Levitikus 14:25 - Bible Ni Thothup

²⁵ Me li’ fare fak e saf ni pumo’on me fek boch e racha’ riy nge thiy nga ba’ ni mat’aw i yuwantel, nge ba’ ni mat’aw i bugul ni ga’ u pa’, nge ba’ ni mat’aw i bugul ni ga’ u ay facha’.

Levitikus 14:25 Σταυροειδείς Αναφορές

Psalms 40:6

Gathi gamanman ni maligach nge pin’en ni yima pi’ ngom e ir e ga ba’adag; fa gamanman ni ka ni urfiy nib polo u daken e altar, ara pi maligach ni nge chuweg e denen. Ya ka mu pi’ telig ni nggu rung’ag e thin rom ngay,

Exodus 29:20

Mag li’ nge yim’, mag fek boch u racha’en ngam thiy nga ba’ ni mat’aw i yuwantel Aron nge fapi pumo’on ni fak, nge ba’ ni mat’aw u bugul ni ga’ i pa’rad, nge ba’ ni mat’aw u bugul ni ga’ i ayrad. Mag yin’ e tin kabay ko fapi racha’ nga daken gubin raba’ fare altar.

Eklesiastes 5:1

Mukol ayuw u rogon e yan rom nga Tempel. Kabfel’ ni ngam mman ngaram ni ngam fil ban’en ko bin ni ngam pi’ e maligach ni bod e girdi’ ni balyang ni der puf u lanyan’ e n’en nib mat’aw ko tin nib kireb.

Levitikus 14:26

Me pu’og fare prist boch ko fare gapgep ngalan e ba’ ni gilay’ i pa’,

Levitikus 5:7

Machane fa’anra dabiyag puluwon ba saf ara ba kaming rok, ma thangri fek l’agruw e arche’ ni dove ara l’agruw i bulogol i yib ngak SOMOL ni puluwon e denen rok. Reb e nge mang maligach ko denen ma reb e nge mang maligach ni mo’oruf.

Levitikus 8:23

Me li’ Moses nge yim’ me fek boch e racha’ riy nge thiy nga ba’ ni mat’aw i yuwantel Aron, me thiy boch nga bugul ni ga’ i pa’ ko ba’ ni mat’aw, miki thiy boch nga bugul ni ga’ i ay ko ba’ ni mat’aw.