Levitikus 14:8 - Bible Ni Thothup

⁸ Ma facha’ ni yibe be’echnag e nge luknag e mad rok, me puy piyan lolgen ni urngin, me maluk; ma aram e ke be’ech. Ma aram e rayag ni nge sul nga langgin e gin yibe par riy, machane thingari par u wuru’ e tent rok ni medlip e rran.

Levitikus 14:8 Σταυροειδείς Αναφορές

2 Kronicles 26:21

Me par Uzziah ni Pilung nnum’ngin nap’an e yafos rok nib ta’ay ni bochan e re m’ar rok nem. Ma dakiyag ni yan bi’id ngalan fare Tempel, mi i par u lan e naun rok, ni da ki rin’ urngin e pi maruwel rok, ma ngiyal’nem e Jotham nib mo’on ni fak e i gagiyegnag fare nam.

Exodus 19:10

Me ga’ar SOMOL ngak Moses, “Mman ngak e girdi’ ngamog ngorad ngar be’ech nigedyad e daba’ nge gabul ni fan ko liyor. Thingar ra maluk niged e mad rorad,

Exodus 19:14

Me yib Moses u daken fare burey nga but’ me yog ko girdi’ ni ngar fal’eged rogorad ni fan ko fare liyor. Miyad maluknag e mad rorad,

Levitikus 11:25

ma en nra fek bang u downgin reb e pin’ey e thangri luknag e mad rok me par nib ta’ay nge mada’ ko blayal’.

Levitikus 14:20

nge pi’ u daken e altar nib mu’un fare maligach ni grain ngay. Irera’ rogon nra bangbengnag fare prist be’, ma aram e ke be’ech.

Levitikus 14:9

Ma rofen nra gaman e medlip fen ngay e ngki puy piyan lolgen nge m’ay, nge roben, nge wuthungin, nge urngin e piy u downgin; me luknag e mad rok miki maluk, ma aram e ke be’ech.

Levitikus 15:13

Ma nap’an nra gol fare mo’on ko fare m’ar ni i lul’ logwen dow riy, ma thangri son ni medlip e rran ngemu’ me maluknag e mad rok miki maluk ko ran nib machalbog, ma aram e ke be’ech.

Levitikus 8:6

Me fek Moses Aron nge pifak ni pumo’on nga mit fare Tent nge luk nagrad ko ran.

Numbers 6:9

Ma fa’anra piyan lolugem nib tabgul e ta’ay ni bochan e ummoy u charen be’ me yim’ fa’anem nib tomgin, ma thingar mu son ni medlip e rran’ ma ga puy piyan lolugem; ma aram e kag ra sul ngam be’ech.

Numbers 8:7

ni ba’aray rogon: mu atngiy fare ran nma machalbog nigey nga dakenrad magog ngorad ngar puyed e piy u dowrad ni ga’ngin miyad luknag e mad rorad. Ma aram miyad machalbog.

Deuteronomy 21:12

Ma nge fek nga tafen, ma re bpin nem e nge puy piyan lolugen nge m’ay, me th’ab t’ingun ni gubin,

1 Peter 3:21

Re ran nem e be yip’ fan e tawfe, ma tawfe e be yip’ fan ni kam thapgad ngak Got e chiney, ma gathi bochan e alit u dowmed ni kan maluknag, machane bochan e tin kamogned ngak Got u fithik’ e tafinay ni bfel’. Tawfe e be yip’ fan ni kam thapgad ngak Got u daken e fos ko yam’ ni tay Jesus Kristus,

Revelation 7:14

Mu gu fulweg ngak ni lungug, “Da gu nang, i gur e ga manang.” Me ga’ar ngog, “Pi cha’nem e fapi girdi’ ni kar thapgad ngaray u fithik’ fare gafgow ni ba ga’ ntay ngorad. Kar luk niged e mad rorad kar wechwech niged nga racha’en fare Fak e Saf.