Levitikus 15:12 - Bible Ni Thothup

¹² Ma demturug e re th’ib nni ngongliy ko but’ nra math fare mo’on ngay ni be lul’ logwen dow ma thingar ni bilig fare th’ib, ma demturug e re dabiy nni ngongliy ko ren nra math ngay ma thingar ni maluknag.

Levitikus 15:12 Σταυροειδείς Αναφορές

Psalms 2:9

Bay mu gagiyeg nagrad nga pa’am nib wasey; bay mu bilbiligrad nnochiyang ni bod ba th’ib ni but’.’”

Proverbs 1:21

ma be pong ni ba ga’ laman u langan e pi garog ko binaw, ngu gubin yang nike mu’ulung e girdi’ ngay.

Proverbs 1:23

Mu telmed ngog ko ngiyal’ ni gu ra puwan’ ngomed, ya ra gu pi’ e fonow ni bfel’ ngomed, mu gu pi’ ngomed e tin gu manang.

Proverbs 3:21

Fakag, mu chichi’iy pa’am ko gonop rom nge nangan’. Dariy e ngiyal’ ngam pithig pa’am riy nge chuw rom.

Levitikus 15:11

Fa’anra fare mo’on ni be lul’ logwen dow e de maluknag pa’ nsom’on me math ngak be’, ma facha’ nike math ngak e thangri maluknag e mad rok miki maluk, me par nib ta’ay nge mada’ ko blayal’.

Levitikus 6:21

Yira athkuy e gapgep ngay min lith u lan e griddle nge mu’ min din’uf nge m’ingm’ing mi ni pi’ ni bod ba maligach ni grain, ni bon e bm’ag u wan’ SOMOL.

Levitikus 6:28

Ma re th’ib ni but’ ni yira dulnguy ufin e re gamanman ni maligach ney u langgin e yira mu’ riy ma thingar ni bilig. Ma fa’anra ba th’ib ni wasey e ndulnguy u langgin, ma yira mu’ riy ma thingar ni gichiy min luknag ko ran.

2 Korinth 5:1

Ya gadad manang nre tent ney ni gadad be par u lan — ni aram e re dowef rodad ney nu fayleng — e nap’an nra puth, ma bay e naun rodad u tharmiy ni ngdarod da pired ngalan, nib naun ni Got e ke ngongliy, ni bay i par ndariy n’umngin nap’an.

Filippi 3:21

ni bayi piliyeg dowdad nib me’waer mra yim’ nge bodnag downgin nib galgal ram’en, ni aram e ke maruwel nga gelngin ni ir e nge suwey urngin ban’en u daken.