Levitikus 16:12 - Bible Ni Thothup

¹² ma nge fek baraba’ i fen e nifiy nib sug ko kol ni be yik’ nni fek u altar nge l’agruw gogow i incense nge fek i yan ngalan fa Gin Th’abi Thothup.

Levitikus 16:12 Σταυροειδείς Αναφορές

Exodus 31:11

nge fare gapgep ni fen e mathiy, nge fare incense ni bfel’ bon ni fen fa Gin nib Thothup. Pin’ey e ngan ngongliy ni bod rogon ni kugog ngom.”

Exodus 37:29

Miki ngongliy fare gapgep ni fen e mathiy ni nge tabgul nigey, nge incense ni bfel’ bon, ni yima athkuy ni bod e florida.

Levitikus 10:1

Nadab nge Abihu ni l’agruw i pagel ni fak Aron e ra bagyow me fek e ba’ rok e pan nma par e nifiy u langgin nge af e kol ni be yik nga langgin, miyow uneg e incense ngay, ngar pi’ew nib maligach ngak SOMOL. Machane re nifiy ney e de thothup, ya dawori yog SOMOL ni ngar pi’ew e maligach ngak ni aray rogon.

Numbers 16:18

Ere gubin fapi pumo’on nra feked e yu raba’ i fen e fek nifiy rorad ngar afed e nifiy nga langgin miyad tay e incense nga daken, miyad sak’iy nga langan e mab ko fare Tent ni yad Moses nge Aron.

Numbers 16:46

me ga’ar Moses ngak Aron, “Mu fek fa raba’ i n’en rom ni fen e fek nifiy ngam af e nifiy u daken e altar nga langgin, ma ga af boch e incense nga langgin. Ma ga papey nigem ngam fek i yan ngak e pi girdi’ nem ngam fal’eg bangbengin e machalbog ni fan ngorad. Mu pay nigem! Ya ke pu’og SOMOL e damumuw rok ke tabab e liliy ni yibe yim’ riy.”

Deuteronomy 33:10

Bay ra filed ngak e girdi’ rom ni ngu’ur folgad ko pi motochiyel rom; bay ur pi’ed e maligach ngom u daken e altar rom.

Hebrews 9:14

Ere fa’anra ireray rogon nib riyul’ e re bugithin ney, me ere ka ba ga’ e tin ni ngongliy racha’en Kristus! Ya fare Kan Nthothup ni bay i par ndariy n’umngin nap’an e ayuweg nge pi’ ir ni maligach ni bfel’ ngak Got. Racha’en e ir e ra be’echnag lanin’dad ko ngongol ndariyfan, nge yag nda pigpiggad ngak fare Got ni be par nib fos.

Hebrews 9:7

machane kemus ni Prist ni Th’abi Ga’ e be yan ngalan e bin tomur e senggil ko tent, nma rin’ ni aram rogon nra reb e duw ma ta’ab yay. Ma fek e racha’ nge yan i pi’ ngak Got ni fan ko denen rok nge fan ko denen nike ngongliy e girdi’ ndar nanged ni yad be denen.

1 John 1:7

Machane fa’anra ud pired u fithik’ e tamilang — ni bod ir ni bay u fithik’ e tamilang — ma aram e kad ta’ab girdi’gad nike ta’reban’dad, ma racha’en Jesus ni Fak e ir e be be’ech nagdad u urngin e denen rodad.

Revelation 8:5

Me fek fare engel fare raba’ i n’en ni yima af fa pin’en ni bfel’ bon ngay nge suguy ko nifiy nu altar, me yin’ nga daken e fayleng. Me chub e dirra’, me yan lingan bogi ban’en, me matmat e uluch, me yib ba durru’.