen SOMOL, ya nge yag ni fel’ fa’anem u wan’ SOMOL.

Levitikus 16:6

Som’on e nge pi’ Aron ba garbaw ni pumo’on nge mang maligach ni nge chuweg e denen rok nge denen ko girdi’ nu tabinaw rok.

Levitikus 16:8

U rom e nge girengiy e pow u l’agruw i malang, ni reb e bay e pow riy ni “fen SOMOL” ma reb e “fen Azazel.”

Levitikus 4:4

Thangri fek i yib fare garbaw nga langan e mab ko fare Tent, me tay pa’ nga daken lolgen, min li’ nge yim’ u p’eowchen SOMOL.

Matthew 16:21

Ngiyal’ nem i yan ngam’on e yog Jesus ngak pi gachalpen nib tamilang ni ga’ar, “Thingar gu wan nga Jerusalem ngar ug gafgow rok e pi’in pi’ilal, nge pi tolang ko prist, nge pi tamchib ko Motochiyel. Bay nli’eg nggum’, ma chirofen nra man e dalip e rran ngay e bay ni fasegeg ko yam’.”

Roma 12:1

Ere pi walageg, bochan e ri be runguydad Got, ma aram fan ni nggu wenig ngomed ni ngam pi’ed gimed ngak Got, ngam manged maligach nib fos ngak, ni kam pi’ed gimed ko maruwel rok ma gimed bfel’ u wan’. Ireray e bin riyul’ e liyor ni susun e ngam pi’ed ngak Got.